konka coffee
KONKA

AMAKURU

UKWEZI

Mutesi Jolly yisobanuye ku byo banenzwe na Ange Kagame no guhahamura abitabiriye Miss Rwanda

Mutesi Jolly yisobanuye ku byo banenzwe na Ange Kagame no guhahamura abitabiriye Miss Rwanda
8-02-2019 saa 12:14' | By Chief Editor | Yasomwe n'abantu 6996 | Ibitekerezo 15

Miss Rwanda 2016, Mutesi Jolly, yisobanuye ku byo we na bagenzi be banenzwe na Ange Kagame bijyanye n’imibarize yabo mu marushanwa ya Miss Rwanda 2019 ndetse anasobanura byinshi bijyanye n’uburyo abakobwa bitabiriye aya marushanwa bagiye bagaragaza ko bamutinya mu buryo budasanzwe.

Miss Mutesi Jolly azi neza ko abakobwa bitabiriye irushanwa rya Miss Rwanda 2019 bari baramuhabutse cyane ndetse yiboneye ko bamusubiza bafite igihunga ariko ngo impamvu yabyo ntayo azi nk’uko yabisobanuye mu kiganiro yagiranye na KT Radio ubwo yabazwaga uburyo abakobwa bamureba bagahahamuka bakanagira igihunga mu byo bavuga.

Miss Mutesi Jolly ati: "Nanjye ndabyibaza kuko nanjye ni ikintu kintungura buri munsi mu buzima bwanjye, kuko nta kintu kidasanzwe, nanjye naciye muri ruriya rugendo (rwo guhatanira ikamba)... Baranabivugaga cyangwa najya no kubaza umwana ikibazo ukabona aransubirishamo inshuro zirenze eshatu kandi namubajije ikibazo cyoroshye cyane. Nanjye ntabwo mbizi, kereka wenda ari bo bavuze [icyo bantinyira]."

Miss Mutesi Jolly yakomeje avuga ko ataba yambaye ibintu biteye ubwoba ndetse ko nko mu gusoza amarushanwa ya Miss Rwanda 2019 byavuzwe ko we abaza ibibazo bikomeye nyamara ngo yarabazaga ibibazo byanditswe nk’uko n’abandi bakemurampaka babisomaga.

Miss Mutesi Jolly yabajijwe iby’uko yakiriye kuba Ange Kagame yaravugiye kuri Twitter ko byaba byiza hahawe agaciro Ikinyarwanda mu marushanwa ya Miss Rwanda kuruta guha agaciro Icyongereza, maze uyu musoza asubiza agira ati: "Ese ubundi ninde wababwiye ko umukobwa atorwa kubera ko azi icyongereza gusa? Umukobwa ntabwo atorwa kubera ko azi icyongereza... Ese ubundi ko ujya gukora Interview y’akazi uzakorera Abanyarwanda, uzakorera mu Rwanda, bagasaba ko ugomba kuba byibuze uri ururimi rumwe rw’amahanga? Si uko baba basuzuguye Abanyarwanda, si uko baba bashatse gutesha agaciro ururimi!"

Mutesi Jolly yakomeje agira ati: "Ntekereza ko... Ikinyarwanda ni cyiza ariko nanone nkeka ko dukeneye umukobwa wabasha guhatana... Hari abagiye bavuga ngo wenda bavuge Ikinyarwanda gusa nibajya mu marushanwa mpuzamahanga bagire abasemuzi, hari ibintu biba bigoye kumva no kwiyumvisha... Kuko njye ntabwo numva ukuntu ushobora gutekereza ko... Ese ibyo byose byazishyurwa nande? Tuvuge ko wenda ubushobozi buhari ariko se kuba ufite umukobwa uzi indimi adakeneye umusemuzi no kuba ufite ukeneye umusemuzi..."


INKURU ZA :
Tanga Igitekerezo
Ibitekerezo 15
Mimi Kuya 11-02-2019

Ubaswa basa n’abasazi koko. Ngo barantinya!! Baragutinya se ugira gereza ngo urabafunga? Ufite ububasha buhe ngo urabaca amande? Si wowe batinya ahubwo batinya Ibyago ubazanira. Kandi kuko uri umwana ubwo wumva ari byiza, numara gukura uzabyicuza. Inama nakugira uzareke ubwibone wige guca bugufi kuko ntaho uragera. Bariya wishongoraho ni generation yawe. Uyu munsi wicaye uri judge ejo uzasanga ari bo ba judges bawe mu kindi utazi ubu. Soma muri Bible, proverbs 29.23

Natasha Kuya 11-02-2019

Ka Jolly kiyemera kubi. Naho kumutinya si ikindi nuko aba ari judge kandi uzi ko agiye gutuma utsindwa. Avuga yikakaje, ngo "wumvise ikibazo cyanjye" Vraiment!! Tu n’as honte toi. Jye nasomye ukuntu bamunenze cyane kuri Twitter nari nzi ko azagusaba imbabazi, none ngo ntazi impamvu. Carine ko batamuvuga yaramutanze ikamba no kuba judge.

