AMAKURU

UKWEZI
Canal+ christmax

INTERVIEW : Major Willy Ngoma ahishuye UBWIRU ku kibazo cya M23 gikomeje kugonganisha benshi

INTERVIEW : Major Willy Ngoma  ahishuye UBWIRU  ku kibazo cya  M23 gikomeje  kugonganisha   benshi
21-07-2022 saa 14:44' | By Habineza Gabriel | Yasomwe n'abantu 2141 | Ibitekerezo

Umuvugizi w’Umutwe wa M23 , Major Willy Ngoma avuga ko batarwana ahubwo ko bagabwaho ibitero n’Ingabo za Leta zifatanyje n’inyeshyamba zirimo na FLDR bityo ko uretse Leta ya Congo nta w’undi Wabasha gukemura ikibazo bafite.

Mu kiganiro cyihariye na UKWEZI , Major Willy Ngoma avuga ko kuva muri Mata 2022 umutwe wa M23 wavuze ko uhagaritse imirwano ngo ikibazo kibaho ni uko uterwa ukirwanaho.

Akomeza avuga ko Ingabo za Repubulika Iharanira Demokarasi ya Congo (FADC) zifatanyije n’inyeshyamba barimo kujya mu baturage babasaba ibiryo n’inkunga zitandukanye bababwira ko bagiye gukuraho buruntu M23 bityo ko nayo yiteguye kwirwanaho.

Major Willy Ngoma, avuga ko M23 icyo yifuza ari amahoro ndetse ko bategereje amasezerano yasinywe bityo ko Leta ya Kinshasa ariyo igomba gusobanura impamvu ibashozaho intambara.

Agaruka ku biganiro bitandukanye byabaye bigamijegushakira hamwe umuti ikibazo cya M23 , Major Willy Ngoma yabwiye UKWEZI ko niyo baha Abakuru b’ibihugu byose ,Papa Francis akaza, hakiyambazwa abamalayika cyangwa Aburahamu akazuka ikibazo cya M23 kidashobora gukemuKa mu gihe Leta ya Kinshasa nta bushake igaragaza, ibiganiro byose byabaho ntacyo bizatanga kuko hari amasezerano atandukanye yasinywe agomba gushyirwa mu bikorwa.

Ashimangira ko kuba Leta ya Congo yicara ivuga ko M23 yigabaho ibitero atari byo kuko bo bifuza amahoro bityo ko gukoresha imvugo nk’izi ari ukwihunza inshingano kandi umuti uzwi neza.

Ati’’Guhamagara Malayika Gabriel ,kuzura Aburahamu akaba ahari akabumva ariko niba ntabushake bwa Politiki Leta ya Congo ifite mu gukemura ikibazo mu nzira z’amahoro ntacyo bizatanga’’

Agaruka ku gukoresha imbaraga za Gisirikare mu gukemura iki kibzo,Major Willy avuga ko Leta ya Congo izi neza icyo M23 ishaka bityo ko gukoresha ingufu za gisirikare kuri Leta ari ukwihunza inshingano kuko izi neza ko hari amasezerano yasinywe ndetse ikaba isobanukiwe naza ibiyarimo.

Umutwe wa M23 washinje ingabo za Repubulika ya Demokarasi ya Congo (FARDC) ko zifatanyije n’imitwe yitwaje intwaro irimo FDLR, barimo gutegura ibitero bikomeye kuri uyu mutwe mu gihe wo uri mu bihe byo guhagarika imirwano.

Mu itangazo wasohoye, umutwe wa M23 uvuga ko ihuriro rya FARDC, FDLR, Nyatura, APCLS-FPP/AP/KABIDO, ryasoje imyiteguro y’intambara yatangiye mu minsi ishize.

Wavuze ko ibikoresho ndetse n’abasirikare byamaze kugezwa ku rugamba, ku buryo uruhande rwa Leta rwiteguye gukomeza imirwano, mu gihe muri iki gihugu habura igihe gito ngo hatangire ibikorwa by’amatora.

Uretse ibisabwa na M23 ubwayo, Perezida wa Uganda Yoweri Museveni na we aheruka gusaba mugenzi we Felix Tshisekedi kohereza intumwa ngo azigezeho ibitekerezo ku cyaba igisubizo ku bibazo bya M23.

Tshisekedi yohereje i Kampala intumwa ziyobowe na Minisitiri w’Ibikorwaremezo, Alexis Gisaro Muvunyi, zirimo umujyanama wa Tshisekedi mu bya gisirikare, Général Major Mualunda Tumba Franck n’Umuyobozi w’abinjira n’abasohoka.

Yabasabye kugirana imishyikirano n’uyu mutwe ariko Guverinoma ya RDC ibitera utwatsi.

Umuvugizi wayo, Minisitiri Patrick Muyaya, aheruka kubwira abanyamakuru ko Museveni yatanze igitekerezo cye kuri iyo ngingo, gitandukanye n’icyabo.

Yakomeje ati "Twebwe icyo dushyize imbere ni ibyavugiwe i Nairobi, M23 n’abayishyigikira bose bagomba gusubira mu birindiro bahoranye. Ntabwo dukeneye imishyikirano iyo ari yo yose n’umutwe witwaje intwaro, kubera ko i Nairobi twatangiye urugendo rwa politiki, rureba imitwe yose yitwaje intwaro."

"Kuri twe, uwavuga wese igitekerezo cyacu ntabwo gihinduka. Bagomba kuva muri Bunagana, kubera ko i Luanda twemeje ihagarikwa ry’imirwano. Iyo ngingo tuyikomeyeho. Ibyo bavuga byose, mbere y’uko hagira igikorwa cyose, M23 n’abayishyigikira bagomba kuva muri Bunagana kandi ni umurongo weruriwe Museveni."

Minisitiri Muyaya yavuze ko Museveni yatanze ibitekerezo bye ariko Congo yo aho ihagaze ni uko nta mishyikirano igomba kubaho.

Major Willy Ngoma : Même les presidents du monde entier ne peuvent pas donner une solution au M23


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA