AMAKURU

UKWEZI
pax

Urutonde rw’abakinanye filime z’urukundo bikarangira bakundanye bya nyabyo [AMAFOTO]

Urutonde rw’abakinanye filime z’urukundo bikarangira bakundanye bya nyabyo [AMAFOTO]
26-05-2020 saa 18:22' | By Nsanzimana Ernest | Yasomwe n'abantu 7965 | Ibitekerezo 1

Mu bantu wabonye muri filime bakunda bamwe muri bo hari igihe urukundo rwabo rukomeza bagakundana bya nyabo. Aba bakunzi (couples) uko ari 20 bakundanye muri filime no mu buzima busanzwe. Muri bo hari abagikundana kugeza ubu n’abashakanye kuri manda zirarangira baratandukana.

Uwateguye filime yabasabye gukina bakundana, ibyuma bifata amajwi n’amashusho bibavuyeho urukundo bakinaga bararukomeza.

Aba ni bamwe muri bo :

Edward Cullen na Bella Swan-Twilight

Cullen na Bella bakinnye filime Twilight bakundana birangira bakundanye bya nyabyo. Iyi filime bayikinnye muri 2008 batangira gukundana bya nyabyo muri 2009-2013. Amazina yabo mu buzima busanzwe, umusore ni Rob Pattinson naho umukobwa ni Kristen Stewart.

Muhammad Ali na Sonji Roi - Ali

Ali na Sonji bakinnye filime yitwa Ali bakundana. Aba mu buzima busanzwe ni Will Smith na Jada Pinkett, ubu ni umugore n’umugabo. Bakinanye muri filime yitwa Ali 2001, gusa bari basanzwe bateretana kuko batangiye guteretana mu 1995, bashyingiranwa mu 1997, bakina filime Ali muri 2001. Bafitanye abana babiri umuhungu babyaye mu 1998 n’umukobwa babyaye muri 2000.

Jane na John Smith — Mr. & Mrs. Smith

Aba ni Angelina Jolie na Brad Pitt, muri 2005 bakinanye filime y’urukundo yitwa Mr. & Mrs. Smith bakundana birangira batangiye guteretana no gukundana bya nyabyo kuva muri 2005 -2012. Bashyingiranywe kuva muri 2014-2016. Bafite abana 6 bareza badobuse kuva muri 2001 kugera muri 2008.

Hal Jordan na Carol Ferris — The Green Lantern

Hal Jordan na Carol Ferris amazina yabo asanzwe ni Ryan Reynolds na Blake Lively, bakinanye filime y’urukundo muri 2011, batangira gukundana bya nyabyo muri 2012 kugeza bashyingiranywe ubu babana nk’umugore n’umugabo.

Annie Savoy na Ebby ’Nuke’ LaLoosh — Bull Durham

Annie Savoy na Ebby ’Nuke’ LaLoosh, amazina yabo asanzwe ni Susan Sarandon na Tim Robbins, bakinanye filime y’urukundo yitwa Bull Durham mu 1988. Bakundana bya nyabyo kuva 1988- 2009. Bafitanye abana babiri bombi b’abahungu uwavutse mu 1989 n’uwavutse 1992.

Troy Bolton na Gabriella Montez — High School Musical

Troy Bolton na Gabriella Montez, amazina yabo bwite ni Zac Efron na Vanessa Hudgens bakinanye filime y’urukundo yitwa High School Musical muri 2006. Bahera muri uwo mwaka bakundana bageza muri 2010.

Gale Weathers na Deputy Dewey — Scream

Gale Weathers na Deputy Dewey, amazina yabo ni Courteney Cox na David Arquette bakinanye muri filime yitwa Scream muri 1996. Bakundana bya nyabyo guhera mu mwaka wakurikiyeho kugeza mu 1998. Bashyingiranwe kuva muri 1999 kugeza muri 2013. Bafitanye umwana umwe babyaye muri 2004.

Latika na Jamal Malik — Slumdog Millionaire

Latika na Jamal Malik, amazina yabo asanzwe ni Freida Pinto na Dev Patel, bakinanye muri filime y’urukundo yitwa Slumdog Milliionaire muri 2008. Bakundana bya nyabyo kuva muri 2009 kugeza ubu.

Jake Moore na Winnie Gekko — Wall Street : Money Never Sleeps

Jake Moore na Winnie Gekko, amazina yabo asanzwe ni Shia LaBeouf na Carey Mulligan, bakinanye filime yitwa Wall Street : Money Never Sleeps muri 2010, bakundanye bya nyabyo kuva muri 2009-2010.

