AMAKURU

UKWEZI
RPF

Rusororo: Umugabo yafashwe aha ruswa Perezida wa Ibuka ngo ahagarike kwimura imibiri y’Abazize Jenoside

Rusororo: Umugabo yafashwe aha ruswa Perezida wa Ibuka ngo ahagarike kwimura imibiri y’Abazize Jenoside
6-06-2018 saa 13:13' | By Akayezu Jean de Dieu | Yasomwe n'abantu 9188 | Ibitekerezo

Kuri uyu wa Gatatu tariki 6 Kamena 2018, Urwego rw’Igihugu rushinzwe Ubugenzacyaha rwataye muri yombi umugabo ukurikiranyweho icyaha cyo gutanga ruswa y’amafaranga ibihumbi Magana abiri (200,000Frw), ayahaye Perezida wa Ibuka mu murenge wa Rusororo kugira ngo amukingire ikibaba ahagarike igikorwa cyo kwimura imibiri y’abazize Jenoside yakorewe Abatutsi bivugwa ko yari yarajugunywe mu cyobo kiri iwe mu rugo

Uyu mugabo watawe muri yombi yitwa Mbarushimana Papius aho akurikiranyweho iki cyaha cyo guha ruswa perezida wa Ibuka mu murenge wa Rusoro, Nduwayezu Emmanuel, ari nawe wari uhagarariye igikorwa cyo kwimura Imibiri y’Abarokotse Jenoside yakorewe Abatutsi muri Mata 1994.

Urwego rw’Igihugu rushinzwe Ubugenzacyaha mu Rwanda rwavuze ko uyu Mbarushimana yafashwe agahita anatabwa muri yombi mu gihe agikorwaho iperereza kuri iki cyaha akurikiranyweho.

Ikigo cy’Igihugu cy’Ubugenzacyaha cyaboneyeho kongera gusaba abaturarwanda kwirinda gutanga no kwakira ruswa, batanga amakuru ku wo ari we wese urya ruswa.

Muri Mata uyu mwaka, nibwo hatangiye igikorwa cyo kuvana imibiri y’abishwe muri Jenoside bakajugunywa mu byobo biri mu murenge wa Rusororo, aho hari ibyobo bibiri abaturage bavugaga ko bishobora kuba byarajugunywemo abarenga 3000.

Mu tugari tune tw’Umurenge wa Rusororo by’umwihariko muri Kabuga ya Kabiri icyobo cyagaragaye mu gikari cy’inzu ibamo abantu bamaze gukuramo ahavanywemo imibiri myinshi , naho muri Kabuga ya Mbere icyobo kitwa CND cyabonetsemo imibiri isaga 100 y’abatutsi bari barishwe bakajugunywamo.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
netlink
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...