Menya uko wakwitwara mu gihe usanze uwo ukunda yikundira abandi

Hari ijambo rikunze gukoreshwa n’abantu aho baba bagira bati “kunda ugukunda kuko uwo ukunda akunda abandi” gusa abenshi usanga bakoresha aya magambo cyangwa se iyi mvugo ariko mu by’ukuri nta busobanuro bwayo bazi.

Ikinyamakuru Ukwezi.com cyifashishije bimwe mu bitekerezo bya bamwe mu bakunzi n’abasomyi bacu ndetse twifashisha n’inama zitangwa na zimwe mu mpuguke ku bijyanye n’urukundo n’imibanire y’abantu, hanyuma tubakusanyiriza zimwe mu nama zagufasha igihe usanze uwo ukunda akunda abandi cyangwa se aramutse yarafashwe n’ubwo bigora cyane ariko nkwijeje ko ukurikije izi ngingo ushobora kunesha ugushaka k’umutima wawe, ntubure amahoro cyane.

1. Menya impamvu uwo muntu ari we umutima wawe ushaka

Akenshi burya ngo icyo umutima ushaka amata aguranwa itabi, n’ubwo bamwe batemeranya n’iyo mvugo ariko burya ibyiyumviro by’umutima twe nk’abantu biragora kubitsinda ariko wowe nubona umutima wawe uguhata gukunda umuntu kandi uzi neza ko uwo muntu yafashwe, gerageza umenye impamvu ukunda uwo muntu hanyuma wowe bizagufasha gushaka abandi bantu benshi bafite ibyo wakundiraga uwo nguwo bityo ube wamwikuramo kuko ibyo umukundira n’abandi uzaba wamenye ko babifite.

2. Vugana cyane n’inshuti ze za hafi

Aha wenda bamwe mwakwibaza muti nigute waba ubona umuntu ukunda byararangiye udashobora kumugeraho warangiza ukajya kwiyegereza inshuti ze? Ukuri ukwiye kumenya ni uko za nshuti ze uzajya uzibaza uti se uyu muntu ateye ate? Imico ye imeze gute?.. Kuburyo bizagufasha kumumenya neza kuko akenshi ushobora kuzasanga wamuntu koko adakwiriye kugukurura kuko wenda imico ye utayikunze.

3. Emera ibyo udashobora guhindura

Burya akenshi usanga twe nk’abantu dukunze kugira kamere yo kutemera guheba ibyadusize, ariko burya uburyo bwiza bwagufasha igihe ubona nta kintu uri buhindure ku kintu cyangwa se ku muntu, wowe hindura inzira hanyuma na wa muntu umusige mu nzira ye, nzi neza ko uzagera ku yindi ntambwe n’ubwo biba bigoranye. Iga kwakira ibintu kuko ugomba kubyakira kandi kuko ubona ko ari byo bishoboka, ibinyuranye nabyo bikaba ari uguta igihe cyawe.

4. Shaka ubwoko bw’imikino inezeza umubiri

Aha akenshi iyo umuntu avuze ibinezeza cyangwa se ‘hobbies’ mu ndimi z’amahanga, bivuze ko ari wa mwanya wawe ujya ufata haba mu masaha atari ay’akazi cyangwa igihe cyo kuruhuka ukaba wakina imikino itandukanye, nibwo rero umuntu aba akeneye uwo kuba hafi ye cyangwa se uwo bafatanya kwidagadura ndetse no kuruhuka. Muri iki gihe rero uramutse ufite umuntu wakunze kandi ubona nta buryo ufite bwo kumwigarurira, mu gihe ubonye umwanya wo kumutekerezaho ako kanya icyo ukora ni ugushaka uburyo wahura n’izindi nshuti zawe mukaba mwajya mu mikino itandukanye kuburyo bituma udatekereza cyane wa muntu umutima wawe ukubaza buri munsi.

5. Gusohokana n’inshuti byagufasha kwiyibagiza byinshi

Imwe mu nzira zo kugira umunezero haba imbere mu mutima ndetse no mu buzima bwawe busanzwe burya ni ukuba wafata umwanya ukajyana n’inshuti zawe nk’ahantu babyina cyane mu masaha ya nimugoroba, hanyuma mukagenda mukabyina icyo gihe ndakwizeza ko utahana akanyamuneza kandi ni n’uburyo bworoshye bwo kuba wabona indi nshuti ukikuramo uwo wundi wararikiraga.

6. Umukunzi umuhabwa n’Imana

Burya ku muntu wemera Imana, azi neza ko umukunzi mwiza umuhabwa n’Imana ari nayo mpamvu twe dukwiye gusenga tukishyira mu mutuzo hanyuma ugategereza umukunzi wawe aho kurarikira uw’abandi.

