Rutahizamu w’ikipe ya Juventus Cristiano Ronaldo yatowe nk’umukinnyi mwiza w’ikinyejana cya 21, ni ukuvuga kuva mu 2001 kugeza mu 2020.

Ni igihembo yegukanye ahigitse abarimo uwo bahora bahanganye, Lionel Messi Mohamed Salah ndetse na Ronaldinho, ni igihembo gitangwa na Dubai Globe Soccer kigatangirwa i Dubayi.

Abantu bagera kuri 23 batoye uyu rutahizamo, bagendeye ku bikorwa yakoze harimo ibikombe 5 bya Champions League bine yatwaranye n’ikipe ya Real Madrid ndetse n’ikindi yatwaye ari muri Manchester United 2008.

Hari kandi ibikombe 3 bya shampiyona yatwaranye na Manchester United 2007,2008, 2009.

Couldn’t be happier with tonight’s award ! As I’m about to celebrate my 20th year as a professional footballer, Globe Soccer Player Of The Century is a recognition that I receive with so much joy and pride !@Globe_Soccer #globesoccer pic.twitter.com/sAIl3V8ezz

— Cristiano Ronaldo (@Cristiano) December 27, 2020

Ibikombe 2 bya shampiyona ya Esipagne, yafashije kandi ikipe y’igihugu ya Portugare kwegukana igikombe cy’Uburayi mu 2016 ubu akaba ari na Kapiteni w’iki gihugu amaze gutsindira ibitego 102 mu buzima bwe.

Kuva yagera muri Juventus mu 2018 amaze gutwara ibikombe 2 bya Shampiyona ndetse anatsinda ibitego 81 mu mikino 103 amaze gukinira iyi kipe.

Usibye Cristiano Ronaldo hanahembwe ibindi byiciro bitandukanye, aho ikipe ya Real Madrid yabaye ikipe yitwaye neza kuva mu 2001-2020, Pep Guardiola aba umutoza mwiza kuva mu 2001-2020, Robert Lewandowski agirwa umukinnyi w’umwaka ndetse n’umutoza we Hans Dieter Flick agirwa umutoza w’umwaka.

Aba bose Cristiano Ronaldo yabahigitse