Ibintu 10 bihamya isano ya bugufi iri hagati y’abapfumu na benshi mu bapasiteri b’ubu

Ikinyamakuru Ukwezi, giha agaciro ibitekerezo by’abakunzi n’abasomyi bacyo, ninayo mpamvu twabageneye umwanya wo gutambutsa ibitekerezo byanyu ku ngingo zitandukanye mwihitiramo, mukavuga uko mubyumva maze abandi basomyi nabo bakinigura bakanenga cyangwa bagashima ibitekerezo byatanzwe. Iki nacyo ni igitekerezo bwite cy’umusomyi, ugaragaza ko abapasiteri b’ubu abona bafite imyitwarire n’imikorere ifite aho ihuriye n’iby’abapfumu.

Kugeza ubu mu Rwanda hamaze kugera amadini menshi, abapasiteri nabo ni nk’uburo buhuye kandi buri wese usanga yishyira mu rwego ashaka, bamwe bakiyita ba Bishop, abandi ba Apotre n’ibindi utapfa kumenya icyo bishingiraho. Nyamara bijya bigaragara kenshi ko hari n’abagaragaza imico n’imyitwarire ituma bakekwaho kuba abatekamutwe, ndetse njye nsanga hari ibintu 10 bigaragaza isano ya bamwe n’abapfumu.

1. Buri murokore burya aba afite pasiteri yemera yewe n’abapasiteri nabo baba bafite abo bemera n’abo batemera, ibi ni kimwe n’abajya mu bapfumu kuko usanga bafite abapfumu bemera n’abo batemera ndetse n’abapfumu ubwabo bakagira abandi bemera n’abo batemera hagati yabo.

2. Abapasiteri benshi b’ubu bigisha abantu inyigisho z’urwango, ibi biragoye guhita ubyemera ariko nk’iyo umupasiteri akwigisha ko Imana izaguha umwana ngo abakwise ingumba bamware ( aho kukubwira ngo Imana izaguha umwana kugirango ube umubyeyi) mu byukuri aba agerageza kukumvisha ko hari abakwita ingumba n’iyo baba badahari, ntaho rero biba bitandukaniye n’umupfumu ukwangisha umuntu akubwira ko ari we watumye utabyara. Hari n’ukubwira ngo uzabona umugisha abakwanga bakorwe n’isoni, uyu nawe aba ashaka kukwereka ko rwose ufite abakwanga bakurwanya benshi, nk’uko abapfumu ari yo turufu bakoresha.

3. Abapasiteri benshi bavuga ko ibyo bavuze ari Imana yabivuze n’ubwo byaba atari byo ndetse binagaragara nk’ibidafite ishingiro, ndetse hari n’ababwira abayoboke babo gukora ibiteye isoni bababeshya ko ari Imana yabitegetse, kimwe n’uko ikintu cyose abapfumu bavuze bavuga ko ari abakurambere ( cyangwa ibindi bakorera) babivuze.

4. Kuvuga mu ndimi. Muri Bibiliya bavuga ko igihe umwaka wera yamanutse ku isi intumwa zavuze mu ndimi, aha impamvu byitwa uko ni uko bavugaga ababumva bakabumva buri wese mu rurimi rwe. Urugero niba pasiteri avuze "rabashaka taratarata..." Umunyarwanda yakumvise icyo ashaka kuvuga mu kinyarwanda, haba hari umwongereza akabyumva mu cyongereza, haba hari umufaransa akabyumva mu gifaransa, haba hari n’umugande akabyumva mu kigande. Indimi z’abapasiteri b’ubu ariko zo, ntaho zitandukaniye n’ibyo abapfumu bavuga bitumvikana kuko urebye byose ni amakangisho gusa.

5. Iterabwoba. Abapasiteri benshi b’iki gihe batera ubwoba abakirisitu babo ngo niba udakoze ibi uzagira ibyago ibi n’ibi, ibi ni kimwe nibyo abapfumu bakora neza neza. Nonese ko baba bakangisha abayoboke babo guhura n’ibibazo runaka nibatabumvira, Imana bakorera ni umugome ?

