AMAKURU

UKWEZI
Canal+ christmax

Rutsiro : Haravugwa ababyeyi bakuye abana babo mu mashuri kubera impamvu idasanzwe

Rutsiro : Haravugwa ababyeyi bakuye abana babo mu mashuri kubera impamvu idasanzwe
25-01-2024 saa 08:07' | By Editor | Yasomwe n'abantu 473 | Ibitekerezo

Mu Murenge wa Mushubati mu Karere ka Rutsiro, haravugwa bamwe mu babyeyi bahoze mu Itorero ry’Abadivantisiti b’Umunsi wa Karindwi, bakuye abana babo mu mashuri ngo uko ibiryo barya ku ishuri ari ibiva kwa Satani.

Bamwe mu baturage baturanye n’abo babyebyi bakuye abana babo mu mashuri, babanengera iki cyemezo bafashe cyo gukura abana babo mu mashuri.

Umwe yagize ati “Uko bemera ntabwo ari ko twemera, kandi uko umuntu yumva ikibazo si ko n’undi acyumva.N abo bahoze ari abadive ariko kiriya gihe cya COVID-19 nibwo basohotse mu itorero, banga gufata ziriya nkingo batanze. Ubu babita ngo ni abarakare.”

Aba baturage bavuga ko ibi bishobora kuzabyara ingaruka zikomeye, mu gihe hatahagurukirwa iki kibazo.

Undi muturage wo muri aka gace, yagize ati “None se buriya ntibikurura umwuka mubi ? Biriya byateza n’intambara kuko niho usanga n’umwana ashobora guturuka avuga ngo ni amadini ni amadini akaba yagirira nabi Igihugu.Leta nayo igomba kuba maso, ikabihagurukira.”

Umwe muri aba babyeyi bakuye abana mu ishuri, avuga ko ishuri atari iryo kujya kwicaramo gusa, kuko ishuri rya mbere ari iry’Imana.

Yagize ati “Abana bacu biga gusoma, biga iby’ubwenge n’iby’umubiri n’iby’umwuka. Kwigana n’abandi byo…, dusoma ngo ishuri rya mbere, ni ishuri rya kirisitu.”

Umuyobozi wungirije w’Akarere ka Rutsiro ushinzwe imibereho myiza y’Abaturage, Umuganwa Marie Chantale, yavuze ko bagiye gukomeza ubukangurambaga kugira ngo abafite imyumvire nk’iyi bayiveho.

Yagize ati “Ni ukwigisha, ni ukubahugura bihoraho, tubabwira ko abana bagomba kujya kwiga ku ishuri. Nibo bagomba kuzavamo abayobozi, ni bo igihugu gihanze amaso.”


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA