AMAKURU

UKWEZI

Ruhango: Umukecuru amaze imyaka isaga 3 ahabwa imiti igabanya ubukana bwa SIDA atayirwaye

Ruhango: Umukecuru amaze imyaka isaga 3 ahabwa imiti igabanya ubukana bwa SIDA atayirwaye
17-05-2018 saa 19:10' | By Chief Editor | Yasomwe n'abantu 9449 | Ibitekerezo 13

Nirere Venantie, ni umukecuru w’imyaka 82 y’amavuko kuko yavutse mu 1936. Atuye mu murenge wa Mbuye wo mu karere ka Ruhango, akaba amaze imyaka ibarirwa muri itatu n’igice ahabwa imiti igabanya ubukana bw’agakoko gatera SIDA, nyamara byaje kugaragara ko ari muzima nta bwandu bwa SIDA afite, gusa imiti yafashe yamugizeho ingaruka kuburyo umuryango we uhangayikishijwe cyane n’uko nta n’igikorwa ngo yitabweho byihariye.

Mu myaka ishize, Nirere Venantie yagiye kwivuza ku kigo nderabuzima cya Kizibere giherereye mu mudugudu wa Murambi, mu kagari ka Cyanza ho mu murenge wa Mbuye mu karere ka Ruhango, abaforomo bamubwira ko arwaye SIDA ndetse atangira gufata imiti yamazeho imyaka ibarirwa muri itatu n’igice, nyuma abwirwa ko ari muzima nta SIDA arwaye ariko ibyo byabaye yarazahajwe n’iyo miti kuko yahabwaga umubiri utayikeneye.

Habinshuti Bonaventure, ni umuhungu wa Nirere Venantie akaba ari nawe umukurikirana cyane ko ageze mu za bukuru. Mu kiganiro yagiranye n’Ikinyamakuru Ukwezi.com yasobanuye uko byagenze. Yagize ati: "Umubyeyi wanjye yagiye kwivuza bisanzwe bamubwira ko arwaye SIDA bamushyira ku miti yamazeho imyaka itatu n’igice. Amaze kuremba byo kuba yakoherezwa gukurikiranirwa kuri hopital (ku bitaro) nibwo abaganga bamubwije ukuri ko ari muzima barangije bamwaka ka ga code ke (agafishi kariho nimero yivurijeho) bati taha uri muzima. Nyuma nkibimenya nakoze iryanjye perereza ndanamupimisha koko nsanga ni muzima uretse ingaruka zikomeye zatewe n’iyo miti. Namwohereje ku kigo nderabuzima yafatiragaho iyo miti ngo bamuhe code ye aho kuyimuha barampamagara bambaza icyo tuyishakira, ikarita barayimwima burundu. Nashatse umunyamategeko witwa Me Nyamaswa Raphaël tujyanayo amakuru barayatwima n’ibyo yivurijeho banga kubiduha. Ubu Me Nyamaswa ageze aho agiye kubandikira akamenyesha ibitaro bya Kinazi na MINISANTE"

Habinshuti Bonaventure akomeza agaragaza ko nyuma y’ibyakorewe umubyeyi we, ikigo nderabuzima kigerekaho no kubima uburenganzira bwabo ngo bikurikiranire ikibazo. Avuga ko nka tariki 19 Mata 2018, Nirere Venantie yirirwanye n’abakozi b’ikigo nderabuzima barimo n’umuyobozi wacyo, abasaba gusa ko bamuha agakarita ke kaba kariho code y’ifishi bakakamwima kandi ari uburenganzira bw’umurwayi wese gutunga agakarita k’ifishi.

Ikindi gihe hari tariki 14 Gicurasi 2018, umukecuru arikumwe n’umwunganira mu mategeko Me Nyamaswa Raphaël ndetse n’uyu mwana we Habinshuti Bonaventure, bageze ku kigo nderabuzima bagasanga mu biro hari uwungirije umuyobozi w’ikigo nderabuzima bamusaba ibyo umurwayi yivurijeho bakabimwima, banahamagara umuyobozi akababera ibamba.