6. Abapasiteri benshi muri iki gihe iyo bigisha basubirishamo abakiristo ibyo bavuze, usesenguye ntaho bitaniye n’umupfumu ugusubirishamo amagambo runaka. Mu byukuri gusubirishamo umuntu amagambo runaka si bibi, ni uburyo bwiza bwo kwigisha abana kuko ku mwana muto bimufasha kwibuka, bishobora gukoreshwa igihe abantu biga ururimi batazi kugirango bamenye kuvuga amagambo runaka ariko ntacyo bifasha ku muntu mukuru usubirishwamo amagambo ari mu rurimi yumva kandi asobanukiwe.

7. Kwizeza abantu ibidashoboka. Mu byukuri ntabwo nahakana ko Imana ishobora byose, ariko nk’iyo umupasiteri utagira n’igare agusengera ngo ubone imodoka, kuki utibaza ko nawe atayanze ? Mbese biba bitandukaniye he no kubwirwa n’umupfumu utagira inkweto ko agiye gutuma uba umukire utangaje ?

8. Gucuruza icyizere kidafite ishingiro. Abakurambere bagize bati "Icyizere kiraza amasinde",... Iyo uganiriye na benshi mu bayoboke ba bene aba bapasiteri, ntutinda kubona ko bahorana icyizere kidasanzwe ariko kandi kitajyanye n’imikorere yabo. Ntakuntu Imana yaguha amafaranga udakora, ibi nibyo bituma hari n’abagwa muri za Kanyarira ngo bazakirirayo mu gihe Leta yacu ntacyo itakoze kugirango abantu bashobore kwivuza. Sinaba mbeshye mvuze ko ibi ari kimwe n’abagwa mu bapfumu kandi barwaye indwara zishobora kuvurwa kwa muganga zigakira.

9. Kuvugana iterabwoba. Mbese wari wigera wibaza impamvu abapasiteri benshi bavugira hejuru ndetse basa n’abakangata iyo bari kwigisha ? Imvugo yabo ntaho itandukaniye na gato n’iy’abapfumu, ubu ni uburyo bwo gutera ubwoba butuma umuntu atinya no gutekereza kubyo abwiwe, ushiduka watwawe gusa usubiramo ibyo ubwirwa utabanje no kubitekerezaho. Mbese bigishije batavugiye hejuru abakiristu ntibabyumva ?

10. Kwigisha ibyo ubwabo badakora no kurya ibitari byabo. Kimwe n’umupfumu ukubwira koga saa sita z’ijoro kandi we atoga no kumanywa, abapasiteri benshi b’ubu bigisha ibyo ubwabo bananiwe gukora, ugasanga umugore wiyita Apotre wananiranye n’abagabo batatu ari we wigisha uko abagore bakwitwara ngo bubake rukomere, ugasanga umupasiteri wambuye abandi ari we wigisha ubudahemuka...

Ikindi navuga cya nyuma, Bibiliya iravuga ngo muzane icyacumi n’amaturo kugirango mu nzu yanjye hahoremo ibyo kurya, nyamara ni kenshi uzumva bavuga ngo "Muzane icyacumi n’amaturo" ariko akenshi bakirengagiza aho bavuga ngo "kugira ngo munzu yanjye hahorane ibyo kurya".. Impamvu nta yindi, ni uko nta rusengero rw’uyu munsi wasangamo ibyo kurya, barya ibyacumi n’amaturo kandi byakabaye biri mu rusengero kugirango biribwe n’abakene n’abandi batishoboye, ugasanga bamwe barabyijyanira bavuga ngo ni iby’Imana, ibi ni kimwe n’abapfumu barya iby’abo bita abakurambere.

