Abanduye coronavirus mu Rwanda bageze ku 118, nyuma y’uko kuri uyu wa 10 Mata 2020, Minisiteri y’Ubuzima yapimye abantu 1036 ibakekaho coronavirus, igasangamo batanu bayirwaye.

Iyi minisiteri yatangaje ko abantu batanu bose basanzwemo iyi virusi imaze guhitana abarenga ibihumbi 100 mu Isi ari abatahuwe ko bahuye n’abanduye bari mu Rwanda.

Kugeza ubu iyi minisiteri ivuga ko abamaze gukira ari barindwi, mu gihe nta n’umwe urahitanwa n’iyi virus mu Rwanda nk’uko ibitangaza.