Ingoro y’ubwami bw’ Ubwongereza ‘Clarence House’ ku wa 25 Werurwe 2020 nibwo yemeje amakuru avuga ko igikomangoma Charles w’imyaka 71 yanduye coronavirus.

Uyu mwami w’ahazaza mu Bwongereza afite ibimenyetso bya covid-19 gusa ngo ameze neza. Inzobere mu buvuzi zivuga ko iki gikomangoma gishobora kuba cyaranduye tariki 13 Werurwe, Charles yagaragaje ibimenyetso mu mpera z’icyumweru gishize, ubwo yari Scotland nibwo yagaragaje ibimenyetso bya COVID-19, ku wa mbere nibwo abaganga bamupimye basanga yanduye iyi virusi yica cyane abo mu myaka agezemo.

Abaye igikomangoma cya kabiri byemejwe ko cyanduye coronavirus , nyuma ya Albert wo mu bwami bwa Monaco, wapimwe tariki 10 Werurwe.

Mu bwongereza abamaze kwandura iyi virusi barenga ibihumbi 9, amaze gupfa barenga 400, abamaze gukira ni 135.

Ku isi abamaze kwandura bose hamwe barenga ibihumbi 471, abamaze gukira barenga ibihumbi 111, abamaze gupfa ni barenga ibihumbi 21.

Reba urutonde rw’ibyamamare bimaze kwandura COVID-19