Ubusumbane bw’amoko bukomeje kwigaragaza muri Leta zunze ubumwe za Amerika, kuko imibare y’abamaze guhitanwa na covid-19 muri iki gihugu abirabura bakubye gatatu abazungu imaze guhitana.

Byagaragajwe n’ubushakashatsi bwakozwe na laboratoire y’ubushakashatsi yitwa APM bwagiye ahagaragara kuri uyu wa Gatatu tariki 20.

Ubwo bushakashatsi bwerekana ko abirabura bamaze gupfa ari 50,3 mu bantu bihumbi 100 bamaze kwicwa n’iki cyorezo. Abazungu ni 20/100 000, abo muri Amerika y’epfo ni 22,9/100 000 , Abanyaziya baba muri ni 22,7/100 000.

Abirabura barenga ibihumbi 20, ni ukuvuga umwe muri buri birabura ibihumbi 2 batuye muri Amerika amaze kwica n’iki cyorezo.

Muri Leta ya Kansas niho biteye ubwoba cyane kuko abirabura bamaze guhitanwa n’iki cyorezo bakubye abazungu inshuro 7. Muri Washington abirabura bamaze kwica na covid-19 bakubye abazungu inshuro 6, Michigan na Missouri abirabura bamaze gupfa bakubye abazungu inshuro 5, Illinois, New York na Louisiana abirabura bamaze gupfa bakubye abazungu inshuro 3.

Uché Blackstock, Umuyobozi mukuru ushinzwe ubuvuzi budaheza avuga ko nubwo bikomeje kugaragara ko hari ikibazo cy’ivangura muri Leta zunze ubumwe za Amerika, ubuyobozi bwa Trump ntacyo buri gukora ngo burihagarike.

Alex Azar, umunyamabanga ushinzwe ubuzima, ku cyumweru yavuze ko impamvu coronavirus iri kwica cyane abirabura ari uko ngo aribo basanganywe ibibazo by’ubuzima : umubyibuho ukabije, diabete, umuvuduko mwinshi w’amaraso.

Ikigo y’Abanyamerika CDC gishinzwe kurwanya indwara z’ibyorezo muri iki cyumweru nibwo bwa mbere cyatangaje ikigero by’abirabura bamaze guhitanwa na covid-19 kigereranyije n’abazungu.

The Guardian yatangaje ko ubu bushakashatsi bwashyizwe ahagaragara na APM research bwakorewe muri Leta 40, zihanywe na 90% by’abantu 92 128 bamaze kwicwa na covid-19 muri Amerika.

Kugeza ubu hari Leta 5 zitarashyira ahagaragara ikigereranyo cy’abamaze kwicwa na covid-19 gishingiye ku moko arizo Montana, Nebraska, Utah North na South Dakota. Andi Egbert, umushakashatsi mukuru wa APM research lab ati “Naratunguwe kubona hari Leta zitarashyira ahagaragara uko imfu za covid-19 zihagaze bishingiwe ku moko”.