Umunyarwenya Micheal Sengazi yashyikirijwe igikombe cya Prix RFI Talent Du Rire 2019 amaze imyaka 4 ahatanira.

Byabaye kuri iki cyumweru Taliki 8 Ukuboza 2019 mu iserukiramuco rya Abidjan Capital du Rire muri Cote d’Ivore .

Ku itariki 20 Ugushyingo 2019 ni bwo Michael yegukanye iki gihembo nk’umunyarwenya uhiga abandi muri Afurika muri Prix RFI Talent Du Rire 2019 ,iki gihembo kigizwe n’amafaranga ibihumbi 4 by’ amayero ndetse n’igikombe .

Michael Sengazi ni umunyarwenya w’Umunyarwanda ufite inkomoko mu Burundi ,niwe Munyarwanda wa mbere mu banyarwenya wegukanye iki gihembo. Sengazi yakegukanye ahatanye ku nshuro ya 4.

Iri Serukiramuco riba ryiganjemo abantu benshi bakoresha ururimi rw’Igifaransa

Sengazi mbere yuko ahabwa igihembo yasekeje abitabiriye iri serukiramuco