Galcia Kuya 11-02-2019

Ariko kuki abanyarwanda dukuririza ibintu. Miss jolly afite uburenganzira bwo gutanga view ye no kubaho uko abishaka. Ndumva ntampamvu yo kumutuka no kumwambura agaciro.

Babas Kuya 11-02-2019

Uyu mukobwa mureke kumwibasira ntacyaha afite kuko ntawe utanga icyo adafite. ibyo aduha ntacyo aba aduhishe.

Muzehe Kuya 10-02-2019

Ese ubundi icyo cyongereza abazamo ko nawe atakizi ntiyatowe? Njye mbona icyubatse isi yanone ari igitekerezo cyubaka kuko n’ikiragi kivuye i Rwanda cyagera mu bwongereza kikabaho kitavuga! Itonde isi irazenguruka.

Muzehe Kuya 10-02-2019

Ese ubundi icyo cyongereza abazamo ko nawe atakizi ntiyatowe? Njye mbona icyubatse isi yanone ari igitekerezo cyubaka kuko n’ikiragi kivuye i Rwanda cyagera mu bwongereza kikabaho kitavuga! Itonde isi irazenguruka.

Gatsinzi ema Kuya 9-02-2019

ESE Jolly nkubu ntasoni bigutera? Nonese abantu Bose Bose barakwanga njiji? Wakikosoye Gaju yintukura wee!!!

Kalisa Kuya 9-02-2019

Ubu se yagiye yemera gukosorwa,kera yari mwiza,none yisize nyirakuru wimikorogo yose ahinduka nka ka gasimba bita Golizo,ubu wabona yatangiye gusara numvise umudocter avuga ko mukorogo ifata mubwonko umuntu agasara

Elisa Kuya 9-02-2019

Murakoze kwerekana ko muzi kwandika
None se mwebwe ko mutukanye ubwo nibwo mukoze neza, ngo Ihene,njiji, ubuse nimwe muciye bugufi ra? cyangwa nimwe mubaye abanyabwenge
ahhaaaaaaa?

Robert Kuya 9-02-2019

Hhhhhhhhh, reka kutujijisha ngo wabazaga ibibazo bikomeye ahubwo wasomaga icyongereza kitumvikana kuko nawe utakizi
Erega nimureke twivugire ururimi rwacu ruraduhuza, naho iby’abasemuzi ndumva wibaza ngo bazahembwa na nde? Uko ni ukwikunda ugakabya rwose no kwivanga mu bitakureba; none se wowe ucyeka ko uhembwa ako kayabo kuko wakoreye iki abanyarwanda? Plz ibyo birazwi ko mudahari kubera umumaro mumaze ntimukiremereze ngo mwumve ko mwabaye ibitangaza.

Rutamu Kuya 8-02-2019

Ko atasubije se impamvu icyongereza ke giciriritse ?ko ariyo mpamvu bamusubirishagamo? ngo gueri(umukobwa)Kiyemera kubi Kd yaritukuje numuswa...

Topman Kuya 8-02-2019

Ihene bayise nyirabihogo bwira idakojeje umunwa mu byatsi!!!
Uyu nawe nimuhame hamwe abereke ikamba yambitswe icyo ryamugejejeho.
Hahahaha

kendra, Kuya 8-02-2019

Nkwibarize Joly, ESE wowe ko waruzi icyocyongereza, wamariye iki u Rwanda mu marushanwa? Igikombe wazanye se, ikamba se.....

Christian Robinson Kuya 8-02-2019

Uwo Mutesi Jolly aho nkibaza umuntu wamuhaye kuba miss Rwanda n’ubwibone budasanzwe!!! Ngo baramutinya ??!! Ubu se akumva ko hari umukobwa utinya mugenzi we w’umukobwa??!! Ni Imana se? Abantu nk’aba nibaza ababatora! Miss agomba kurangwa no guca bugufi akareka kumva ko ari akari aha kajya he. Njye ndamuhinyuye pe !

Christian Robinson Kuya 8-02-2019

Uwo Mutesi Jolly aho nkibaza umuntu wamuhaye kuba miss Rwanda n’ubwibone budasanzwe!!! Ngo baramutinya ??!! Ubu se akumva ko hari umukobwa utinya mugenzi we w’umukobwa??!! Ni Imana se? Abantu nk’aba nibaza ababatora! Miss agomba kurangwa no guca bugufi akareka kumva ko ari akari aha kajya he. Njye ndamuhinyuye pe !

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...