AMAKURU

UKWEZI
ubumwe

Jules Sentore yavuze impamvu atatumiye Muyango,Nyiranyamibwa na Teta Daina mu gitaramo cye

Jules Sentore yavuze impamvu atatumiye Muyango,Nyiranyamibwa  na Teta Daina mu gitaramo cye
3-07-2019 saa 15:37' | By Muhizi Olivier | Yasomwe n'abantu 1574 | Ibitekerezo

Jules Sentore umuririmbyi w’ijyana gakondo ari mu myiteguro y’igitaramo yise ‘Inganzo yaratabaye’ kigamije kubwira no kwereka Abanyarwanda uruhare rw’inganzo mu kubohora igihugu.

Kuri uyu wa kabiri tariki 2 Nyakanga 2019 Sentore yagiranye ikiganiro n’itangazamakuru asobanura aho imyiteguro y’iki gitaramo igeze ndetse atangaza nabo bazafatanya muri iki gitaramo , yataumiye nyirarume Masamba Intore, Ingangare babyara be basanzwe baba mu Bubiligi, Ibihame Cultural Troupe ndetse n’abagize Gakondo Group yubatse izina rikomeye mu gutaramira abanywanye n’umuco nyarwanda muri rusange .

Muri iki kiganiro n’itangazamakuru Sentore yari kumwe Ntazinda Marcel Umuyobozi wa Gakondo Group, wabwiye itangazamakuru ko batirengagije gutumira bamwe mu bahanzi bakuru bahimbye indirimbo zifashishijwe ku rugamba rwo kubohora igihugu.

Yagize ati "Ntabwo twirengagije gutumira abahanzi bakuru bafite indirimbo zifashishijwe ku rugamba oya ahubwo twashatse guha umwanya abakiri bato ngo bagaragaze koko igihe baba basigiwe inkoni yo gukomera ku muco gakondo no gukomeza guhanga ibihangano byubaka abanyarwanda babibasha’’.

Yakomeje avuga ko baganirije abo bahanzi bakuru barimo Muyango na Nyiranyamibwa bakasaba kwitabira igitaramo gusa bamwe muri bo ntibabonetse nka Nyiranyamibwa ubu uri mu Bubiligi .

Ingangare babyara ba Sentore basanzwe baba mu Bubiligi bazafatanya nawe muri iki gitaramo .

Jules yavuze ko yiteguye kuko amaze amezi 7 ari mu myiteguro yagize ati” nakoze imyiteguro ihagije ‘ijana ku ijana’ kandi na bagenzi bange biteguye kugaragaza ‘ubuhanga n’ubutore’ mu gitaramo nahaye umwihariko w’injyana Gakondo nakoze ngacika intege ariko nkongera nkabyuka”.

Yakomeje avuga ko atigeze ajenjeka mu bijyanye n’umukino, imbyino, ibihangano n’ibindi azerekana muri iki gitaramo avuga ko atari ibyo kubwira abantu mu mugambo ahubwo bazabibona no mu bikorwa.

Sentore yavuze ko Teta Diana yagombaga kwitabira iki gitaramo ariko kiza guhurirana n’izindi gahunda yarafite bituma ataboneka .

Sentore yavuze ko yari kwishimira kuba hamwe na Teta Diana ariko ntibyakunze .

Kwinjira muri iki gitaramo mu myanya isanzwe ni ibihumbi icumi (10 000 Frw), muri VIP ku muntu umwe ni ibihumbi mirongo itatu (30 000 Frw), ku meza y’abantu umunani ni ibihumbi Magana abiri ( 200 000 Frw).

Igitaramo ‘Inganzo Yaratabaye’ kizabera muri Kigali Conference and Exhibition Village ahazwi nka Camp Kigali, kuya 05 Nyakanga 2019.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...