AMAKURU

UKWEZI
ubumwe

Ifoto ya Minisitiri w’ Intebe akiri umwana yagiye ahagaragara ishobora kumubuza amahirwe

Ifoto ya Minisitiri w’ Intebe akiri umwana yagiye ahagaragara ishobora kumubuza amahirwe
21-09-2019 saa 07:34' | By Nsanzimana Ernest | Yasomwe n'abantu 11043 | Ibitekerezo 5

Nyuma y’ uko hagaragaye ifoto ye ya yambaye masike y’ abirabura, hagaragaye indi ya kera we n’ umuvandimwe we bicaye ku migongo y’ abana b’ abirabura.

Iyi foto ya kabiri ya Minisitiri w’ Intebe wa Canada Justin Trudeau yatumye anengwa bikomeye n’ abantu batandukanye ku rwego mpuzamahanga bavuga ko afite ivanguraruhu muri kamere ye.

Uyu mutegetsi wa Canadia ibi byose bibaye mu gihe ari kwiyamamaza ngo azongere atorerwe uyu mwanya.

Iyi foto yicaye ku migongo y’ abirabura yafotowe n’ umudipolomate wo muri Kenya mu ruzinduko Trudeau yakoreye muri Kenya mu 1981 , yagiye ahagaragara muri ibi bihe ituma abanyapolitiki bo muri Canada n’ abo mu mahanga bamunenga cyane .

Andrew Scheer wo mu ishyaka ry’ aba-conservative yavuze ko ibyo ariya mafoto yombi yerekana bigaragara uruhande rwa Justin Trudeau ruhishe inyuma yo kuba agaragaza ko ari umwana mwiza


Trudeau ukekwaho ko afite kamere yo kwanga abirabura

Agira ati “Natunguwe kandi nabihiwe. Ivangura nka ririya si ryiza. Byari bisanzwe atari byiza ariko noneho bibaye bibi cyane. Afite ivanguraruhu ribi cyane”.

Perezida wa Leta zunze za Amerika nawe mu kiganiro yagiranye n’ abanyamakuru kuri uyu wa 20 Nzeri 2019 yavuze kuri aya mafoto ya Justin Trudeau.

Ati “Narinzi ibintu byiza kuri Justin, ntabwo nari nziko yambara umwambaro ugaragaza ivanguraruhu, nta n’ ubwo nari nziko agendera ku migongo y’ abana b’ abirabura. Kubimenya byantunguye cyane”.

Justin Trudeau ni Minisitiri w’ Intebe wa Canada kuva muri 2015, yigaragaza muri politiki nk’ umuntu ufungutse mu mutwe.

Abakurikiranira hafi ibya politiki ya Canada bavuga ko aya mafoto 2 n’ amashusho agaragaza Justin Trudeau nk’ umuntu wanga abirabura ashobora kumwimisha amahirwe yo kongera gutorerwa uyu mwanya wa Minisitiri w’ Intebe.

Abenshi mu bo mu ishyaka Liberal Party of Canada rya Justin Trudeau bavuga ko uru ruhande rwe rumugaragaraza nk’ umuntu wanga abirabura ruzatuma atsindwa amatora akagira amajwi ya kabiri.


Justin Trudeau n’ umuvandimwe be bicaye ku migongo y’ abana b’ abirabura mu 1981

Justin Trudeau yambaye masike yirabura yafashwe nk’ ikimenyetso cy’ uko abanga


INKURU ZA :
Tanga Igitekerezo
Ibitekerezo 5
Innocent Kuya 1-10-2019

Kwambara mask ntabwo ari ukwanga icyo ushaka kwisanisha nacyo ahubwo ni ukugikunda. Ko ntarabona uwambaye mask ya shitani se? Naho kujya mu mugongo w’abana byo ni ibisanzwe abana bose barabikora

uwera Kuya 25-09-2019

premier ministre wacu tueamukunda aba migrants amajwi naye 100 kwi 100 adufashe neza cyane muzamuvuge ibindi ibyo ntawabyemera tuzongera tumutore rwose

Dusabimana Kuya 22-09-2019

tubashimiye amakuru mutugezaho

uwera Kuya 22-09-2019

ABANA BOSE AHO BALI BARAKINA MWENE ILIYA MIKINO MWIMUHARABIKA ABANYACADA TURAMUKUNDA CYANE TUZAMUTORA

Nkundabera Norbert Kuya 21-09-2019

Birababaje kuba abantu bashingira ku ifoto yonyine bakemeza ko umuntu afite ivangura.Hariya mbona yari akiri umwana ,biraboneka ko abandi bana bari bamunezerewe bari kumwihera umunyenga .
Kwambara masque nabyo ntibivuze ko yanga abirabura kuki bitaba ari ukubakunda se?

What he does on those both pictures is rightly colored by people’s attitude,negatively or positively.

Niba aboneka nk’umuntu ufungutse mu mutwe ni umusaruro wavuye kubyo yamenye,bivuze ko ntawe uvukana ubumenyi,ahubwo arabushakashaka bityo kugereranya Trudeau nka Ministre w’intebe na Trudeau wo munsi y’imyaka 5 byaba ari akarengane akorewe.

Mugire amahoro.

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...