AMAKURU

UKWEZI
Canal+ christmax

Byinshi byihariye kuri Gen Fred Ibingira wavuzweho udushya mu myaka irenga 30 amaze mu bikorwa bya gisirikare

Byinshi byihariye  kuri Gen Fred Ibingira  wavuzweho udushya  mu myaka irenga 30  amaze mu bikorwa bya gisirikare
24-05-2022 saa 07:54' | By Habineza Gabriel | Yasomwe n'abantu 2832 | Ibitekerezo

Gen Fred Ibingira yavukiye mu buhungiro mu gihugu cya Uganda mu 1964 .Muri iki gihugu niho yize amashuri abanza n’ay’isumbuye nyuma yaho yaje kujya mu gisirikare aba umu-Ofisiye mu mwaka wa 1987.

Mu bijyanye n’igisirikare ,Gen Fred Ibingira yagiye ashingwa imiromo itandukanye mu ngabo haba mbere y’urugamba rwo kubohora igihugu na nyuma yaho ageze mu ngabo za RDF.

Mu mwaka wa 1987 ubwo yabaga umu-Ofisiye, Fred Ibingira yayoboye Platoon , mu mwaka ukurikiyeho ayobora Company mu gihe mu mwaka wa 1989 yabaye umugaba wungirije wa Batayo ya 7 .Mu mwaka wa 1990 ubwo hatangiraga urugamba rwo kubohora igihugu yayoboye Batayo yitwa Task Force A.

Mu mwaka wakurikiye ni ukuvuga mu 1991 yayoboye Batayo ya 7 n’iya A Mobile Force akomeza mu mwaka wa 1992 aho yari umugaba wungiriye mu karere k’imirwano k’Umutara.

Mu mwaka wa 1993 yari muri 157 Mobile Force nk’umuyobozi w’ibikorwa by’intambara kandi akaba yari yungirije umuyobozi w’urukiko rwa gisirikare rw’ingabo za RPA. Mu mwaka wa 1994 yaje kuyobora Brigade ya 301, naho mu mwaka wa 1998 ayobora iya 402.

Gen Fred Ibingira yahawe imidari itandukanye irimo uwo kubohora igihugu, uwo guhagarika Jenoside ,uw’urugamba rwo hanze y’igihugu, uw’ishyirwaho ry’umukuru w’Igihugu, uwo kuyobora ingabo n’urugamba ndetse n’uw’ibikorwa byo guteza imbere igihugu.

Kuva mu mwaka wa 2003 kugeza mu mwaka wa 2010 Gen Fred Ibingira yayoboye Division ya Mbere umwanya yavuyeho agirwa umugaba mukuru w’Inkeragutabara .Muri iki gihe cyose yagiye azamurwa mu mapeti kugeza ageze ku ipeti rya nyuma mu ngabo z’u Rwanda ariryo rya General.Mu gihe yari atangiye kuyobora Inkeragutabara yari afite ipeti rya Lt Gen.

Tariki ya 28 Mata 2021 nibwo byatangajwe ko Gen Fred Ibingira na Lt Gen (Rtd) Charles Muhire bafungiwe muri Gereza za Gisirikare mu bihe bitandukanye bakurikiranyweho kurenga ku mabwiriza yo kwirinda Covid-19.

Amakuru avuga ko Gen Ibingira yatawe muri yombi tariki ya 7 Mata nyuma y’aho bigaragariye ko yakoresheje umuhango wo gusaba mu Ntara y’Amajyepfo mu Karere ka Huye mu Murenge wa Ngoma, iminsi itatu mbere y’uko afatwa.

Gusaba no kwiyakira muri iki gihe birabujijwe nk’imwe mu ngamba zo kwirinda ikwirakwira ry’icyorezo cya Coviv-19, ubukwe bwemewe ni ubw’imbere y’amategeko no mu rusengero ariko bwombi nta birori byemewe kandi nabwo bukorwa hubahirijwe ingamba zo kwirinda iki cyorezo zagenwe.

Bivugwa ko Lt Gen Muhire yatawe muri yombi tariki ya 24 Mata ahitwa Pegase Resort Inn ku i Rebero mu Karere ka Kicukiro aho bivugwa ko we n’abandi bantu 33 bari bari kunywera inzoga barenze ku mabwiriza yo kwirinda.

Bombi batawe muri yombi mu bihe bitandukanye nyuma y’uko habonetse amakuru ntakuka y’uko bagize uruhare mu kurenga ku mabwiriza yo kwirinda Covid-19.

Ku wa Kabiri tariki ya 27 Mata, Umuvugizi w’Ingabo z’u Rwanda, Lt Col Ronald Rwivanga, yemeye ko aba bagabo bafunzwe. Ati “Ni ukuri ko abo bajenerali bombi batawe muri yombi ku bikorwa bifitanye isano n’imyitwarire mibi.”

Yashimangiye ko ifungwa ryabo ryaturutse ku kuba barenze ku mabwiriza yo kwirinda Covid-19 mu gihe RDF isaba abasirikare bayo kuba intangarugero mu kubahiriza amabwiriza aba yashyizweho.

Gen Fred Ibingira ni umugabo wubatse akaba yarashakanye na Marie Claire Muanganyinka ao bafitanye abana Batatu.

Byinshi wamenya kuri Gen Fred Ibingira umaze imyaka irenga 30 mu bikorwa bya gisirikare


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA