AMAKURU

UKWEZI
Canal+ christmax

Canal+ ikomeje kudabagiza abakiliya : Izanye Amashene mashya inasubiza ubusabe bw’abumva Icyongereza

Canal+ ikomeje kudabagiza abakiliya : Izanye Amashene mashya inasubiza ubusabe bw’abumva Icyongereza
29-09-2021 saa 16:25' | By Editor | Yasomwe n'abantu 709 | Ibitekerezo

Kompanyi icuruza serivisi z’isakazamashusho n’ibikoresho bijyana na zo, Canal + ikomeje gufasha abafatabuguzi bayo kunogerwa na serivisi zayo ubu ikaba igiye gutangira kugaragaraho amashene mashya arimo ay’imyidagaduro, uburezi n’iterambere ry’Abanyafurika ndetse n’andi azakurikirwa n’abumva icyongereza.

Aya mashene mashya arimo nka Canal + Premiere, Canal + Pop, Canal + Cinema, Canal + Elles, Canal + Family na Canal + Action ndetse na shene ya Nathan TV izajya inyuraho ibiganiro by’abana n’amasomo atandukanye.

Aya mashene yiyongereye ku yandi asanzwe ari ku ifatabuguzi rya Canal +, yongeweho mu rwego rwo gukomeza gufasha abafatabuguzi b’iyi kompanyi gukomeza kunogerwa na serivisi z’ifatabuguzi.

Ni amashene arimo azajya anyuraho ibiganiro birimo iby’imyidagaduro ibyo kubaka umuryango w’Abanyafurika, ibyo kuzamurira ijambo abagore ndetse na film zigezweho.

Sophie Tchatchoua uhagarariye Canal + mu Rwanda, avuga ko aya mashene yongewe ku yandi asanzwe agaragara kuri Canal + mu rwego rwo gukomeza guhaza ibyifuzo by’abakiliya babo.

Yifashishije intero ya Canal +, Sophie Tchatchoua yagize ati “Ubu kuri Cinema turayoboye, kuri footaball turayoboye, kuri cinema turayoboye, ku burezi turayoboye, ku myidagaduro turayoboye,…”

Yavuze kandi ko inyongera y’ariya mashene azatangira kugaragara kuri Canal + mu kwezi gutaha k’Ukwakira, ntacyo izahindura ku mafaranga y’ifatabuguzi yishyurwaga n’abakiliya.

Abumva Icyongereza basubijwe

Canal + isanzwe itambutsa ibiganiro byiganjemo ibyo mu Gifaransa, yagiye yakira ubusabe bwa benshi bumva icyongereza ko na bo bakeneye kwibukwa.

Ubuyobozi bwa Canal + buvuga ko ubu busabe bwamaze gusubizwa kuko kuva kuri uyu wa Gatanu hari amashene y’inyongera 15 y’icyongereza azatangira kuboneka ku ifatabuguzi bya Canal +.

Icyakora ngo abafatabuguzi ba Canal + bazifuza kujya bareba ariya mashene, bizabasaba kuzaba basanzwe bafite rimwe mu mafatabuguzi yayo ubund bakishyura ziriya nyongera z’icyongereza ku ruhande.

Ku bazashaka ifatabuguzi ry’inyongera ry’icyongerezwa rizwi nka English basic rifite amashene 8 bazajya bishyura 8 000 Frw mu gihe ku ifatabuguzi rya English plus rifite amashene 15, ho bazajya bishyura 20 000 Frw.

Canal + kandi igiye kujya inagaragaraho udushya dutangaje twagiye tuba mu mikino itandukanye ku isi, itangaza ko abakunzi b’imikino bo ubu iyi Kompanyi ari Mudatenguha kuri bo kuko ikomeje kwerekana imikino ikomeye inakomeje gukikirwa n’imbaga ku Isi yose.

UKWEZI.RW


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA