AMAKURU

UKWEZI
pax

Dieudonné Mure wo muri Chorale de Kigali yatangiye gukora alubumu ye ku giti cye

Dieudonné Mure  wo muri Chorale de Kigali yatangiye gukora alubumu ye ku giti cye
26-06-2020 saa 13:17' | By UKWEZI | Yasomwe n'abantu 1069 | Ibitekerezo

Murengezi Dieudonné, umuririmbyiwa Chorale de Kigali yatangiye gukora umuziki wo kuramya no guhimbaza Imana nk’umuhanzi ku giti cye ahita anashyira hanze indirimbo izaba iri kuri alubumu ye ya mbere.

Iyi ndirimbo y’uyu muhanzi ukoresha izina rya Dieudonné Mure yayise ‘Icyizere’ yasohotse mu buryo bw’amajwi n’amashusho kuri uyu wa Kane tariki 25 Kamena 2020.

Ni indirimbo isubiza icyizere mu bihebye ibibutsa ko Imana ntaho yagiye kandi ibyo ushobora kuba uri gucamo bigoranye byose nta ruhare wabigizemo.

Yagize ati “Ubwo Imana ntasho yagiye turacyafite icyizere, dore ko ibyo yakoze kera ari byo byari bikomeye kandi n’ubu ikaba igikora ; ni yo yonyine yo kwiringirwa kuko ni yo iduherekeza aho abandi batinye, ikaba izi uko tuzamera ejo n’ejobundi kandi ikaba ikiduhetse ku mugongo wayo ntidukwiye kwiheba cyangwa kwiganyira.”

Indirimbo ‘Icyizere’ ni imwe mu zizaba zigize alubumu ya mbere ya Dieudonné Mure nayo izaba yitwa ‘Icyizere’.

Iyi ndirimbo yatunganyirijwe muri Universal Record na Emmy Pro mu gihe amashusho yayo agaragaramo umukinnyi wa filimi Ndimbati yakozwe na Aime Pride nawe usanzwe akorera muri Universal Record.

Dieudonné Mure, ni umuhanga muri muzika cyane ko yize mu Iseminari Nto ya Mutagatifu Dominiko Saviyo ya Rwesero kuva muri 2011 kugeza 2016 ari n’aho yigiye byimbitse umuziki ugezweho abifatanije n’amasomo y’imibare, ubugenge n’ubumenyi bw’Isi.

Uyu musore usanzwe ari umutoza w’ijwi na muzika mu mashuri yisumbuye, yatangiye kuririmba muri Korali zitandukanye akiri umwana mutoya cyane ku myaka ye itanu.

Ni umucuranzi w’ibyuma by’umuziki birenze bine, akaba uretse kuba ari umucuranzi n’umuririmbyi muri Chorale de Kigali anasanzwe ari umwarimu wigisha amajwi muri iyi korali iri mu zifite izina rinini hano mu Rwanda.

Reba hano amashusho y’indirimbo ’icyizere’


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...