AMAKURU

UKWEZI
ubumwe

‘Shaddy Boo ni nka mushiki wanjye’ Diamond Platnumz wahagaze I Kigali

‘Shaddy Boo ni nka mushiki wanjye’ Diamond Platnumz wahagaze I Kigali
16-08-2019 saa 16:30' | By Nsanzimana Ernest | Yasomwe n'abantu 3311 | Ibitekerezo

Kuri uyu wa 16 Kanama 2019, nibwo umuhanzi w’icyamamare mu karere Diamond Platnumz yageze I Kigali mu Rwanda aho yaganiriye n’ abanyamakuru bakamubaza ibibazo bitandukanye birimo umubano we na Shaddy Boo n’ ibirebana na muzika ye muri rusange.

Diamond yavuze ko Mbabazi Chadia, Shaddy Boo uzwi cyane mu Rwanda byavuzwe hambere ko bakundana atari byo ahubwo ari nka mushiki we.

Diamond, ubundi witwa Nasibu Abdul Juma, ari mu nzira ajya i Bujumbura mu Burundi aho afite igitaramo uyu munsi kuwa Gatanu. Biteganyijwe ko azataramira mu Rwanda ejo ku wa Gatandatu.

Mu rugendo rwe yahagaze i Kigali agirana ikiganiro n’abanyamakuru bamubajije ibibazo bitandukanye kuri muzika akora no ku buzima bwe busanzwe.

Umwaka ushize umugore wamamaye ku mbuga nkoranyambaga mu Rwanda uzwi cyane nka Shaddy Boo yagaragaje amafoto ari kumwe na Diamond bari aho abahanzi bitegurira (back stage), uyu muhanzi atambaye umwambaro hejuru.

Shaddy Boo nyuma yahakanye ko akundana n’uyu muhanzi, icyo gihe wari ufite umugore wo muri Uganda nawe uzwi cyane mu myidagaduro witwa Zarinah Hassan "Zari", nyuma bombi baje gutandukana.

I Kigali uyu munsi, Diamond yabajijwe iby’umubano we na Shaddy Boo wo mu Rwanda.

Yasubije ati: "Ni nka mushiki wanjye, kimwe n’abandi bashiki banjye bo mu Rwanda, namumenye biciye kuri ’manager’ we, yigeze gutumirwa mu birori bimwe hariya iwacu, ni uko muzi gusa".

Uyu muhanzi ukunda kwiyita Simba, yavuze ko we n’umugore bakundana ukomoka muri Kenya witwa Tanasha mu kwezi gutaha biteguye kubyara umwana w’umuhungu.

Diamond, ubu ukunzwe cyane mu ndirimbo ye igezweho ’Kanyaga’, yavuze ko yubahiriza inshingano ze nk’umubyeyi ku bana afitanye na Zari batandukanye.



INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...