Minisiteri y’Ubuzima yatangaje ko kuri uyu wa 25 Mata 2020 habonetse abantu 7 bashya banduye covid-19 bituma umubare w’abafite iyi virus mu Rwanda ugera ku 186 uvuye ku 176. Abakize biyongereyeho umwe baba 88. Ibipimo byafashwe uyu munsi ni 1 275.

Minisante ivuga ko uku kongera kwiyongera kw’abafite iyi virusi mu Rwanda byerekana ko iyi virusi yiyongereye mu batwara amakamyo yambukiranya imipaka n’abo bakorana.

Mu minsi ibiri ishize mu Rwanda abari bamaze gukira bari 77% ariko kubera ko muri iyi minsi ibiri habonetsemo abarwayi 29 byatumye umubare w’abamaze gukira usubira inyuma kuri 48%.