Ese nawe uremeranywa n’uyu musomyi ? Ni ikihe utemera ? Nawe ushobora kutwoherereza igitekerezo cyawe ku ngingo runaka kuri email yacu : ukwezinews@gmail.com

Francois Kuya 9-09-2020

Uyu musomyi rero ntabwo ari uri ugusoma gusa ahubwo aranasobanura kuko ibi avuze ni ukuri kw’iteka ryose nawe se koko uzi gusanga pasiteri runaka yabakangishije Imana ukagira ngo ni Inyamanswa, ikindi birengagiza ko twese twahawe ububasha bwo kwigererayo twese twasenga Imana ikatwumva, gusa abapasiteri biki gihe bafite ubunararibonye mu gutinyisha Roho zabo bayoboye nawe se iyo pasiteri akubwiye ko utagomba kujya Impaka kw’ijambo ry’Imana akirengagiza ko yesu yakuriye mu rusengero mu rusengero abaza ibibazo bikomeye cyane abatambyi nk’uko tubisoma mu ivangile nyamara ntabwo byamubujije guhindura umucunguzi w’inyoko muntu yose imwizera abapasiteri b’ubu baca Imanza Bagendeye ku gifuniko kiri ku gitabo nkaho bagendeye kubicyanditemo

Ibaze gusanga umupasiteri ari kuvuga ngo ntugagendane nbo ni abapagani ukibaza ubundi icyazanye yesu ni ugushka abakiranutsi cyangwa n’abapagani nyamara ibyo babikora mu izina rya Yesu

Nkusi Norbert Kuya 9-09-2020

Wari wagerageje gusesengura ariko bimwe mubyo wavuze hajemo no kudasobanukirwa ! Cyane nk’ingingo ya 4 niya 6 gusa harimo n’ukuri mubindi wavuze n’iterabwobo,urwango,indonke etc.....

Vava Kuya 9-09-2020

Soma Biblia yawe wowe wanditse iyi nkuru. Umenye indimi icyo Biblia izivugaho cyose cyane cyane ibyo Paulo azivigaho ureke kuba nkayanyoni igurukana umutanyu it umurima ndawumaze

Vava Kuya 9-09-2020

Soma Biblia yawe wowe wanditse iyi nkuru. Umenye indimi icyo Biblia izivugaho cyose cyane cyane ibyo Paulo azivigaho ureke kuba nkayanyoni igurukana umutanyu it umurima ndawumaze

Ela Kuya 6-05-2019

Uvuze ukuri rwose ubyirengagiza biramureba

patience Kuya 13-12-2016

Kweli harimo analysis koko wamaze kuvumbura ukuri kuri mumadini reka njye basobanukiwe kera ncanye kumaso

Kazoza Kuya 14-07-2016

Claude:Reka kurwanirira idini yawe niba ari idini yemerwa n’Imana, Imana ubwayo izayirwanirira. Ntabwo urusha uwakuremye gukomera kuburyo Imana ikeneye ko uyunganira icyo yananiwe gukora. Kuba idini gatolika rikomoka ku ntumwa se ubwo ibyo byaba bihagije ngo biheshe iryo dini Ijuru ? Izo ntumwa se uvuga niba warize amateka y’Itorero ry’intumwa bishwe n’abande ? Petero wabambwe acuritse si Roma yamwishe ?

Alex Kuya 13-07-2016

Ibi bintu ni ukuri 100%. Aba bantu ntibigisha ijambo ry’Imana, ahubwo bigisha ibituma abayoboke bagira ubwoba, cg ibibaha icyizere kidashingiye ku nyigisho za gikristo, kugira ngo amafrw abavemo. Inyigisho zishingiye ku bitangaza gusa ni za Satani. Inyigisho zishingiye kuri Biblia nizihindura imitima y’abantu, zigisha ubutumwa bwiza bw’ubwami bw’Imana nkuko byavuzwe na Yesu - Matayo 24:14. Ntaho Yesu yavuze ko inyigisho zarigushingira ku bitangaza n’icyacumi gusa.

Claude Kuya 13-07-2016

Ariko nkuyu uvuga ngo abapadiri batera abadamu n’abakobwa amada muntebe ya Penetensiya ubu we bamaze kumutera zingahe ? kuki mukanwa kanyu ntakindi kibamo uretse amagambo yo gusebanya kdi kubintu mutahagazeho ? wababajwe n’uko mubyo wasomya utigeze wumva aho bavugamo Kiliziya gaturika ?
Impamvu n’uko Kiliziya ari imwe kdi itunganye ikomoka ku ntumwa.
mwe rero mwirirwa muteka imitwe ngo murashinga amadini ntimukababazwe n’uko ibyanyu bijya hanze .
niba uri n’umuyoboke w’izo ngirwamadini menya ko Kiliziya yo itajegajega ifite amahame igenderaho azwi kdi adahindagurika.