Izi ni zimwe mu nama zagufasha gusa hari n’izindi nyinshi n’ubwo tuba twaguhitiyemo iz’ingenzi muri zo ari nayo mpamvu munsi y’iyi nkuru hari ahagenewe gutangira ibitekerezo bivuze ko uramutse ufite ikindi gitekerezso cyangwa izindi ngingo wakongeraho wakigaragaza n’abandi bakaboneraho ubundi tugakomeza kubaka umuryango Nyarwanda.

aurore butera Kuya 12-09-2018

Gukunda ugakundwa namahirwe kuri ikigihe iyo umwe muri mwe agukunze ntakindi agendeyeho. Thx kunama zanyu

ferix Kuya 27-08-2018

umukobwa nakwanga uzamureke agende! iyo umweretseko ariwe buzima bwawebwose bituma yumvako atariho ntahowaba uri.menyako mubuzima umuntu abura ababyeyi ariko atabura incuti!!

kariwabo J Bosco Kuya 27-08-2018

mwe muravuga jye umukobwa yankatiye tuvuye mumurenge kko yambeshyaga tukiva mumurenge umusore bigeze gukunda yaramuhamagaye ngoyumva agatima kamugarukiye , ubwo yahise atoroka ajyakuba ahandi hantu hatazwi nyuma aho tumubonzye imiryango yaramwicaje ayibwirako atashobora kwikuramo uwomuhungu wambere, kdi ubwo namukunze ntitayeko yariyanranabyariye iwabo kdi umwana utarinuwuwo muhungu avuga wambere gsa nyuma yubwo buhemu yankoreye ubu nuwo muhungu ntibagikundana kdi najye nabonyundi muknzi mwiza pe kdi akimara kunyanga numvaga nanakwiyahura arko ubu numca nguwe neza kuruta icyihe

Laissa Kuya 19-07-2018

murakoze cyane kunama mutugira ziratwubaka cyane

cyprien ndagijimana Kuya 31-05-2018

inkundo zubu nizamafaranga ukundana numunu aziko ufite akazi yakumva ko wirukanwe akagukatira vubaba. nugira amahirwe ugakundwa uzakunde.

cyprien ndagijimana Kuya 31-05-2018

inkundo zubu nizamafaranga ukundana numunu aziko ufite akazi yakumva ko wirukanwe akagukatira vubaba. nugira amahirwe ugakundwa uzakunde.

toni Kuya 21-05-2018

Gusa uyumuntu wavuzeko imana ibayaraduteguriye abacu batubereye arashimishije kko nibyo kubyikuramo ntibiba byoroshye arko buriya imana ibayarebye future yanyu ikabona ntibyavamo abobyanze mwese muhumure muzabona abanyu

Dusabe M Josee Kuya 12-03-2018

Umva ,murakoze rwose kutugira inama nk’izi.

Nkundimana fider Kuya 11-10-2017

Urukundo Rwubu Rwabaye cash iyo ukunze umukobwa ntumuhe icyo yifuza kigange namafaranga urukundo mwarimufitanye ruhita rupfa Abakobwa Bubu Nibiryabarezi!

Nike Kuya 31-05-2017

murakoze kunama mutugira kuko ziratubaka cyane tukamenya icyogukora

sindikubwabo fidele Kuya 13-04-2017

Yemwe bavandimwe bene data ndagirango mbwire ko abakundana bagonba kujya birinda inkundo zuteganya kwangirizanya nkuko babituguraho inama. Ndagirango mbabwireko bakunze umukobwa imyaka 3 yose angaragariza ko ankunda, Ark atankunda ahubwo agamije kunjya utwange nanjye mubera ibamba. Abibonye tyo anca amazi kuko atankundaga nubundi. Namwe basore namwe bakobwa mube menjye murukundo. Murako cyane.

sindikubwabo fidele Kuya 13-04-2017

sibomans Kuya 11-04-2017

Abana. Umukunzi

sibomans Kuya 11-04-2017

Abana. Umukunzi

IBANGA Kuya 13-03-2017

Abantu kenshi bagira ubujiji bwo kumva ko niba abakunzi babo batandukanye ubuzima burangiriyaho ariko ntabwo buba burangiye mujye mwihangana kuko buriya akenshi haribyo Imana iba ibona utazashobora kwihanganira kuri we ngo ubishobore rero njya numva ko harabiyahuye,abagiye kubarogesha ibyo nubupagani bakobwa ni mwiringire Imana ifite abasore benshi cyane kandi beza kandi namwe basore nimukomere IMANA ifite abakobwa benshi yaremye kandi beza buriya iba ikibategurira aba bakunda kandi bazabanyura mukabana mu mahoro kandi akaramata

IBANGA Kuya 13-03-2017

Deo Kuya 11-03-2017

nshuti bavandimwe ndabashimiye cyane kubwinama nziza muduhaye nanjye nakundanye numukobwa imyaka itatu mugihe ntangiye kumubaza ibicyanye nubukwe atangira kunca amazi akanga kunyerurira ko Afite undi bamaze kwemeranwa nawe nawe ibyubukwe ariko nkeka ko ibyo byose yabiterwaga nibyo yansabaga nkabimuha cyane amafranga nanjye inama natanga uzagendere kure yumukobwa cg Umuhungu ukubwirako akiga cg agishaka amafranga cg atarabitekereza neza cg agiye kubanza gukora iki Niki murakoze kumfasha kumwikuramo byari byarananiye ariko ubu ndorohewe ppp

Muhoza Kuya 23-02-2017

Ingingo ya 5 ndayikunze

marcial Kuya 14-02-2017

kongerageza gusac urukundo bakanca amazi

Jose Kuya 4-02-2017

Murakoze kuri izi Nama nziza mudahwema kutugira