konka coffee
KONKA

AMAKURU

UKWEZI

Menya ibya Rwubusisi wifuje kwitiranwa na Yozefu wigerereje nyina w’Imana akamurongora

Menya ibya Rwubusisi wifuje kwitiranwa na Yozefu wigerereje nyina w’Imana akamurongora
2-01-2017 saa 10:56' | By Chief Editor | Yasomwe n'abantu 12845 | Ibitekerezo 7

Bamwe bakunze kubivuga babigira urwenya, abandi babifata nk’inkuru mpimbano ariko nyamara ni ukuri mpamo kw’ibyabaye. Umutware Rwubusisi rwa Kigenza, yari umutware wavukiye i Rwahi mu Bumbogo, akaba yaratwaye mu gice cy’ingoma y’umwami Mutara Rudahigwa ndetse na Yuhi Musinga. Ibyo yakoze ubwo yajyaga kubatizwa, byabaye amateka n’ubu agisetsa benshi.

Rwubusisi yari umutware ukomeye kandi wubahaga cyane ibijyanye n’umuco nyarwanda, ariko akaba yaranatwaye mu gihe abamisiyoneri Gatolika mu Rwanda bari bamaze gushinga imizi, ndetse baranabatije umwami Mutara III Rudahigwa.

Umwami Mutara wa III Rugahigwa wemeye kwakira akabatizwa akaba umukirisitu, yahise ahabwa izina rya Charles Leon Pierre, ndetse ni we mwami wa mbere w’u Rwanda wabaye mu nyubako ya kijyambere yari yarubatswe n’abakoloni n’ababiligi.

Umutware Rwubusisi rwa Kigenza ariko we, n’ubwo yemeye kubatizwa akaba umukiristu nyuma yo gusobanukirwa iby’ukwemera kutari gusanzwe kumenyerewe mu Rwanda, yagoye cyane uwari ugiye kumubatiza, ndetse ntiyemeranyije n’umwami Mutara III Rudahigwa wari warakiranye yombi umubatizo w’abazungu.

Padiri ajya kubatiza Rwubusisi yaramubajije ati “Mutware urashaka kwitwa nde?” Rwubusisi aratekereza akanya, arangije aramubaza ati “Ese wowe urashaka ko nitwa nde?” Padiri ati “Reka nkubatize Petero!” Rwubusisi ati “Oya kabuno ka nyoko uba uroga Musinga iryo zina sinaryemera! Petero yahemukiye shebuja Yezu kandi jye sindahemukira umwami!”

Ni uko umutware Rwubusisi arongera ariyumvira, arangije aramubwira ati: “Ahubwo nyita Yozefu ka kagabo mujya muvuga kigerereje nyina w’Imana kakamurongora!” Ni uko Padiri arabyemera, ariko atangiye kumusukaho amazi ku gahanga nk’uko umubatizo w’abakirisitu gatolika ukorwa, Rwubusisi ati “Oya sigaho urwo ni uruhanga rw’imfura ntirugira amakemwa" Ni uko amutungira urutoki igice cyo hasi ati ahakoze ibyaha ni aho ahandi hareke.

Photo: Rwubusisi aha yari kumwe n’umwami Mutara Rudahigwa, i Nyanza mu 1955


INKURU ZA :
Tanga Igitekerezo
Ibitekerezo 7
madiba bin nuru Kuya 26-03-2017

Mujye mutwibutsa amateka nibyiza sana

nick Kuya 22-01-2017

ahhhh aho muratubeshye nkumuntu wari wemeye kubatizwa nkibyo ntiyabikora urwo ni urwenya

ivunimpuruza Kuya 18-01-2017

byiza cyane,Rwubusisi yari umugabo arko wibagiweko ukubatizwa kwe kwabaye atabishaka kuko ntiyabyemeraga nka Musinga,ahubwo baramufatiranye arwaye kubera igituntu cyari cyaradutse mu nka batabizi kibafatira mumata banywaga kuko arinayo yari abatunze,maze padiri aza kumuvura ariko amutega umutego ati ese mutware ubu noneho ntiwakwemera konkubatiza maze ugahabwa namasakaramento nkabona kukuvura ukagira icyizere cyogukira,maze Rwubusisi ati mbatiza iguye ntayitayigera ihembe ubundi wakamboneyehe,maze nibwo atangiye kumubaza ibyamazina hataho ibyamazi...Gusa nimujya mwandika inkuru nkizi zakera muvugamo amazina ndangahantu yakera mujye muvuga uko ubu hitwa,ndumva Rwubusisi yaratwaraga mubice byaza shyorongi hakurya ya Rutongo

rahira Kuya 4-01-2017

Hahahahahahah . Ko yatukanaga? birasekeje cyane. Hari ikindi namwumviseho cyantangaje, mpisemo kutacyasasa.

J.P. Kuya 3-01-2017

Hhh. Aho yerekanye se ugira ngo ni ho hanyabibazo? Ubwonko ahubwo!

J.P. Kuya 3-01-2017

Hhh. Aho yerekanye se ugira ngo ni ho hanyabibazo? Ubwonko ahubwo!

muntu Kuya 3-01-2017

bariya bayobozi ba kera bar’abagabo ntibemeraga ubukoloni kdi barebaga kure ibyo bangaga nibyo byatugezeho barabangaje,aliko ntacyo ntibizongera kuko IMANA dusenga yadushumbushije abareba kure

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...