konka coffee
KONKA

AMAKURU

UKWEZI

Hon. Bamporiki yasobanuye uko Se wabo yamurutishije ihene n’ibyo abo biganye bamukoreye

Hon. Bamporiki yasobanuye uko Se wabo yamurutishije ihene n’ibyo abo biganye bamukoreye
18-02-2018 saa 22:45' | By Akayezu Jean de Dieu | Yasomwe n'abantu 11279 | Ibitekerezo 15

Bamporiki Edouard, Umuyobozi mukuru w’Itorero ry’Igihugu yavuze akaga gakomeye yahuye nako ubwo yari agiye gutangira amashuri yisumbuye akagera n’ubwo umwe mu banyeshuri biganaga yanga ko bararana kuri matera. Ahera ko asaba Nyampinga bamaze guhiga imihigo y’ibyo bazageraho, kugira ubufatanye.

Hon. Bamporiki yagarutse kuri ubu butumwa mu ijoro ryo kuri iki Cyumweru tariki 18 Gashyantare 2018,mu gitaramo Mvarugamba na Njyarugamba cyari kitabiriwe n’abakobwa bacyuye igihe muri Miss Rwanda 2017, ndetse n’abakobwa 20 bari guhatanira ikamba rya Miss Rwanda 2018.

Mu mpanuro uyu muyobozi yagejeje ku bakobwa 20 bari bamaze kugaragaza imihigo y’ibyo bazageraho haba ku ruhande rw’umukobwa umwe uzaba Nyampinga w’u Rwanda 2018, ndetse n’abazasigara bamwungirije aho yabasabye kurangwa n’ubufatanye kuko ari bwo bugize u Rwanda igihugu bishimira kuri uyu munsi.

Yagize ati “Amateka y’iki gihugu murayazi, ubufatanye nibwo butumye uyu munsi abantu bagikundana, bakigendana”

Hon. Bamporiki yahereye ko avuga uburyo ajya kwiga mu mashuri yisumbuye yahuye n’akaga gakomeye ndetse umwe mu banyeshuri biganaga akagera ubwo yanga ko bararana kuri matera ye.

Yagize ati “Njya gutangira segonderi muri 1997/1998, nta matera nari mfite, Nagiye gutangira ntafite matera kandi ngiye muri Internat, umuhungu wancumbikiye bwa mbere amaze iminsi ine, arambwira ngo matera ye igiye gushira noneho ninginga undi mugenzi wanjye nawe ancumbikira iminsi 10 ku buryo igihembwe cyagiye gushira bamaze kumpinduranya ari nka 15”

Bamporiki kandi yakomeje avuga uburyo nyuma yo kurangiza uwo mwaka yabwiye umubyeyi we ko yamufasha kujya kwiga ku kindi kigo ahari hatuye umwe mu bo mu muryango we, ariko uwo benewabo nawe ngo ntiyamubaniye kuko yamurutishije ihene yari atunze.

Yagize ati: "Nahise njya kwiga ku ishuri riri hafi yo kwa Data wacu ariko nagezeyo anyereka ahantu yarazaga ihene ambwira ko ntaho kunshyira afite (....) Nka data wacu izo hene ze uyu munsi umushahara wanjye wagura izakuzura umurima we"

Yakomeje agira ati "Ndashaka kubinginga ngo ubuzima bwacu bwa buri munsi tujye tubona abadukikije nk’umutungo, hari uwo ushobora guha ikamba uyu munsi rikagira icyo ritangira ku buzima bwe bw’ahazaza”

Aba bakobwa 20 bahatanira ikamba rya Nyampinga w’u Rwanda 2018, bateraniye i Nyamata muri La Palisse aho bari mu mwiherero ugomba kumara ibyumweru bibiri. Uyu mwiherero ukazarangira berekeza i Kigali muri Kigali Convention Center ahazamenyekana umukobwa uzegukana iri kamba, igikorwa giteganyijwe kuba tariki 24 Gashyantare 2018. Bamporiki Edouard, Umuyobozi mukuru w’Itorero ry’igihugu AMAFOTO: Mugabo Paccy


INKURU ZA :
Tanga Igitekerezo
Ibitekerezo 15
Rwasubutare Kuya 23-04-2018

Izi comments zose zanditswe n’umuntu umwe. Icyo agamije nugukerensa no kwangisha abasomyi Hon Bamporiki.

