AMAKURU

UKWEZI

Ibintu 10 abakobwa banga urunuka ku bahungu

Ibintu 10 abakobwa banga urunuka ku bahungu
19-12-2016 saa 13:05' | By Chief Editor | Yasomwe n'abantu 31178 | Ibitekerezo 15

Waba uri umuhungu cyangwa umugabo uri mu rukundo ariko ukaba utinya ko umunsi umwe wazababaza umukunzi wawe? Dore bimwe mu bintu abagore n’abakobwa banga urunuka ukwiye kwitwararika mu mibanire yanyu kugira ngo uyirinde kuzamo agatotsi.

1. Abakobwa banga abahungu bakora ibintu biteye ishozi nko kuba wavuga cyangwa ugakora ibintu biteye isesemi igihe muri kumeza cyangwa se muri ahantu hari abantu benshi.

2. Uzirinde kuba wavuga inkuru isekeje imwerekeyeho imbere y’inshuti. Ibyo biba umwaku igihe ubigize akemenyero, nubikomeza, umenye ko iminsi yanyu hamwe ibariye ku mitwe y’intoki.

3. Ntukifuze ko umukobwa yakwiyitaho nkawe. Ni byiza kumenya ko uko umukobwa ashaka kugaragara muri rubanda bitandukanye n’uko wowe wumva wagaragara (umusore uhamye, ufite ibigango ukuramo ishati ngo bose babone ko ari igikurankota koko). Mureke yiyiteho bya gikobwa uko umutima we ubimubwiriza.

4. Ntuzatonganye umukobwa ngo yikoraho agakabya(make up, maquillage). Ibyo bituma yigiramo ikizere kandi akumva ari mwiza rwose kandi byose abikorera kugushimisha. Ahubwo ujye nibura ushima uwo mwanya aba yataye yiyitabo kugira ngo aguheshe ishema umushimira mu magambo anyuze umutima.

5. Abakobwa banga kandi abahungu bambara imyenda iriho ibisemba cyangwa ibishushanyo biteye ubwoba(dragon, shitani n’indi wumva biteye ubwoba). Niba wari ufite inshuti ugatekereza kuyisura cyangwa gusohokana nayo wambaye umwenda uriho ibyo bishushanyo, ibyiza nuko uwo mwenda ahubwo wareba aho uwujugunya.

6. Ibirori nk’isabukuru y’amavuko n’ugusohokana n’inshuti bishoboka kuba wowe ntacyo bikubwiye, ariko ku bakobwa bisobanuye ikintu kinini cyane. Niyo umukobwa yakubwira ko ntacyo yifuza ku munsi mukuru wa Mutagatifu Valentino, si ibyo aba ashatse kuvuga, ugomba kugira icyo umuha. Icyo abashatse kuvuga ni uko nta kintu kihariye yifuza ahubwo ko ugomba kwibwiriza ukamutungura maze kumamwereka ko iteka umutekerezaho. Urajye ubwibuka.

7. Ku mukobwa, inshuti nk’umuryango, ugomba kuzubaha kandi ukazitaho. Nubwo atabigusaba cyangwa ngo abikwibutse urage wibuka kwitoza kuzikunda. Nk’uko bita ku nshuti zawe, nawe ite ku zabo.

8. Mu makosa yose ushobora gukora, ntuzatinyuke kwita umukobwa umusazi cyangwa ngo akora nk’utagira ubwenge. Uko waba ukeka ko yakabije mu buryo yitwaye mu kibazo, ntuzigere uvuga iryo jambo. Mu yandi magambo ukwiye kurikura mu nkoranyamagambo yawe ukoresha igihe muganira. Mu gihe bahuye n’ibibazo, niwo mwanya baba bakeneye ko ubereka ko ubari iruhande, iyo rero umubwiye ngo yarasaze, aho kumugarura agatima ahubwo bituma ibibazo birushaho kumuremerera.

9. Ikindi kintu kibabaza umukobwa ndetse birengeje kuba wanamwita umusazi imbere ya rubanda, ni ukumugereranya n’abandi bakobwa. Uzirinde kugira icyo uvuga ku ifoto y’umukobwa ubonye mu nzira cyangwa se muri filmi uvuga ngo yambaye neza cyangwa ngo ni mwiza. Nubwo wowe uba utabibona, ahita yigereranya n’uwo mukobwa uba umaze kuvuga maze yasanga bigoranye kumushyikira umutima we ukababara. Iteka aba ashaka kumva ko ari ikinege kuri wowe, ko ntawundi wamuganya nawe.

10. Mu makosa yose ushobora gukora ntuzigere wibagirwa iminsi mikuru ifite igisobanuro gikomeye mu buzima bwe nk’isabukuru y’amavuko cyangwa se isabukuru y’isezerano ry’ugushyingirwa kwanyu. Ni ukosa risumba ayandi.

Hari byinshi abakobwa banga ku bahungu ariko kuri iyi nshuro turagarukira hano. Urundi rutonde tuzarukomeza ubutaha tumaze kubona ko iyi nkuru mwayikunze cyangwa se hari icyo yabafashijeho mu kuduha ibitekerezo biyerekeye. Ikindi nagira ngo mbwire abagabo n’abasore b’iki gihe, murabize ko muri iyi minsi bivugwa ko abakobwa bikundira gusa abagabo bafite amafaranga. Ibyo bishatse kuvuga nanone ko abakobwa bakunda gusa abagabo bafite akaza gakomeye?

