Wari uzi ko indyo umuntu arya igira uruhare mu buzima n’imigendekere myiza y’imibonanompuzabitsina ? Urubuga rwa internet sheknows.com rwifashishije umuganga akaba n’umwanditsi w’igitabo “Younger sexier you”, ari we Eric R. Braverman, rugaragaza ubwoko butandukanye bw’ibiribwa umugabo / umusore ashobora gufata bigatuma ubuzima bwe bw’imibonano mpuzabitsina n’umufasha we bugenda neza ku bubatse ingo, cyangwa se ku muntu uwo ari we wese w’igitsina gabo wifuza kuzarushinga.

Ibyo biribwa ni ibi bikurikira :

• Ubwoko bwose bw’ibiribwa by’ibinyampeke, amagi n’imboga z’ibyatsi kuko ngo biba byiganjemo “Choline”, ituma umugabo yifuza umugore ku rwego rwo hejuru.

• Urubuto rwa Pome cyangwa se Chocolat. Pome ngo ni bumwe mu bwoko bw’imbuto bwiza haba ku gitsina gabo cyangwa se ku gitsina gore kuko ngo, iyo umuntu amaze kururya rumwongerera ibyishimo by’umwimerere, no kumva aruhutse mu mutwe nkuko Dr. Braverman abivuga, ari byo bikururira umugabo kumva yifuje umugore kubera ko iyo umugabo aruhutse, anezerewe nta kindi kintu ahita atekereza uretse imibonanompuzabitsina, ariko ngo mu gihe rutabashije kuboneka rushobora gusimburwa na Chocolat kuko ngo bigira umumaro umwe.

• Avoka, uru rubuto ngo rwifitemo vitamin B6, ifasha mu kongera umusemburo wa Testosterone na potassium.

• Ubunyobwa, bwo ngo butuma ubwonko bukora neza ibyiyumviro byo kwifuza imibonanompuzabitsina bikazamuka.

• Amafi nayo ngo yigiramo Omega-3 ituma amaraso arushaho gutembera neza mu mubiri w’umugabo ndetse no kwihuta ari nabyo bituma umugabo arushaho gushaka no kwifuza gukora imibonanompuzabitsina kuko amaraso aba atembera neza.