Eddie Kuya 20-04-2018

Buriya Bamporiki ntaramenya agaciro yahawe.
Ikibi se gikosozwa ikibi?
Oya rwose ntibikabe.
None se uwo se wabo ko ntaho yize ibyo yakoze bikaba byarimo ubujiji nka Bamporiki waminuje ararusha iki uwo se wabo.
Ngo akarenze umunwa karushya ihamagara abajya kweguzwa mbabona hakiri kare.

Cyprien Kuya 9-04-2018

Njye ndumva mudakwiye kumuveba kubyo avuga,buriya ni uburyo bwe bwo kuruhuka Mu mutima kuko amateka tunyuramo tugomba kuyavuga uko yagenze,kuba abisubiramo ntaho bihuriye no kuba atarababariye umuryango we.

Silas Kuya 24-02-2018

silasi65@yahoo.fr

CHACHA Kuya 22-02-2018

YEWE YEWE HARIGIHE ABANTU BIRATA KUBANDI BAKIBAGIRWAGO TWESE TWAMBAYE UMUBIRI UVA AMARASO.UYU MUGABO SINZI UMURYANGO AVUKAMO ARIKO AZASHYIRA AMENYEKO ARI ABANTU.KANDI HARI UMUNSI BIZABA .SI UYU MUNSI ARIKO BIZABA .

Bwenge Kuya 21-02-2018

Akamasa kazaca inka kazivukamo!! U yu muhungu yirirwa yandagaza umuryango avukamo ngo azagere ku ki? Komeza wiyahuze amagambo uzarangiza nabi.Nako ngo uba ugirango bagushime da! jye mbon aufite ikibazo gikomeye muri wowe!!!

mbape Kuya 21-02-2018

Nkurikije ibyo uyumugabo avuga ahomubonye hose nsanga ahubwo afite ipfunnywe ryokuba avuka mumuryangowe,mbese ntimukamurenganye buriya afite impamvu mumutimawe.pole sana muvandi niko imana iba yabijyennye

richard Kuya 20-02-2018

uuyu muntu afite ikibazo pee! iyo atasebeje nyina, asebya se wabo....umuryango w’uyu nyakubahwa waragowe.
nibaza inyungu akura mu kwandagaza umuryango we. hari beshi babonye ibirenze ibyo, ariko babariye imiryango yabo ndetse babagirira n’ibanaga

Aloys mukeshimana Kuya 19-02-2018

Mubyukuri uyu mugabo afite ihungabana nukumushakira abantu bo kumuganiriza wenda bizaza! Ntabwo wacukura wese ngo nugera mubantu ubabwire ibyabagirira akamaro!

Kabaka Kuya 19-02-2018

"Nka data wacu izo hene ze uyu munsi umushahara wanjye wagura izakuzura umurima we",end of the quote!!
Ubu se urumva uwo so wanyu umurusha iki kwihenura bigeze aho !!
Inkirabuheri nzibona kare !!

karegeya Kuya 19-02-2018

Ariko niba ari bwa budasa bwacu niba iri ubutore, jye sindabona aho umwarimu yigisha buri gihe ariwe mfashanyigisha na materiel didactique. Ikindi simbona icyo yakwigisha abanyarwanda, nawe atarakiranuka n’amateka ngo yiyunge n’umuryango aho ataranga atawushyira hasi yawuhinduye iciro ry’imigani. Ese ubu aba bana abwira abona ko hari uwigeze ahura n’ibyo kuburyo abibatongera. Ubu narumiwe rwose

nio Kuya 19-02-2018

Ahaaa!mwahiriwe nubuzima nimwivugire ibyomushaka.

Mahoro Kuya 19-02-2018

Uyu nawe agera aho agatera isesemi. Iyi nkuru sinayisoma.

Mateteri Kuya 19-02-2018

Hahahha....ariko uyu mugabo apfa iki n’abo mu muryango we?

Tigre Kuya 18-02-2018

Ikinyarwanda cyanditse neza kiracyenewe. Ntibavuga ngo X yagarutse ku uburyo yagiye kwiga nta matora ..... Ahubwo bavuga ngo X yagarutse uburyo yagiye kwiga nta matora...

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...