PS Kuya 13-07-2016

Yesu niwe nzira yukuri nubugingo kandi ntawe ujya kwa Data atamujyanye
Twahawe Ijambo ry’Imana Bibiliya yera, Mbere yogukora analysis zawe Ucira abantu Imanza wabanje ugasoma ibyanditwese ukayoborwa nijambo ryayo niba koko ubona abo ba Pateri yayobya.
uwitwa KUMIRO nawe gucira abantu Imanza ukunvako abashumba babayobya sibyiza ese ufite gihamyaki igaragazako arabateka mutwe ibyobakora badakoreshwa n’Imana ? Twirinde kwihutira kuvuga tugendeye kumaranga mutima yabantu, Nyamara usomye BIBILIYA Neza ibitangaza bakora byanditswe, ahubwo wowe impanvu uvugango nabateka mutwe bigaragarako udasoma Ijambo ry’Imana.

MM Kuya 6-07-2016

this is a reality hundred percent !

Murangira fred Kuya 6-07-2016

Uvuze ukuri rwose watekereje kure mumbabarire abantu mwumvise iyi nkuru nabi nti twavuze ko ari abarokore bose..... oya uyu munyamakuru yashatse gusobanura ibyateye muri kino gihe ariko njye mbibona nko gukora business.. kuko ntakindi bashaka ni cash !!!!uzarebe ko bashobora kujya kwigisha mucyaro. Bivuganira naba boss gusa lol..
Ariko noneho hari abanyumije basengera i igikondo ku wa 5 no 7 ngo bavuye iburundi birirwa bajya mumazu yabantu ngo barabasengera babakize imivumo yabakurambere babasizemo kandi ari nako babaka amafrw cy c barya ibyo bahasanze ubu bageze i huye naho bagiye kuhashinga urusengero kandi bo noneho babikora kungufu ngo nutajya murusengero rwabo uzapfa knd ntuzabona ijuru cy c bakakutwumvisha ko aribo bazi gusenga twe turi abanyabyaha nukuri wamuntu we watanze iyi nkuru umbaye kure kuko waratekereje ureba kure !!! Uri umuntu w’umugabo ppe

Jeff Kuya 5-07-2016

Well, nkurikije analysis y’uyu wanditse iyi nkuru, ko visa nk’aho ibyo avuga akekeranya yabuze nibura Umupasteur umwe baganira usobanukiwe n’ihyanditswe Byers ngo amuhe igishushanyo cy’itorero ry’ukuri uko rikora ? Nibyiza kubanza gukora research Ku byo ugiye kuvuga cyane iyo bireba ubuzima bw’abantu. Niba usenga cg uraguza simbizi ariko into mu matorero byo ndumva nta makuru y’ukuri ufite.

bebe Kuya 29-06-2016

Wowe wanditse iyinkuru warengereye kabisa kuba harabiyita aba pasteur cg bishop bakabesha abantu ntibivuzeko bose aruko .harabahamagawe nImana byukuri kandi bavuga ukuri nkuko kuri muri bible rero muabanye ibyomuvuga ntabyo muzi ahubwo musabe Imana ibafungure amaso naho gucirimanza abakozibIMANA BUKURI murikururira umujinya wImana,haramatorero yImana byukuri nka Bethel church iherereye iremera,hari restauration,hari zion temple nizindi kumuntu ushaka kujya mwijuru bazagufasha kugerayo mukukwigisha.naho abyabahanuzi mubivemo.ubuhanuzi butabesha buri muri bible murakoze