Nagira ngo mbabwire ko abakobwa batanga abagabo badafite akazi ahubwo icyo banga bakaziririza ni umugabo udafite umutima ushaka akazi. Baba bifuza ko iteka ubereka ko buri munsi ukora kugira ngo ejo habe heza. Iyo rero nta mutima ushaka akazi ufite nta mukobwa n’umwe wagukunda ndakurahiye pe.


INKURU ZA :
Tanga Igitekerezo
Ibitekerezo 15
Alan Kuya 3-06-2018

Ndumva tugifite urugendo rurerure.Umuntu n’ukuba original, umukobwa utegerezwa kumwereka uko umeze ntabyo kwiyoberanya utanga za cares zitazahoraho.Ukimushaka agomba Kumenya uko uteye.Abishatse akabyihanganira atabishatse ubwo bikarangira. Icyo buri wese kw’isi afite uwe Imana yamugeneye.Nicyo gituma dusabwa gusengera abafasha bacu.

sabine scot gift Kuya 5-10-2017

nukur murakoz kunama mugiriy basaz bac ndetx naba chr bacu pe

henry Kuya 2-10-2017

thanks for this we get amazing information required to make our love very strong.

ADJI Kuya 29-09-2017

SOPHIE AVUZE UKURI KBS!

NTAMPAMVU YO KUBANA NIBYO UTISHIMIYE ARIKO MUGIHE BYAKABIJE

kimasa Kuya 6-01-2017

abakobwa cg adamu:money time

BOBU Kuya 5-01-2017

NIBYIZAPE

Haiso Kuya 30-12-2016

Sha kugashaka nkakabura mu myaka 3, byatumye 5 bansiga. Kiri no byo nari niteze , ariko igitsinagore burya ni icyo ugihaye. Nta rubanza, baremewe kwakira. Mu mutima, bahora bumva batihagije mu bushobozi. Kugira ngo bakemure icyo kibazo, bajya inzira y’urukundo, nako yo guhiga kuzuzwa n’umunyabubasha w’igitangaza.

Ibyo wakora byose musore nawe mugabo, ujye uzirikana ko uretse n’abagore, no mu zindi nyamaswa z’ingore, niba utazirindira umutekano n’umutuzo zikeneye kurusha undi murinzi, ntushobore gutanga ibyo kurya byiza bihebuje ndetse ngo ufashe mu kubyara no kwita ku rubyaro nk’uko ubitaho utitaye ku bikugarukira: nturaba, ntuzaba umugabo umugabo.

Igitangaje, n’iyo ibyo wiyushye akuya ukabigeraho, hari intambara uba usigaje kurwanira aho buzima usigaje: kwita ku guhaza amaranganutima ahindagurika, atabarika.

Umuti aha ho, uri hanze ya we n’umukunzi wawe: KWAMBAZA IMANA YAWE, IKAKUGERERA KU NDIBA Z’UMUTIMA AHO NAWE UTAGERA.

Zirikana ibyo bitatu, niwumva wabibagezaho: ubone gutangira umushinga w’urukundo.

Ndi umusomyi, umushakashatsi n’umutekerezi.

Ntihagire uwo nkomeretsa, ariko ni kwo kuri kw’ibiriho.

Sinihebye: kuko nzi ko mfite urukundo.

Nzakomeza gushakashaka urwanjye, ruriho pe.

Urukundo ruriho.

N’abagabo bose si ari shyashya, ni ukwisubiraho kwa buri wese.

Murakoze!

Sophie Kuya 26-12-2016

Oya rwose; ibi njye sinabyemera na gato ugomba kumubwiza ukuri yashaka akarakara. Ibyo byo gukomeza guhendahenda ni bibi cyane. Jya umubwiza ukuri nababara yikosore, niyongera umubwize ukuri kandi umucyahe utajenjetse, kwikosora nibimunanira agende. Rwose niba ubona akora iby’ubwenge buke jya umubwiza ukuri; niyumva adashobora kubyihanganira aceho (agende). Ntimukorore ibibi.

Sophie Kuya 26-12-2016

Oya rwose; ibi njye sinabyemera na gato ugomba kumubwiza ukuri yashaka akarakara. Ibyo byo gukomeza guhendahenda ni bibi cyane. Jya umubwiza ukuri nababara yikosore, niyongera umubwize ukuri kandi umucyahe utajenjetse, kwikosora nibimunanira agende. Rwose niba ubona akora iby’ubwenge buke jya umubwiza ukuri; niyumva adashobora kubyihanganira aceho (agende). Ntimukorore ibibi.

kk Kuya 22-12-2016

inshuti nziza irashimisha

Ezira Kuya 21-12-2016

Udafite Amafarangantacyowavugananumukobwawubu

Maniraguha Jean Dameul Kidume Kuya 20-12-2016

oya abakobwa bubungubu bakorera kumafaranga ntabwo byinhsi bakibyita uphyakuba umugezaho ikyashaka gusa

muhizi benjamin Kuya 19-12-2016

reka reka abakobwa bikigihe udafite cash ntacyo waza umubwira

Bosiko Kuya 19-12-2016

Izi nama mutanze ni nziza, ariko inyinshi zireba abanyamugi mugiturage nigake ushobora gusanga hari abibuka itariki yamavuko abenshi ntaniyo baba bazi gutembera

-xxxx- Kuya 19-12-2016

ni byiza guhanura abagabo n’abasore,ikindi umukobwa mukundana uzirinde kumubwira NGO yambaye nabi,gusa abafite ba girlfriend babo n’abafite abagore bashyingiranywe nimwe mubwirwa

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...