konka coffee
KONKA

AMAKURU

UKWEZI

Mpyisi yahishuye ko Kigeli ari we nkomoko y’imvugo ’Aho kwica Gitera wakwica ikibimutera’

Mpyisi yahishuye ko Kigeli ari we nkomoko y’imvugo ’Aho kwica Gitera wakwica ikibimutera’
15-01-2017 saa 15:34' | By Chief Editor | Yasomwe n'abantu 13196 | Ibitekerezo 6

Pasiteri Ezra Mpyisi wabaye umujyanama w’umwami Mutara III Rudahigwa ndetse akaza no kuba umujyanama wa murumuna we Kigeli V Ndahindurwa, yahishuye uburyo imvugo yamamaye mu Rwanda igira iti: "Aho kwica Gitera wakwica ikibimutera", yaturutse kuri uyu mwami Kigeli.

Ibi Pasiteri Ezra Mpyisi yabisobanuye mu muhango wo gutabariza Kigeli i Nyanza mu majyepfo y’u Rwanda, ubwo yavugaga amateka n’ubutwari Kigeli yagize kuva cyera akiri umusore.

Pasiteri Ezra Mpyisi, yavuze ko Habyarimana Joseph Gitera w’i Save uzwiho uruhare rukomeye mu kubiba amacakubiri mu Rwanda, ngo yahoraga atuka cyane umwami Mutara III Rudahigwa, rimwe bikaza kurakaza umwami akava i Nyanza agiye i Save gukubita Gitera ariko murumuna we Ndahindurwa Jean Baptiste waje kwita Kigeli akaza kumubuza.

Umwami Mutara III Rudahigwa ngo yasanze Ndahindurwa Jean Baptiste (waje kwitwa Kigeli amaze kwimikwa) aho yakoraga kuri Hotel Faucon, amubwira ko icyamuzinduye kikamuvana i Nyanza ari ugukubita Gitera. Ndahindurwa yunguye ubwenge umwami, aramubabwira ati: "Nyagasani ibyo wabitekerejeho byo gukubita icyo kigabo? Ko na we atari we ahubwo afite abo akorera wagiye ugakubita abamukoresha!”

Umwami Mutara III Rudahigwa yumviye umuvandimwe we, yumva koko ko ikibazo ari abazungu b’Ababiligi babaga batumye Gitera gusuzugura umwami n’ingoma ye, ni uko umwami na we aza kumvisha abagaragu be bamusabaga kwica Gitera, ko ahubwo aho kumwica bakwica abazungu babimutera, ni uko insigamigani ikwira i Rwanda ngo "Aho kwica Gitera wakwica ikibimutera."


INKURU ZA :
Tanga Igitekerezo
Ibitekerezo 6
Patriot Kuya 16-01-2017

Umunsi umwe Habyarimana Yozefu Gitera yarazindutse ajya kureba umwami Rudahigwa, maze aramubwira ati “Rudahigwa we, ubundi wabaye umwami w’Abatutsi nanjye nkaba umwami w’Abahutu?†Maze umwami Rudahigwa aramubaza ati “Gitera we, ibyo usabye wabanje kubitekerezaho?†Gitera ati: “nabanje kubitekereza†. Maze Umwami aramusubiza ati “Gitera we ubwo wabanje kubitekerezaho? Mpa umwanya nanjye mbanze mbitekerezeho nzaguha igisubizo vuba†.

Maze Gitera aragenda, Rudahigwa akoranya inama y’Abiru ababwira icyo Gitera ya musabye. Abiru baramubwira bati “Nta muntu usaba ibimeze bityo umwami, ahubwo Gitera tumwice.†Rudahigwa warebaga kure kuko yari azi aho ibyo Gitera asabye abikomora; yari azi ko ikibiri inyuma ari gahunda z’abazungu. Yarebye Abiru, maze arababwira ati “Aho kwica Gitera wakwica ikibimutera.†Kuva ubwo imvugo iba gikwira, ishinga imizi muri rubanda, babona umuntu ashatse gukemura ikibazo atagihereye mu mizi bakamubwira bati “Aho kwica Gitera wakwica ikibimutera†cyangwa bati “ Wikwica Gitera ahubwo ica ikibimutera.â€

tom Kuya 16-01-2017

Ibi birashoboka kuko Abatazi kwa Gitera ni i Save hitwa Kinteko hepfo y’amashuri n’urusengero rwa adepr.Kujyayo uvuye Kuri Hotel Faucon hari inzira2.ushatse waca mu Rwabuye ukambuka kuri Kiliziya Gatolika ukamanuka werekeza Gisagara district hq cg ugaca ku Kabutare hariya bita kwa Bihira, ukagera mu gishanga cya Rwasave, ugafata agahanda k’ibumoso, ugenda nka 1km ukaba urahageze.

Eric Kuya 15-01-2017

Yaciye I save arakomeza ajya kubanza kugisha inama murumuna we ndahindurwa kuri hotel faucon @manzi.

Atomy Kuya 15-01-2017

Manzi Sukuvugako Umusaza Mpyisi Abeshye Umwami Yabanje Kujya Kuruhukira Muri Faucon And Then He Want To Turn Back At Save

Emma Kuya 15-01-2017

Yewe yewe mbere yogutanga igitekerezo wagombaga kubanza ugasoma inkuru ukayumva.reka gufobya umusaza.

Manzi Kuya 15-01-2017

Yayayaaaaaaaaaaaaaaaa, Uyu musaza arabeshye cyane tu! None se ujya i Save anyura kuri Foko atarenze i Save.

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...