konka coffee
KONKA

AMAKURU

UKWEZI
Minijust

Rwamagana: Umusore w’imyaka 21 agiye kurushingana n’umugore umurusha imyaka 27

Rwamagana: Umusore w’imyaka 21 agiye kurushingana n’umugore umurusha imyaka 27
27-01-2019 saa 11:59' | By Nsanzimana Ernest | Yasomwe n'abantu 9740 | Ibitekerezo 14

Kwizera Evariste wo mu karere ka Rwamagana urangije ayisumbuye agiye gusezerena na Mukaperezida Clotilde umukubye mu myaka nawe wo muri aka karere ariko batuye mu mirenge itandukanye. Gitifu uzabasezeranya avuga ko bidakunze kubaho gusezeranya abantu barutana cyane mu myaka ariko ngo amategeko arabibemerera.

Biteganyijwe ko bazasezerana imbere y’ amategeko tariki 31 Mutarama 2019. Mukaperezida Clotilde ufite akabyiniriro ka ‘Sajeh’ atuye mu Murenge wa Gishari mu Karere ka Rwamagana, naho Kwizera Evariste nawe akomoka muri aka Karere mu Murenge wa Musha.

Mukaperezida avuga ko kuba agiye gusezerana n’uwo aruta atabyitayeho kuko urukundo rutita ku myaka. Yagize ati “ Abavuga ko umugabo wanjye muruta cyane ntabwo mbyitaho kuko urukundo rujya aho rushaka kandi ntabwo rwita ku myaka runaka, icyangombwa ni uko mukunda nawe akankunda."

Kwizera na Mukaperezida ngo bamaze umwaka bakundana, Kwizera avuga ko ari we wafashe iya mbere atereta uyu mukunzi we kuko yamubonye akumva aramukunze.

Ati "Naramubonye numva ndamukunze, nuko ntangira kumutereta nk’uko bisanzwe musaba ko dukundana aranga, ndakomeza ndahatiriza sinacika intege. Nyuma y’amezi atandatu abonye ibikorwa by’urukundo mukorera aranyemerera. Kuva ubwo dutangira urugendo rwo gukundana."

Kwizera avuga ko nubwo abona hari ababigizeho ikibazo we ngo akunga Mukaperezida iyo amurebye abona bangana.

Ati "Ndi kubona abantu benshi bagize ikibazo cy’imyaka iri hagati yange nawe kandi kuri njye ntakibazo mbibonamo,iyo turi kumwe mba mbona tungana kandi ndamukunda cyane."

Umunyamabanga Nshingwabikorwa w’Umurenge wa Musha ari naho bazasezeranira, Muhoza Theogene, yabwiye Igihe dukesha iyi nkuru ko gusezeranya abantu nk’aba barutana imyaka cyane bidakunze kubaho ariko ko amategeko abibemerera kuko bose bujuje imyaka y’ubukure.

Ati "Baje kwiyandikisha nk’abandi nkuko bisanzwe tubatuma ibyangombwa byabo, bose barabizana, tubona umugore yavutse mu 1971 naho umugabo yavutse mu 1998. Nuko dukurikizaho igikorwa cyo kurabaranga mu gihe cy’iminsi 21 izarangira tariki 30 kandi kugeza ubu nta kirogoya irazamo, tuzabasezeranya kimwe n’indi miryango ine yabisabye ku wa 31 z’uku kwezi."

Yakomeje agira ati "Kubifata nkaho bidasanzwe byo ntibyabura kuko harimo intera nini mu myaka yabo ariko bose imyaka bafite ibemerera gushakana mu buryo bw’amategeko."

Kwizera Evariste we ni umusore wararangije amashuri yisumbuye mu mwaka wa 2018 kuri ubu ni Intore iri gukora urugerero kimwe nabandi baragije umwaka ushize.


INKURU ZA :
Tanga Igitekerezo
Ibitekerezo 14
Fiekka Kuya 26-02-2019

Ahuuuu Reka Sha Twararabamenye Hoshy Genda Ashaka Inot!

James Kuya 16-02-2019

Mureke abana bakundane.ahubwo buzabaryari tuza butahe?

mbabazi Kuya 11-02-2019

murakaze

utuyimana jeanne Kuya 9-02-2019

uyumusore baramuroze yishakira amafarang

kubwayo Jean baptiste Kuya 8-02-2019

urugo ruhire ariko nta mana !!

kubwayo Jean baptiste Kuya 8-02-2019

urugo ruhire ariko nta mana !!

tate Kuya 30-01-2019

runo surukundo nakaje gushikira .yewe yewe uyumugore yaroze uno muhungu ubundi uru ntabwo arurukundo ntimukatubeshye haricyakozwe kugirango bigere hano ariko kanogahungu gashaka kash zuyumukecuru

RWABUGIRI Kuya 30-01-2019

Love is crazy

felicien Kuya 28-01-2019

Birarenze kbs,uyumutipe ntabw’ari normal.Bagenzure.

shishoza Kuya 28-01-2019

Ntawababuza ni uburenganzira bwabo ariko babanze bipimishe indwara zandurira mu guhuza ibitsina. Ese uyu mugore ntabwo yigeze ashaka? Yakabaye afite n’abuzukuru aramutse yarakoreye imbere.
Ibi bintu ntibisobanutse na gato. Uyu mugore ni inkunguzi nibo shugamamy bavuze? cga ni amarozi y’i Kibungo bavuga?

Nshimiyimana Joel Kuya 28-01-2019

Uramusore Njye Numvise Yishakira Amafaranga Kbs

Nshimiyimana Joel Kuya 28-01-2019

Uramusore Njye Numvise Yishakira Amafaranga Kbs

Hakizmana samwuel Kuya 27-01-2019

Uwomusore yabuze abakobwa bari murugero rumwe cyangwa afite ibyo akurikiye kuruwo bagiye gushakana ahhhhhhhhhhh ndabonana bitoroshye ese nkubwo uwaterese undi ninde !ahhhhhhhhhhhhhhh

kajeguhakwa emilien Kuya 27-01-2019

birazwi ko irwamagana ariho hantu hambere mu gihugu haba inzaratsi cyane Uwiteka Ajye arinda abe.birababaje cyane

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...