AMAKURU

UKWEZI
cheno 2020

Ibintu 10 bidasanzwe ukwiye kumenya kuri COVID-19, icyorezo cyageze no mu Rwanda

Ibintu 10 bidasanzwe ukwiye kumenya kuri COVID-19, icyorezo cyageze no mu Rwanda
14-03-2020 saa 12:22' | By Nsanzimana Ernest | Yasomwe n'abantu 13510 | Ibitekerezo 6

Aka kanya ushobora kuba ufite ubwoba bwinshi utewe na coronavirus ihangayikishije benshi muri iyi minsi, ariko numara gusoma iyi nkuru ubwoba wari ufite buragabanuka ukomeze ingamba zo kwirinda ufite umutima utuje.

Ikizwi ni uko kugeza ubu iyi ndwara ya COVID-19 iterwa n’ubwoko bushya bwa coronavirus imaze guhitana abantu 5,440, abamaze kwandura iyi virusi ni 145,929 abayikize ni 72,553.

1. COVID-19 ni ubwa mbere ibayeho mu mateka y’Isi

Coronavirus ni ubwoko bwa virusi busanzwe buba mu nyamaswa ariko ubwoko bwa coronavirus buri gukwirakwira ku Isi muri iyi minsi ni bushya.

Ubu bwoko bwa coronavirus, Ishyirahamwe mpuzamahanga ryita kuri za microbe, ryabwise COVID-19, bivuga COrona VIrus Disease yavumbuwe muri 2019. Coronavirus imeze nk’urugori niyo mpamvu bayise corona.

Abayise COVID-19 bashoboraga no kuyitirira Wuhan, bakayita Wuhan-19, ariko banze kurakaza Abashinwa. Iyi virusi iri mu bwoko bwa coronavirus yabonetse bwa mbere mu mujyi wa Wuhan mu Bushinwa mu kwezi kwa 12, imenyekana neza mu kwezi kwa 1 uyu mwaka.

Ikitavugwaho rumwe kugeza ubu ni uko bamwe bavuga ko Abashinwa bayikuye mu ducurama bariye, ariko hakaba hari andi makuru avuga ko yaturutse muri Leta zunze Ubumwe za Amerika nk’uko byatangajwe n’umuvugizi wa Minisiteri y’ububanyi n’amahanga y’ Ubushinwa Zhao Lijian.

2. COVID-19 ipimirwa mu zuru

Iyi virusi ipimwa hifashishijwe ibipimo biboneka bafashe tijekoto bagakoza mu zuru, hanyuma ibipimo bikajyanwa muri laboratoire. Nyuma y’amasaha ane nibwo ibisubizo biboneka, abaganga bagatangaza niba uwapimwe arwaye covid-19 cyangwa atayirwaye.

3.Birashoboka ko abirabura bafite ubudahangarwa kuri COVID-19

Kugeza ubu imibare igaragaza ko abenshi bafite covid-19 ari abazungu, ndetse n’abo igaragaraho mu bihugu by’ Afurika hafi ya bose ni abazungu. Abahanga mu by’ubuzima bavuga ko iyi virusi ya covid-19 ishobora kuba idashobora ahantu hashyushye nko muri Afurika, ikindi gitekerezwa ni uko bitewe n’uko muri Afurika hakunze kuba malaria imibiri y’Abanyafurika ishobora kuba yariremyemo ubudahangarwa karemano burwanya malaria bukaba aribwo butuma iyi virusi ya covid-19 itabafata. Mu miti abashakashatsi barimo kugerageza ngo barebe ko yakiza covid-19 harimo umuti wa nivaquine usanzwe uvura malaria.

4.Abakira COVID-19 bikorwa n’umubiri wabo

Magingo aya abantu barenga ibihumbi 70 bamaze gukira covid-19, nyamara nta muti wayo uraboneka n’urukingo rwayo ntabwo ruraboneka. Abaganga icyo bari gukora ku bagaragayeho iyi virusi ni ukuvura ibimenyetso. Ugaragayeho umuriro bamuha imiti igabanya umuriro, ugaragayeho umusonga bamwongerera umwuka, bikazarangira umubiri wiyirukaniye iyi virus.

5. Abanduye COVID-19, 98% barakira

Dr Nduwayo yavuze ko abantu iyi virus yibasira ari abantu bafite umubiri ufite intege nkeya. Abantu bakuze bafite hejuru y’imyaka 70, abarwaye umutima, abarwaye diyabeti, abarwaye impyiko. Ati “Naho ubundi umuntu w’umusore urya neza, umubiri we urayirwanya ukayitsinda”

6. Ukize COVID-19 ntabwo yongera kuyirwara

Kimwe n’izindi virusi iyo covid-19 yinjiye mu mubiri w’umuntu umubiri we ukayirwanya ukayitsinda ntabwo yongera kuyirwara kuko mu mubiri w’uwo muntu hasigaramo urukingo. Mu Gifaransa babyita anti-corps ninako bigenda kuri ebola.

7. Utaragaragaza ibimenyetso bya COVID-19 ntabwo yanduza abandi

Iyi virus itera indwara ya COVID-19 imara iminsi 14 mu mubiri w’umuntu ataragaragaza ibimenyetso byayo birimo kwitsamura, kugira umuriro no gukorora. Dr Nduwayo yavuze ko igihe umuntu ataragaraza ibi bimenyetso aba ataratangira kwanduza abandi. Iyi virusi itera indwara ya COVID-19 uyandura ni uhumetse umwuka urimo amatembabuzi asohoka iyo umuntu uyirwaye akoroye cyangwa yitsamuye, cyangwa umuntu akoze ku kintu kiriho ayo matembabuzi.

8. Dr Nduwayo ntabwo yemeranya n’abavuga ko iyi virusi itera COVID yakorewe muri laboratoire

Uyu muganga avuga ko amakuru avuga ko corona virus itera covid-19 yakorewe muri Laboratoire ya Leta zunze ubumwe za Amerika kugira ngo Ubushinwa butazayicaho mu by’ubukungu ari igihuha. Ngo iyi virusi isanzwe iba mu nyamaswa yavuye mu nyamaswa ijya mu bantu kuko abantu bariye iyo nyamaswa.

9. COVID-19 imaze amasaha ageze kuri ane itari mu muntu iba yapfuye

Kimwe n’izindi virus, iyi virusi itera COVID-19 ntabwo ishobora ku mara mu kirere amasaha ane itarapfa.

10.COVID-19 nta bushobozi ifite bwo kwinjira mu gapfukamunwa

Dr Nduwayo abajijwe niba iyi virusi itera COVID-19 idashobora kwinjira mu gapfukamunwa abaganga bakoresha mu kwirinda kuyandura igihe bari kuvura abayirwaye. Aha yasubije ko ‘ntabushobozi virusi ifite bwo kwinjira mu gapfukamunwa’ cyokora ngo muganga ategetswe gukoresha agapfukamurwa inshuro imwe gusa agahita agakuramo akakajugunya ahabigenewe akambara akandi kuko gashobora gucika igihe agakoresheje inshuro zirenze imwe.

Iyi nkuru yakozwe hashingiwe ku kiganiro Dr Leonard Nduwayo yahaye BBC. Dr Nduwayo akuriye ishami rivura indwara ziterwa na virus, mu bitaro bya Centre Hospitalière Geneviéve de Gaule Antoniove biri mu mujyi wa Saint-Désiré mu Bufaransa.


INKURU ZA :
Tanga Igitekerezo
Ibitekerezo 6
niyitegeka emmy Kuya 27-03-2020

Twese dukomeze twirinda COVID-19 dukurikiza amabwiriza ya minisiteri y’ubuzima.

Nyirahakuziyaremye maria Kuya 25-03-2020

Dukomeze kwirinda twubahiriza inshingo turushaho kwirinda murakoze

Haragakiza ferdinand Kuya 23-03-2020

Nasaba muze muratwubira uko bimeze,abapfa uko bangana burimusi nabakira ukobangana buri musi.nkongera nsaba imana idufashe irandure ico coherezo ca coviris 19 igikure kw’isi yayo.

Munyenshongore jean eric Kuya 22-03-2020

Uwo mubumbe nta virusi ihari ngoduhungireyo ? Mutubwire

Ndayiragije thacien Kuya 21-03-2020

Nukuri izo ngamba nimuzifate kandi zishyirwe mubikorwa turebe ukuntu twahashya iki cyorezo byumwihariko nkomeza gusaba abanyarwanda bakomeze kubahiriza ingamba zafashwe oke muge mukomeza mutubwire imibare yabakize cg abapfa ahobafatiwe niba ari mukarere runaka kugirango kamenye uko karushako kwirinda sabimana ikomeze irinde abayobozi burwanda nabanyarwanda bose.byumwihariko imana nirengere iyisi murakoze

Nibogora Leonard Kuya 16-03-2020

Nn Uwomubumbe Uhagazekuyihesi

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...