AMAKURU

UKWEZI
cheno 2020

Rutahizamu Hudson-Odoi wa Chelsea yatawe muri yombi

Rutahizamu Hudson-Odoi wa Chelsea yatawe muri yombi
18-05-2020 saa 11:49' | By Twagirayezu Vincent | Yasomwe n'abantu 625 | Ibitekerezo

Rutahizamu w’ikipe ya Chelsea, Collum Hudson Odoi yatawe muri yombi kuri iki Cyumweru na polisi y’Ubwongereza azira kurenga ku mabwiriza yo kuguma mu rugo agatumira umugore iwe mu rugo hanyuma uyu mugore akaza guhamagara polisi n’abaganga asaba ubutabazi.

Polisi yatangaje ko yagiye mu rugo rw’uyu mukinnyi w’Umwongereza ukinira Chelsea mu rukerera nyuma y’uko uyu mugore bari baramenyaniye kuri interineti yari yaje kumureba ayihamagaje n’imbangukiragutabara kuko yari amerewe nabi.

Ntabwo polisi y’Ubwongereza yatangaje mu by’ukuri icyo Odoi w’imyaka 19 yaba yaragize uyu mugore gusa ikinyamakuru ‘The Sun’ cyo muri iki gihugu cyanditse ko ubwo yatumiraga uyu mugore yamusabye ko yaza yambaye utwenda tw’imbere tworohereye, umugore nawe arabikora.

Polisi yatangaje ko yahamagajwe hamwe n’abashinzwe ubufasha bw’imbangukiragutabara muri Londres ahagana saa 03h50’ z’igicuku cyo ku Cyumweru tariki 17 Gicurasi, ihamagawe n’uyu mugore wavuze ko atameze neza.
Hudson-Odoi ngo yamenyanye n’uyu mugore ku mbuga nkoranyambaga bakajya bandikirana ubutumwa kugeza ubwo bagiranye ibiganiro biganisha ku kuryamana bigera n’aho uyu mugore yageze aho akajya amwereka amafoto agaragaza imiterere y’umubiri we wose.

Umwe mu baturanyi baturanye na Odoi utuye mu Mujyi wa Londres yabwiye The Sun ko uyu mugore yahageze saa mbili z’umugoroba, akaba yari yohererejwe imodoka n’uyu mukinnyi ariko akaba yabonye mu gitondo abapolisi baza mu rugo rwa Odoi bari kumwe n’imbangukiragutabara bakamuta muri yombi.

Collum Hudson Odoi wigeze no kurwara Coronavirus akaza kuyikira yiyongereye ku bandi bakinnyi bo muri shampiyona y’Ubwongereza (Premier League) bahanwe bazira kurenga ku mabwiriza yo kwirinda iki cyorezo nyuma ya Jack Grealish wa Aston Villa, Kyle Walker wa Man City na Oumar Niasse wa Everton, bombi bakaba baragiye bazira amakosa atandukanye.

Hudson Odoi yatawe muri yombi azira guhamagarizwa n’umugore yari yararanye iwe mu rugo


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...