Miss Rwanda 2009 Bahati Grace nawe yavugishije abatari bake ku mbuga nkoranyambaga, nyuma yo kugaragaza amafoto ye yambaye utwenda tuzwi nka ’Bikini’ tudakunze kuvugwaho rumwe cyane cyane mu gihe twambawe mu ruhame n’abigeze kwambara ikamba rya Nyampinga w’u Rwanda.

Uyu mukobwa utari uherutse kuvugwa mu itangazamakuru, yongeye kugarukwaho nyuma yo gushyira ifoto ye kuri instagrama yambaye imyenda igaragaza neza imiterere ye, ibintu byatangiyer gukurura imbaka, bamwe bavuga ko bidakwiye abandi bavuga ko nta kibazo kibirimo.

Gusa mu bamukurikira kuri instagramn batangiye kuvuga kuri aya mafoto yashyize ahagaragara, hari abari kuvuga ko bashimishijwe n’imiterereye ndetse no kuba yarakomeye ku buranga bwe ntiyisige amavuta amuhindura uruhu, dore ko ubusanzwe ari urukara.

Miss Rwanda 2009 Bahati Grace yaciye agahigo ko kumarana ikamba imyaka itatu, dore ko Miss Kayibanda Aurore wamusimbuye yaryambitswe muri 2012. Kugeza magingo aya Miss Bahati abarizwa ku mugabane wa Amerika aho akorayo akazi k’ubuganga.