AMAKURU

UKWEZI
pax

Umugabo yaguye igihumure umugore amutunguje inzu yubatse mu mafaranga yasaguraga ku iposho

Umugabo yaguye igihumure umugore amutunguje inzu yubatse mu mafaranga yasaguraga ku iposho
8-05-2020 saa 10:25' | By Nsanzimana Ernest | Yasomwe n'abantu 14604 | Ibitekerezo 8

Umugore witwa Juan yatunguye umugabo we amuha igikwiye mu gihe gikwiye, uyu mugabo Joseph Yohana wari umukire utajya yizigamira yitura hasi ajyanwa kwa muganga.

Byabereye ahitwa Kaduna mu gihugu cya Nigeria, tariki 4 Gicurasi 2020 nibwo Miss Agatha wari kumwe n’uyu muryango yatangaje iyi nkuru nk’uko bigaragara ku rubuga rwa televiziyo yo muri Nigeria yitwa Omoluabi TV.

Iki kinyamakuru kivuga ko uyu mugore amaze gushyingiranwa na Joseph Yohana akabona umugabo we asesagura amafaranga we yahise atangira kujya akoresha make ku yo umugabo amuhaye yo kwita ku rugo no guhahisha.

Amafaranga uyu mugore yagiye azigama yayubatsemo inzu nziza cyane ahitwa Sabo, muri Kaduna ku muhanda witwa Refinery Road ifite urupangu n’amazi. Iyi nzu imaze umugore yakomeje kubigira ibanga.

Iyi nzu imaze amezi abiri yuzuye umugabo we yirukanywe ku kazi. Inzu babagamo barakodeshaga ariko bari barishyuriye rimwe amezi menshi hasigayemo atatu..

Umunsi umwe, umugore yabwiye umugabo ngo bage gusura abo mu muryango we, umugabo ajya mu modoka ye ya Toyota Camry atwara umugore baragenda ariko atazi aho agiye aho ariho. Bageze iruhande ry’igipangu kiri ku muhanda witwa Refinery, umugore abwira umugabo ngo ahagarare ajya ku marembo y’icyo gipangu akura imfunguzo mu isakoshi ye afungura amarembo yacyo.

Umugabo abaza umugore uwamuhaye imfunguzo z’icyo gipangu, undi arahora. Bose binjira muri iyo nzu. Ni inzu nziza ifite ibyumba bitatu byo kuraramo, yari yaruzuye ifite ubusitani bwatoshye ariko umugore yari agitegereje igihe gikwiye.

Ni uko umugore aterura amagambo ambwira umugabo ati “Iyi ni inzu yacu, nayubatse mu mafaranga nagiye nsagura ku yo wampaga buri munsi yo guhaha no gukemuza ibibazo by’urugo”.

Bwana Yohana ngo yumve iyo nkuru ibyishimo biramurenga kwifata biramunaniga agwa igihumure. Umugore we Juan na mugenzi we Agatha bari kumwe bashyira uyu mugabo mu modokari bamujyana ku bitaro bya Kaduna General Hospital.

Ku munsi wakurikiyeho nibwo Yohana yagaruye ubwenge, abwira umugore we ati “Mu buzima ntabwo nari nageze nkorerwa surprise nk’iyi”.

Madamu Agatha inshuti ya Juan bari kumwe ibi biba niwe watangaje uko byagenze byose ati “Kuva mu kwezi kwa 2 kugeza ubu, Juan na Joseph Yohana baba mu nzu yabo bishyimye”.

Umunsi Juan yajyanye umugabo we kumwereka iyi nzu, nibwo ubukode bw’iyo babagamo bwari bwarangiye umugabo byamucanze yabuze icyo akora kuko bari baramwirukanye ku kazi.


INKURU ZA :
Tanga Igitekerezo
Ibitekerezo 8
bimawuwa Kuya 24-05-2020

iyi ni film narayibonye.

Ferdinand Kuya 12-05-2020

Mbega umugore mwiza

Adrien Gapira Kuya 9-05-2020

Urugero rwiza rw’abagore bakunda ingo zabo n’isomo rikomeye ku bagabo twese
IMIGANI 14:1

Kabaka Kuya 8-05-2020

Uyu mugore rwose n’abandi bafatireho urugero rwiza rwo kwizigamira atitaye ko umugabo asesagura. Uyu mugore pe !!!

Justin Kuya 8-05-2020

Abantu nkabo nibake kuruyu mubumbe dutuye. Uwo mugore areba kure.

HAKORA Kuya 8-05-2020

NIBYIZA CYANE UMUGABO ANJYE AMWUBAHAPE...!!!

Dada Kuya 8-05-2020

ibi ntibibaho ni igitekerezo

mmj Kuya 8-05-2020

wow mbega byiza umugore n’umutima w’urugo koko big up

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...