kumiro Kuya 29-06-2016

nyarukira ku kacyiru kuwa kane ,kuwa gatandatu cga kucyumweru wirebere murupangu rufatanye nahahoze university of Kigali , aho bita kwa Pasteur damascene !
njye narumiwe , icya mbere nurupango rurimo insengero 3 zitandukanye kdi bose ngonabarokore , urwambere ukinjira twagiye kubafungira umuriro bamaze igihe kirenze umwaka bawiba !!!!
urwo ruyoborwa numugore
urwa 2 nurwuwitwa damascene we wagira ngo nimubarungi , abantu barahahora gusa ikibabaje nuko mpagera umukobwa yavuganye nundi kuri phone maze aramubwirango sinagiye gusenga sha nagiye kubwirwa ibyange uko bihagaze mwiyi minsi , aho kwa damascene nizu ntoya bakagira indangururamajwi zivuga cyane kuburyo uhasengera wese ntekerezako aba yasinze urusaku , iyobigeze igihe cyo gutura harumuntu ntekerezako ariwe bafatanije urusengero cga bavindimwe uhagarara iruhande rwagaseke watura ati IMANAigukijije impanuka yarigiye kukubaho ,
IMANA iguhaye urubyaro
IMANA iguhaye akazi
IMANA igukuriyeho gereza warugiye kujyamo
IMANA igukijije umugore wakurogaga . . . . . . .
mbese ntatandukaniro rye nomubarungi
hakaza urwa 3 bita kwa claude , narumiwe ! gusa afite byinshi ahuriyeho na damascene kuko uko basenze bose ningombwa barahanura
uko basenze ningombwa bakura abadayimoni mubantu uko basenze babwira aba Christo ibibariho mwiyo minsi . . . . . .
abashinzwe umutekano baho nabo niba baba barahawe iki ngo batabona ko abanyarda batekwa imitwe nabantu bifitiye inyungu zabo byaranyobeye,
niba harumuntu usomye iyinkuru afite uko yafasha abanyarda kubarinda abo batekamutwe azahagere arebe nawe maze agire icyo akora

Teacher Kuya 29-06-2016

UBUKIRISITU niyo ntwaro ikomeye ya neo-colonialism.
Uwanditse ibi afite ukuri 100%

unknown Kuya 28-06-2016

Ibi nukuri nabwqbwira gusoma bibiliya mukayisobanukirwa mugapinga, abapasiteri ntibigisha bibiliya bigisha ibotekerezo byabo bwite byokuyobya gusa, baba buzuwemo nimbaraga za satani bakabeshyera Imana doreko yagowe, nugushishoza muri iyi minsi...reka mbahe urugero, mose womuri bible muramuzi, yayoboye ubwoko bwimana, ariko hari ahantu nahamwe yigeze yaka abantu amaturo cg nfo abasengere babone ibyo bifuza byose ?, yabuze kwemerwa nImana c, abo bisilayeli c bo Imana ntiyabemeraga, yesu ari kwisi hari amaturo yigeze yaka, yakizaga abantu kubuntu kandi mwijwi rituje..sugusakuriza abantu, nibyinshi....ingero zirahari zigaragaza ukuntu muri iyi minsi abantu barindsgiye

Prince Kuya 28-06-2016

Birababajeko uwanditse ibi akeneyekwigishwa kukonamwe banyamakuru murwego rwoguha agaciro akazikanyu mugemuraba inkuruzumvikana koko uwavuzibi ntadini agira ntanigitabo yasomye kibyimana ahubwo yivugiye ukwabyumva ambabarirekuko ibyo wavuyeyose byuzuzemo ubujiji ntanumuco bifite
Gusa ibyabakora ibidahuye muba pastor barahari Ark ndaguhuguye uramenye ntukavuge ibyudasobanukiwe ware ngewe ye.

Theophile Nyirimana Kuya 28-06-2016

Bible". Jye navuga nti : "twe duharanire kumenya icyo Imana udushakaho dukosore abandi ariko tunirebaho. Ntidutegereze kumva ibyo abandi batubwira ahubwo natwe twisomere ibyanditswe byera nibyo bizadutunga kandi bikatuyobora murugendo. Icyo nizeracyo nuko nanyuma yabuno buzima buzima, hari ubundi buzima buzima Yohana 14:19. Duhore twiteguye ubwacu.

