AMAKURU

UKWEZI

Abana biga umuziki mu ishuri ‘David’s Temple’ bagaragaje ubuhanga bamaze kuryungukiramo

Abana biga umuziki mu ishuri  ‘David’s Temple’ bagaragaje ubuhanga bamaze kuryungukiramo
26-12-2017 saa 16:56' | By Akayezu Jean de Dieu | Yasomwe n'abantu 2121 | Ibitekerezo

Benshi mu babyeyi batangajwe bikomeye no kubona ubuhanga abana babo bamaze kuvoma mu ishuri ryigisha umuzika ‘ Devid’s Temple Music ’ mu gihe cy’ukwezi kumwe gusa bamaze bigishwa gucuranga ibikoresho binyuranye bya muzika.

Aba bana bari mu kigero cy’imyaka 6 kuzamura bagaragarije ababyeyi babo ubuhanga mu gucuranga ibikoresho bya muzika birimo Piano, Guitars n’ingoma za kizungu, maze batangazwa n’uburyo bamaze kubikamirika mu gihe gito bamazze batangiye kubyiga.

Ubusanzwe iri shuri ryitwa David’s Temple rifite icyicaro mu Mujyi wa Kigali ku Itorero Inkuru nziza, rikaba rifite rinamaze kugira amashami atatu rikoreraho: ishami ryo mu Mujyi aho Itorero Inkuru Nziza ribarizwa, Kicukiro Centre ahari Itorero Glory Temple ndetse n’i Remera ku Itorero ry’aba Protestant ahazwi nko mu baporoso.

Mu mpera z’icyumweru gishize nibwo iri shuri ryasoje ku mugaragaro icyiciro cya mbere cy’amasomo aba bana bamaze hafi ukwezi biga ari nabwo hamuritswe impano n’ibyo bamaze kuvoma muri iri shuri.

Ku wa Gatanu tariki 22 Ukuboza nibwo ku ishami ry’iri shuri riherereye Kicukiro, uyu muhango wo kumurika ku mugaragaro ibyo abana bize mu gihe cy’ukwezi kumwe aho abana bari mu myaka 6 kuzamura ndetse n’abari munsi yayo beretse ababyeyi ko hari ubumenyi buhambaye bamaze kunguka bujyanye no gucuranga ibi bikoresho bya muzika ndetse hakaza n’uburere bwiza aba bana bahabwa n’abarimu b’inzobere babigisha biganjemo abasoje amasomo yabo ku Ishuri ry’umuziki riri ku Nyundo.

Ku wa 23 Ukuboza 2017, hari hatahiwe abana bo ku ishami ryo mu Mujyi n’i Remera aho nabo bigaragarije ababyeyi babo bagataha bavuga imyato iri shuri hakiyongeraho benshi muri aba babyeyi basabye ko iyi gahunda yo kwigisha abana babo yazakomeza no mu bihe abana bazaba basubiye ku mashuri bakajya bakurikiranwa mu minsi ya Weekend bagahabwa aya masomo ya muzika.

Biteganijwe ko icyiciro cya kabiri cy’aya masomo ari nacyo kizarangirana n’ibiruhuko kizasozwa ku itariki 19 Mutarama 2018, aho buri mwana azarangiza amasomo ashobora gucurangira muri Band Musical ndetse akanahabwa Certificat yo ku rwego ruhambaye.

Twanabibutsa ko abahanga bemeje ko umwana uzi gucuranga aba afite ubwonko butekereza neza, bigatuma arushaho kuba umuhanga mu ishuri.

Ukeneye ibindi bisobanuro wahamagara kuri 0788301895/ 0788711574 bakagusobanurira birambuye.

Uko byari bimeze ku ishami rya David’s Temple Music School ku Kicukiro, abana bagaragaza impano zabo

Uko byari bimeze ku ishami rya David’s Temple Music School mu Mujyi

Uko byari bimeze ku ishami rya David’s Temple i Remera


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
netlink
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...