AMAKURU

UKWEZI
Canal+ christmax

M23 yafashe akandi gace nyuma y’imirwano ikomeye ivugwamo Abarusiya

M23 yafashe  akandi gace nyuma y’imirwano ikomeye ivugwamo Abarusiya
3-01-2023 saa 07:40' | By Habineza Gabriel | Yasomwe n'abantu 10368 | Ibitekerezo

Ejo uu wa Mbere hiriwe agahenge mu gace k’imirwano ka Masisi muri Kivu ya Ruguru, nyuma y’umwanya M23 ihanganye n’inyeshyamba zikorana n’ingabo za Leta ya Congo, FARDC.

Radio Okapi ivuga ko kuri uyu wa Mbere nta mirwano yabaye muri Rutshuru no muri Masisi (Nord-Kivu).

Ku Cyumweru inyeshyamba za M23 zahanganye n’imitwe y’inyeshyamba ikorana n’igisirikare cya Leta ya Congo, ahitwa Kiseguro ku muhanda Nyamilima-Ishasha.

Inyeshyamba za M23 zahise zifata kariya gace kari kuri Km 30 hafi y’agace gatuwe cyane ka Kiwanja, zirukanamo Mai-Mai na FDLR.

Umutwe wa M23 ariko watangaje ko ku mugoroba agahenge kongeye kuboneka muri Rutshuru na Masisi, ariko kakurikiye imirwano yahuje abarwanyi bawo n’abimitwe yishyize hamwe, ya FDRL-MAÏMAÏ-CODECO-NYATURA-ACPLS-PARRECO-NDC-RENOVÉ n’abacanshuro bafatanya n’ingabo za Leta, FARDC.

M23 ivuga ko muri iyo mirwano yabaye ku wa Mbere tariki 02/01/2023 muri Masisi n’ahitwa Kisharo, muri Gurupema ya Binza, Teritwari ya Rutshuru, hapfuye benshi mu mitwe ishyigikiye ingabo za Leta, ndetse herekanwe amafoto y’abapfuye.

Radio Okapi ivuga ko imirwano mu minsi ishize yabereye ahitwa Bwiza-Kitchanga, inyeshyamba za M23 zihanganye n’ingabo za Leta, FARDC zifatanyije n’imitwe ya Mai-Mai.

Indi mirwano ngo yabereye mu gace ka Karenga, muri Pariki ya Virunga muri Teritwari ya Masisi, ku Cyumweru, ingabo za Leta, FARD zaharwaniye n’umutwe wa M23.

Hashize igihe hemejwe ihagarikwa ry’imirwano hagati y’impande zombi, ariko kenshi hagiye havugwa imirwano nyuma y’icyo cyemezo.


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA