konka coffee
KONKA

AMAKURU

UKWEZI
Minijust

Miss Josiane Mwiseneza yaguze imodoka nziza, yanavuze ku musore wamukunze

Miss Josiane Mwiseneza yaguze imodoka nziza, yanavuze ku musore wamukunze
24-03-2019 saa 09:18' | By Nsanzimana Ernest | Yasomwe n'abantu 20259 | Ibitekerezo 8

Miss Popularity Mwiseneza Josiane uri gutegura igitaramo yatumiyemo Tiwa Savage wo muri Nigeria yatangaje ko yaguze imodoka ye isigaye imutwara mu buzima bwe bwa buri munsi anakomoza ku musore uvuga ko yamukunze. Yatangaje byinshi ku mishinga afite imbere.

Mu kiganiro kirambuye yagiranye n’ikinyamakuru Ukwezi, Miss Josiane yavuze ko amaze iminsi azenguruka u Rwanda mu bukangurambaga ku ndwara ya Ebola kuko nabyo bifite aho bihuriye n’umushinga we ariko ngo ntabwo bisobanuye ko umushinga we wo kurwanya igwingira n’ imirire mibi mu bana yawuretse.

Uyu mukobwa w’ imyaka 23 wakunzwe n’ abanyarwanda mu buryo budasanzwe ubwo yiyamamarizaga kuba Nyampinga w’ u Rwanda wa 2019, avuga ko ari gutegura igitaramo yatumiyemo umuhanzikazi wo muri Nigeria ‘Tiwa Savage’.

Itariki iki gitaramo Mwiseneza azahuriramo na Mimi Mirage wamuhaye amafaranga yo kugura imodoka kizabera ntabwo iramenyekana. Ngo iki gitaramo ni umwanya Mwiseneza yateguye kugirango ahure n’ abafana be abashimire ko bamushyigikiye.

Miss Josiane yavuze ko amakuru y’umusore uvuga ko yamukunze yayumvise ariko ngo ntabwo amuzi ntanubwo aramuvugisha.Yagize ati “Nabyakiriye nk’ akazi kose, nagiye mbona ari mu kazi. Agamije ko abantu bakurikira inkuru ze, bakora Likes na Subscribe kuko n’uburyo asoza, asoza avuga ko ari umuntu umenyereye ibintu by’imivugo, imivugo y’ urukundo, ibijyanye n’ imitoma, ni uko asoza avuga.”

Akomeza agira ati “Umusanzu namuha ni uko nakora Like nk’ uko aba abidusaba kandi ngakora na subscribe.”.

Uyu musore uvuga ko yakunze Miss Josiane yandikiye Mimi Mirage amusaba ko abimugiramo akamuhuza na Josiane. Miss Josiane ati “Bibaye aribyo yabimbwira nkikiriza…Gukundana byo ni iyindi paji.”

Avuga ko nta mukunzi afite cyakora ngo uwo azahura nawe akumva aramukunze azaba ari uwo. Kuri we ngo umuhungu wamubera umukunzi ni umuhungu utari indyarya bapanga ibintu akabikora neza kandi ugira ibanga atari upfa kuvuga ibyo abonye byose.

Uko yakiriwe iwabo i Karongi…

Miss Josiane wari umaze amezi aba mu mujyi wa Kigali no hafi yaho aherutse kujya iwabo abantu bamwishimira by’ ikirenga. Ati “Nkumva umwana araje arambwira ngo hanze hari abantu bashaka kureba Miss ngasohoka, hashira akanya abandi bakaza.”

Avuga ko ubwo yajyaga iwabo, bukeye bwaho hari kuwa Gatandatu, hari korali y’ abadive yari yaturutse i Gitwe ijya mu rugo iwabo ijyanywe no kuhareba itungurwa no gusanga ahari barifotozanya.

REBA VIDEO Y’IKIGANIRO TWAGIRANYE NA MISS JOSIANE HANO:

Hari akana kamukoze ku mutima. Yagize ati: “Ntambuka hari akana noneho ngiye kumva numva akana aho ngaho i Rubengera kavugije induru ngo yewe mbonye Josiane, tugira ngo ni ibisanzwe. Kaba karahamagaye abana bose ngo mbonye Josiane, Miss Popularity, kariruka... reba umwana wirukanka inyuma y’ imodoka akayifata. Ndavuga nti mbabarira rwose uhagarare, uyu mwana pe! Kahumagiye, katutubikanye,..”

Uwo yabwiye ngo ahagarare ni umushoferi we wari umutwaye kuko hashize nk’ukwezi aguze imodoka y’ umukara nk’ uko yari yarabwiye itangazamakuru ko ariyo yifuza. Ati “Imodoka narayiguze.”. Iyi modoka ya Miss Josiane ni iyo mu bwoko bwa Toyota Avenvis, ifite ibara ry’umukara, ikaba itwarwa n’umushoferi witwa Uwikunda Elysée.

Imodoka ya Miss Josiane Mwiseneza yaguze mu mafaranga yahawe na Mimi

Muri iyi minsi Miss Miss Josiane arimo kwiga kuyitwara n’ubwo afite umushoferi umutwara. Avuga ko kuba afite umushoferi umutwara mu modoka ye bitandukanye n’uko yari afite umutwara mu modoka itari iye kuko ubu ari we boss.

REBA IKIGANIRO TWAGIRANYE N’UYU MUSHOFERI WE HANO:


INKURU ZA :
Tanga Igitekerezo
Ibitekerezo 8
Karongosix Kuya 26-03-2019

Josiane nakomeze adufashe kurwanya igwingira ariko ahere mu turere twiganjemo inzara Kandi turazwi si ibanga Rwamagana ntirimo ndabizi ahubwo azarengeho gato yirebere ibyaho niho buzuye.

eric kayiranga Kuya 26-03-2019

Josiane komera.

nkongori Kuya 26-03-2019

Ariko ngo itangazamakuru ryabujijwe kongera kwandika kuri Josiane. Byaba ari byo? ni gute yaguze imodoka ntibimenyekane, yagiye iwabo ntibimenyekane mu gihe mbere n’iyi yajyaga mu isoko mwarabyandikaga

Canisius Kuya 24-03-2019

Courage,nibindi uzabigeraho muko.

Murekatete suzanne Kuya 24-03-2019

Uwo muti wogukuramo imvu mu Rwanda ubahe?

Murekatete suzanne Kuya 24-03-2019

Uwo muti wogukuramo imvu mu Rwanda ubahe?

Murekatete suzanne Kuya 24-03-2019

Uwo muti wogukuramo imvu mu Rwanda ubahe?

Murekatete suzanne Kuya 24-03-2019

Uwo muti wogukuramo imvu mu Rwanda ubahe?

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...