Ronnie Miller na Will Blakelee — The Last Song

Ronnie Miller na Will Blakelee amazina yabo ni Miley Cyrus na Liam Hemsworth bakinanye filime yitwa The Last Song muri 2009. Bakundanye kuva muri 2009-2012, bapanga ubukwe kuva muri 2012 muri 2013 barabihagarika.

Derek Zoolander na Matilda Jeffries — Zoolander

Derek Zoolander na Matilda Jeffries, amazina yabo ni Ben Stiller na Christine Taylor, bakinanye filime yitwa Zoolander muri 2001, batangiye guteretana mu 1999, bashyingiranywe muri 2000 kugeza ubu baracyabana nk’umugore n’umugabo. Bafitanye abana babiri uwavutse muri 2002 n’uwavutse 2005.

Wendy Franklin na Kyle Masterson — Take Me Home Tonight

Wendy Franklin na Kyle Masterson, amazina yabo ni Anna Faris and Chris Pratt, bakinanye filime yitwa Take Me Home Tonight muri 2011. Batangiye gukundana 2009 banashyingiranwa muri uwo mwaka n’ubu baracyabana nk’umugore n’umugabo, bafitanye umwana umwe w’umuhungu babyaye muri 2012.

Larry Gigli na Ricki — Gigli

Larry Gigli na Ricki, amazina yabo bwite ni Ben Affleck na Jennifer Lopez, bakinanye filime yitwa Gigli muri 2002, bateguye ubukwe kuva 2002 bageze muri 2004 barabireka.

Joseph Donnelly na Shannon Christie — Eyes Wide Shut

Joseph Donnelly na Shannon Christie, amazina yabo bwite ni Tom Cruise na Nicole Kidman, bakinanye filime y’urukundo yitwa Eyes Wide Shut mu 1999, bakundanye kuva 1989-1990, bashyingiranywe mu 1990-2001, bafitanye abana babiri uwavutse mu 1992 n’uwavutse 1995.

Tracy Mills na David Mills — Seven

Tracy Mills na David Mills, amazina yabo bwite ni Gwyneth Paltrow na Brad Pitt, mu 1995 bakinanye filime yitwa Seven bateretanye kuva 1994-1996, bashyingiranwa kuva 1996-1997.

Sophie na Sky — Mamma Mia !

Sophie na Sky, amazina yabo bwite ni Amanda Seyfried na Dominic Cooper, bakinanye filime yitwa Mamma Mia ! Muri 2008. Bakundanye kuva 2007-2010.

Charles Bronson na Annie Bean — Hit and Run

Charles na Annie, amazina yabo bwite ni Dax Shepard na Kristen Bell, bakinanye filime Hit and Run muri 2012. Bateretanye kuva muri 2007-2009, bashyingiranywe 2013, ubu bafitanye umwana umwe wavutse muri 2013 kandi baracyabana nk’umugore n’umugabo.

Charlie Baileygates na Irene P. Waters — Me, Myself, & Irene

Charlie Baileygates na Irene P. Waters, amazina yabo bwite ni Jim Carrey na Renee Zellweger bakinanye filime y’urukundo yitwa Me, Myself, & Irene muri 2000, bateretanye kuva mu 1999-2000.

Calvin Weir-Fields na Ruby Sparks — Ruby Sparks

Calvin Weir-Fields na Ruby Sparks, amazina yabo bwite ni Paul Dano na Zoe Kazan, bakinanye filime yitwa Ruby Sparks muri 2012. Iyi filime yayikinnye basanzwe bakundana kuko batangiye gukundana kuva muri 2007 n’ubu baracyakundana.

Nora Clark na Tyler Gage — Step Up

Nora Clark na Tyler Gage amazina yabo bwite ni Jenna Dewan na Channing Tatum, bakinanye filime yitwa Step Up muri 2006. Bakundanye kuva muri 2005, bashyingiranwa muri 2009, ubu babana nk’umugore n’umugabo. Bafitanye umwana umwe babyaye muri 2013.

Src : Ranker


INKURU ZA :
Tanga Igitekerezo
Ibitekerezo 1
Sommaire Manirakiza Kuya 28-05-2020

Murakoze Ariko Ntimwatubwiye Naba Star Nabamwe Ba Philipinne,coree Du Sud Surtout Kur Barya Bakunda Gukina Ama Sezo Kand Barimw Bamw Turabaz Nab Turabashaka ??

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...