Ikinyamakuru Ukwezi.com cyagerageje kuvugana na Kantengwa Ernestine uyobora ikigo nderabuzima cya Kizibere ku murongo wa telefone ariko inshuro zose twamusobanuje iby’iki kibazo ntiyemeye kuduha amakuru. Kuwa Gatatu tariki 16 Gicurasi 2018 twamuhamagaye mu masaha y’amanywa adutega amatwi yumva neza ibyo tumubwira, ahita avuga ko arimo kugenda twaza kumuvugisha ku mugoroba ayo masaha agera telefone ye itari ku murongo. Kuri uyu wa Kane nabwo twagerageje kumuvugisha mu masaba ya saa sita avuga ko afite akazi kenshi twamuvugisha saa kumi n’ebyiri z’umugoroba, nabwo zigera telefone ye itariho.

Ibyabaye kuri uyu mukecuru Nirere Venantie si ubwa mbere bibaye mu Rwanda kuko muri Gashyantare uyu mwaka ikinyamakuru Ukwezi.com cyakoze inkuru y’umugabo witwa Muligande Jean Marie Vianney utuye mu mujyi wa Kigali, nawe wamaze imyaka ibiri afata imiti igabanya ubukana bw’agakoko gatera SIDA, iyo miti nawe akaba yaratangiye kuyifata nyuma yo guhabwa ibisubizo bigaragaza ko yanduye SIDA nyamara nyuma byaje kugaragara ko habayeho kwibeshya agafata ibisubizo bitari ibye.

Mu kiganiro kirambuye yagiranye n’ikinyamakuru Ukwezi.com, icyo gihe Muligande yadutangarije ko mu ntangiriro z’umwaka wa 2016 yagiye kwipimisha agakoko gatera SIDA i Nyabugogo mu mujyi wa Kigali, ahari habereye igikorwa cyo kwipimisha ku bushake ku bakorera muri aka gace, akaza gutungurwa n’uko yahawe igisubizo kigaragaza ko yanduye SIDA, ndetse ko yamushegeshe kuburyo abasirikare b’umubiri we bari barangiritse cyane, kuva ubwo afata imiti igabanya ubukana yanamugizeho ingaruka kuko mu by’ukuri yari muzima nk’uko byaje kugaragazwa n’ibisubizo by’abaganga n’abamuhaga imiti bakabyemera ko yahawe ibisubizo by’undi muntu.

SOMA IYO NKURU YINDI HANO: VIDEO: Muligande amaze imyaka ibiri afata imiti igabanya ubukana bwa SIDA kandi ari muzima

Icyo gihe Malick Kayumba, umuvugizi wa MINISANTE, yari yabwiye ikinyamakuru Ukwezi.com ko bagiye gukurikirana ikibazo cya Muligande ariko kugeza n’ubu uyu mugabo avuga ko nta n’umuntu wo muri Minisiteri y’Ubuzima wamuvugishije ku by’iki kibazo, akaba akomeje gushaka uko yazitabaza inkiko agahabwa indishyi z’akababaro. Kuri iki kibazo cya Nirere Venantie, nabwo twagerageje kuvugana n’uyu muvugizi ariko ntiyitabye telefone ye igendanwa mu nshuro zose twamuhamagaye.

Ingingo y’154 mu gitabo cy’amategeko ahana ibyaha mu Rwanda igjra iti: "Umuntu wese utera undi indwara cyangwa kudashobora kwikorera umurimo, amuhaye abishaka, ariko atagendereye kwica, ikintu gishobora kwica cyangwa ibintu n’ubwo bitagira ubushobozi bwo kwica, bifite nyamara ubushobozi bwo gushegesha ubuzima, ahanishwa igifungo kuva ku myaka ibiri (2) kugeza ku myaka itanu (5) n’ihazabu y’amafaranga y’u Rwanda kuva ku bihumbi ijana (100.000) kugeza ku bihumbi magana atanu (500.000).
Igihe icyo kintu gitanzwe giteye indwara idakira, ukudashobora kwikorera umurimo burundu, ukudashobora gukoresha na busa urugingo rw’umubiri, igihano kiba igifungo kirenze imyaka itanu (5) kugeza ku myaka irindwi (7) n’hazabu y’amafaranga y’u Rwanda kuva ku bihumbi magana atanu (500.000) kugeza kuri miliyoni imwe (1.000.000)."