Bizimana Straton Kuya 28-06-2016

Uyumuntu Numuhangacyane Ibyavuga Arabizi Bigaragarako Amadiniyose Yayazengurutse Nabapfumu Akabazenguruka Urebye Ntacyo Wamunshinja Nababyumvise Nabi Ngirango Nibamwe Muboyavuze Arikobyose Nukuri Yewe Ibihe Tugezemo Ntagushidikanya Nibihebyanyuma Ijamboryimana Riravugango Muminsiyimperuka Hazaduka Abiyitirira Kirisito Babanyabinyoma Kandingo Satani Azakorana Nabo Ngobakore Ibitangaza Kugirango Bayobyebeshi Ndetse Nintore Nibabishoboka Ufite Akanya Kandi Wemera Bibiliya Yasoma Matayo24:1gukomeza.Nahacu Ngodushishoze Kandingo Uwibwirako Ahagaze Yirinde Atagwa.Imana Yonyine Idufashe Kumenya Abavuga Ukuri Ndetse Iduhishurire Idiniyukuri.Murakoze Imanidukomereze Mubuntubwayo.

bless u Kuya 28-06-2016

anti Christ afite imbaraga tu, ariko amenye ko yatsinzwe kera.

Ignace Kuya 28-06-2016

Uwanditse biriya yakabije cyane kandi yashize isoni. Imana imubabarire rwose, ibyo atazi ajye abaza cg yicecekere. Mumumbarize muti ko ntacyo wemera nkurikije ibyo wavuze, ugira idini cg wibera muri abo bapfumu ?

kalisa Kuya 28-06-2016

Urakoze cyane kutwibutsa ibyo tubamo buri munsi ;iterabwoba riri mu madini rirarenze !ariko kandi tumaze kubamenya nta kuri bagira barashaka kuducucura utwacu,ni imburamukoro zirirwa zibunga nta cyo bakora bacunga urugo cyangwa umuntu ufite ikibazo bakakubeshya ukabaha amafaranga ngo bagusengere ibibazo byawe Imana ibikemure,kandi nawe ibibazo byubukene ubonako byamurenze !Uyu musomyi wacu numuhanga pe !azi kwitegereza,agasesengura ariko noneho basomyi mugerageze mudusesengurire ibiri kuboneka muri kiriziya gatolika kuko bo baba barize cyane ibyabo byo birarenze,abapadiri biciye abanyu mu kiriziya bari kujya kuri aritari ntagatifu,abakatiwe burundu kubera genocide bagiye gukorerwa yubile yo gushimirwa ko bihaye Imana !Simvuze abateramada abagore nabakobwa bagiye kubaha penetensiya !Ibi byo turabifata dute ?Mufungure urubuga abasomyi batubwire ni ba amadini koko akorera Imana.Murakoze.

KOS KIDO Kuya 28-06-2016

We !!! Umaze Igihe Kingana Iki ? Ubtekerezaho,nshuti,nkuko Ubitangaje Niko Bimeze Ahubwo ! Urakoze Cyane.Kuko Abanyabwenge,barabasha Gusesengura. Noneho !!! Aho Biroroshye Uzaze Ibugande Urebe Ibitangaza !!! Nabo Ubwabo Barapingana, Barangana, Bafite Impeta !Bambara Bagakora Ibitangaza...ICYO KWIBAZA !Mumyaka Ishize Kontabitangaza Byabagaho,ntakwemera Kwabagaho ? Hano Buli Pasteur Akora Ibitangaza Biyita Intumwa.! Buli Umwe Arakiza,hano Hali Ba (GITWAZA) NKI BIHUMBI BITANU > UMVA REKA MBAREKE TUZONGERA GUSA URAKOZE.!< ISI YANYUMA> NIMBONA UMWANYA NDABABWIRA NIBINDI,BYINSHI.

AMAKURU

Ibintu 10 bihamya isano ya bugufi iri hagati y’abapfumu na benshi mu bapasiteri b’ubu