Nyuma y’uko Umunyamakuru Honore Umuhoza atawe muri yombi ku nshuro ya kabiri mu gihe kitageze ku mwaka, Urwego rw’Igihugu rw’Ubugenzacyaha rwagiriye inama abahamagazwa n’uru rwego bakanga kurwitaba.

Ni nyuma y’uko uyu munyamakuru ukorera Radio& Flash TV, atawe muri yombi mu cyumweru twaraye dusoje, aho afungiye gutanga sheki itazigamiye y’ibihumbi 500 Frw.

Uyu munyamakuru yafatiwe mri Cyabingo mu Karere ka Gakenke, mu gihe yari yahamagajwe na RIB mu Karere ka Musanze.

Umuvugizi w’Urwego rw’Igihugu rw’Ubugenzacyaha (RIB) Dr. Thierry B. Murangira avuga ko umuntu ushaka gutoroka uru rwego akanga kwitaba, aba ago ba kwitonda.

Yavuze ko ugaragaweho ibikorwa nk’ibi, aba agomba gufatwa agakurikiranwa afunze, mu gihe nyamara yari yahamagawe aba ashobora kubazwa agataha, ariko mu gihe bigaragaye ko ashaka gutoroka, haba hagomba gufatwa izindi ngamba.

Ifatwa ry’uyu munyamakuru ryamanyekanye mu mpera z’iki cyumweru, ariko amakuru avuga ko yafashwe ku wa Gatanu tariki 26 Mutarama 2024 nk’uko byemejwe n’umuntu uzi aya makuru.

Uwatanze amakuru avuga ko hari umuntu uyu munyamakuru arimo umwenda w’amafaranga, ariko ko yakomeje kugenda amucengacenga.

Yagize ati “akagenda amuriganya, amuriganya.Aza kumuha sheki bumvikana ko izaba iriho amafaranga, undi amujyana muri RIB.”

UKWEZI.RW