Minisiteri y’Ubuzima ikunda kuvugwaho amakosa akorwa n’abakozi bayo mu gukurikirana abarwayi. Mu minsi ishize Minisitiri w’Ubuzima ubwe yatangaje ko yahawe serivisi mbi ubwo yajyaga ku bitaro bya Muhima. Mu bishyirwa mu majwi n’abaturage baganiriye n’Ikinyamakuru Ukwezi.com, harimo itangwa ry’akazi mu buryo bw’amanyanga butuma akazi gakorwa n’abatabifitiye ububasha. Mu cyumweru gishize, iyi Minisiteri yirukanye abakizi basaga 15 bashinzwe imari n’ubutegetsi (DAF) mu bitaro bitandukanye, nyuma y’uko Komisiyo y’abakozi itahuye ko abo bakozi bahawe akazi mu buryo bw’amanyanga, aho bongerewe amanota menshi ku yo bari babonye, abari batsinze bakibwa amanota bigatuma babura akazi bari batsindiye.


INKURU ZA :
Tanga Igitekerezo
Ibitekerezo 13
kanaka Kuya 22-05-2018

aba bantu bose bakwiye kubazwa ibyo bakoze.bitabaye ibyo abakozi bakora aho twita kwa muganga baratwica aho kutuvura

uwumugisha Kuya 21-05-2018

no ku kigo nderabuzima cya MUYUNZWE muri Ruhango DUSHIMIMANA olive yarabikoze aranabyemera ko yatanze ibisubizo bya maralia ku muntu utayifite.twatanze iki kibazo muri police ariko akomeje gukingirwa ikibaba numuyobozi wiki kigo nderabuzima.Olive we akanigamba ko akazi yakazanywemo nabapadiri ntacyo bizamutwara...amakuru arambuye mwatubaza kuri 0783177050

uwumugisha Kuya 21-05-2018

no ku kigo nderabuzima cya MUYUNZWE muri Ruhango DUSHIMIMANA olive yarabikoze aranabyemera ko yatanze ibisubizo bya maralia ku muntu utayifite.twatanze iki kibazo muri police ariko akomeje gukingirwa ikibaba numuyobozi wiki kigo nderabuzima.Olive we akanigamba ko akazi yakazanywemo nabapadiri ntacyo bizamutwara...amakuru arambuye mwatubaza kuri 0783177050

uwumugisha Kuya 21-05-2018

no ku kigo nderabuzima cya MUYUNZWE mu karere ka ruhango naho uwitwa DUSHIMIMANA Olive yiyemereye ko yatanze ibisubizo bya maralia nyamara uwo yapimaga ntayo afite

uwumugisha Kuya 21-05-2018

no ku kigo nderabuzima cya MUYUNZWE mu karere ka ruhango naho uwitwa DUSHIMIMANA Olive yiyemereye ko yatanze ibisubizo bya maralia nyamara uwo yapimaga ntayo afite

Philo Kuya 19-05-2018

Njye ndumva uwo mugabo ashaka mafaranga ntakindi!!!!! Ninde kuvuga ko imiti yamugizeho ingaruka ni ukubeshya kdi ikindi icyo nzi cyo ni uko iyo umuntu amaze igihe afata imiti igabanya ubukana bwa VIRUSI itera SIDA neza birashoboka ko bamupima akaba muzima kubera ko virusi ziba zitagitembera mu maraso

XXX Kuya 19-05-2018

Uriya mugore iyobora health center ya kizibere asuzugura kubi nwagirango kiriya kigo ni akarima ke none se mama ugirango yari kukwitaba wa munyamakur we uranshekeje we nuriya mugabo umwungirije witwa eliyazari bumije abantu ubwo rero ntukirirwe wiyumiriza ubusa uriya mugore sitwe tuzarota agiye wenda tuzaba dukize agasuzuguro ke ko kurebana iseseme abantu

Mugiraneza Bonaventure Kuya 19-05-2018

Murahoneza abakurikira iki kinyamakuru mbanje kubasuhuza, kubwanjye nyumayuko nsomye ayamahano agenda akorerwa abanyarwanda bagenda bahuranayo bangirizwa ubuzima bazingo burimo burasigasirwa ndasaba burimunyarwanda wese waba afata cg azi ufata iyimiti igabanya ubukana be,agakoko gatera SIDA kobashishoza bakajya bipimisha incuro nyinshi ahantu hatandukanye kugirango babe sure neza ko bagomba kuyifata cg kuyireka murakoze buriwese agomba kuba ijisho ryamugenziwe

Mugiraneza Bonaventure Kuya 19-05-2018

Murahoneza abakurikira iki kinyamakuru mbanje kubasuhuza, kubwanjye nyumayuko nsomye ayamahano agenda akorerwa abanyarwanda bagenda bahuranayo bangirizwa ubuzima bazingo burimo burasigasirwa ndasaba burimunyarwanda wese waba afata cg azi ufata iyimiti igabanya ubukana be,agakoko gatera SIDA kobashishoza bakajya bipimisha incuro nyinshi ahantu hatandukanye kugirango babe sure neza ko bagomba kuyifata cg kuyireka murakoze buriwese agomba kuba ijisho ryamugenziwe

fred Kuya 19-05-2018

mbega wowe! nubwo utari umuganga ariko ibyo uvuze sibyo!

Nsengiyumva Joshua Kuya 18-05-2018

Nukuri ministeri yubuzima ikwiriye guhagurukira ibyo bintu naho ubundi abantu bazabirenganira mo

liki Kuya 18-05-2018

ese.ubundi uwomukecuru apfuye nisida yaba imuhitanye buriya ra kageze mumyaka yogupfa ese ubundi yariyarasambanye ryari cg yari indaya

JO Kuya 18-05-2018

MWARAMUTSE BANTU MUSOMA IKI KINYAMAKURU, JYEWE NAKOZE KUKIGO NDERABUZIMA HAFI IMYAKA ITANU GUSA SINARI UMUGANGA MUTANSHINZA KUMENA IBANGA RYAKAZI!!!!!

MAZE GUSOMA IYI NKURU BINTEYE GUTEKEREZA KUBIKORERWA KUKIGO NDERABUZIMA. UTI BIMEZE GUTE. UBUNDI IYO IKIGO NDERABUZIMA KIBONYE CG GIPIMYE UMUNTU KIGASANGA YARANDUYE ABA ARI IMARI IKOMEYE KUKIGO NDERABUZIMA KUBERA KO SINIBUKA NEZA UMUTERANKUNGA WIYO GAHUNDA NIBA ARI PARTNERS IN HEALTH, NIBA ARI USAID HARI UMUBARE WAMAFARANGA IKIGO GIHABWA KUBERA UWO MURWAYI UMWE WA SIDA CYABASHIJE KUBONA NDETSE USANGA ABITWA ABA SOCIAL KUKIGO NDERABUZIMA NABO BA NURSE BO KUKIGO BAKORA MURI GAHUNDA YA SIDA IYO BABONYE UMUNTU MUSHYA WANDUYE BARISHIMA CYANE KUKO ABA ARI IMARI ISHYUSHYE.!!!!! JYE RERO MPISE NIBAZA IBI BIBAZO BIKURIKIRA 1. ESE MAMA BURIYA UDUSAZA NUDUKECURU MBONA DUFATA IMITI KUBIGO NDERABUZIMA BURIYA UTWINSHI NTIBATUBESHYERA. 2. ESE HABA HARI UNDI MUNTU KURUNDI RWEGO UPIMA IBYAPIMWE NIBIGO NDERABUZIMA KUGIRANGO BYEMEZWE NEZA GUSA NDUMVA NIBUTSEHO GATO KO HARI E CHANCIO ZIMWE NUMVAGA BOHEREZA IKIGALI .
NKABA JYE NSABA NIBA BISHOBOKA HAZAKORWA UBUSHAKASHATSI KURIKI KIBAZO KUKO IKIGARAGARA ABANTU BANYWA IMITI IGABANYA UBUKANA BATAYIRWAYE ARI BENSHI CYANE

English
IGURIRE
Reba Ibindi Byinshi
netlink
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...