AMAKURU

UKWEZI

AMAFOTO: Kurikira imigendekere y’umuhango wo gutabariza umwami Kigeli V Ndahindurwa

AMAFOTO: Kurikira imigendekere y’umuhango wo gutabariza umwami Kigeli V Ndahindurwa
15-01-2017 saa 09:13' | By Chief Editor | Yasomwe n'abantu 33681 | Ibitekerezo 15

Kuri iki Cyumweru tariki 15 Mutarama 2017, nibwo habaye imihango yo gusezera no gutabariza umugogo w’umwami Kigeli V Ndahindurwa watabarutse mu kwezi k’Ukwakira 2016. Ni imihango yagaragayemo byinshi bijyanye n’umuco, inagaragaramo abantu bafite amateka mu by’ubwami.

Nk’uko byari biteganyijwe ko imihango ya misa yo gusabira no gusezera kuri Kigeli V Ndahindurwa ibera mu rugo rwa mukuru we Mutara III Rudahigwa Nyanza mu majyepfo y’u Rwanda, umugogo we niho wazindukanywe ujyanwa, nyuma yo gukurwa i Kigali mu bitaro byitiriwe umwami Faisal.

Aha umugogo w’umwami Kigeli wari ukuwe mu bitaro byitiriwe umwami Faisal

Umugogo wa Kigeli mu nzira ujyanwa mu modoka yabugenewe ngo ugezwe i Nyanza

Hari hashize iminsi bitangajwe ko umugogo w’umwami Kigeli V Ndahindurwa uzatabarizwa i Mwima ya Nyanza iruhande rw’ahatabarijwe mukuru we na we wabaye umwami, uwo akaba ari Mutara III Rudahigwa ari na we mwami w’u Rwanda wenyine ubarwa mu ntwari z’u Rwanda.

I Nyanza hari hateguwe neza, abanyarwanda bose babishaka bahamagariwe kwitabira iki gikorwa

Aha umugogo wa Kigeli wari ugejejwe i Nyanza mu Rukari

Abitabiriye uyu muhango bari benshi, barimo ingeri zitandukanye

Umugogo w’umwami Kigeli V Ndahindurwa, wagejejwe mu Rwanda kuwa Mbere tariki 9 Mutarama 2017, nyuma y’uko urukiko rwo muri Leta ya Viriginia muri Leta Zunze Ubumwe za Amerika rwari rwemeje ko umwami akwiye gutabarizwa mu gihugu cye cy’amavuko.

Uyu muhango witabiriwe n’abantu batandukanye. Umukambwe uri imbere, ni Mwami Butsitsi Kahembe IV Bukumu wo muri Kivu y’Amajyaruguru, muri Kongo

Abantu benshi biganjemo abasheshe akanguhe bitabiriye imihango yo gutabariza umugogo wa Kigeli

Mu gitambo cya misa yo gusabira umwami Kigeli V Ndahindurwa

Abafite ubumuga bw’iza bukuru nabo bitabiriye iyi mihango

REBA HANO VIDEO KORALI IRIRIMBA MU MISA YO KUMUSABIRA:

Nyuma ya misa yo gusabira Kigeli V Ndahindurwa, imihango yakomereje i Mwima ya Nyanza aho yagombaga gutabarizwa. Muri uyu muhango, Pasiteri Ezra Mpyisi wari umujyanama wa Kigeli, yavuze bimwe mu byaranze uyu mwami kuva akiri ku ngoma kugeza ahunze igihugu akaba muri Uganda na Kenya nyuma akaza kujya muri Amerika ari naho yaguye tariki 16 Ukwakira 2016, afite imyaka 80 y’amavuko.

Abo mu muryango wa Kigeli V Ndahindurwa barimo mushiki we Specioza Mukabayojo, bashimiye cyane Leta y’u Rwanda na Perezida wa Repubulika Paul Kagame by’umwihariko, uburyo babafashije mu bikorwa bijyanye no kugeza umugogo w’umwami mu Rwanda no gutegura uko azatabarizwa.

Specioza Mukabayojo usanzwe aba muri Amerika ari nawe muvandimwe uvukana neza na Kigeli usigaye, yanashimiye Abanyenyanza n’Abanyarwanda muri rusange uburyo bifatanyije nabo muri iyi mihango. Mukabayojo yavuze ko yishimiye cyane kuba musaza we atabarijwe i Mwima aho yimikiwe.

Specioza Mukabayojo, mushiki wa Kigeli V Ndahindurwa

Minisitiri w’Umuco na Siporo, Madamu Uwacu Julienne wari uhagarariye Leta y’u Rwanda muri uyu muhango, yihanganishije umuryango wa Kigeli V Ndahindurwa kandi agaragaza ko Leta yifatanyije n’umuryango.

Uretse Mwami Butsitsi Kahembe IV Bukumu wo muri Kivu y’Amajyaruguru muri Repubulika Iharanira Demokarasi ya Kongo wari witabiriye uyu muhango i Nyanza, hari n’abandi bami bagiye bohereza ubutumwa bwo kwihanganisha umuryango wa Kigeli. Muri abo harimo umwami Kabaka wa Buganda n’uwa Toro.

Umugogo wa Kigeli V Ndahindurwa watabarihwe i Mwima ya Nyanza, hafi y’ahatabarijwe intwari Mutara III Rudahigwa ndetse n’umwamikazi Rosalie Gicanda


INKURU ZA :
Tanga Igitekerezo
Ibitekerezo 15
ivunimpuruza Kuya 22-01-2017

wapi,umwami wanyuma wurwanda ni Rutarindwa,kuko niwe wimitswe byemewe tutaravangirwa,asiga anavumye ubwami murwanda kuko abamukurikiye bose bagiyeho nabi bavaho nabi kd bose bagwa ishyanga ubwami burazima.Musinga ntiyibye ingoma kuko yari umwana byakozwe nanyina Kanjogera na basaza be aribo banyirarume ba Musinga abazungu aribo bapadiri bera bamwirukana mugihugu bamucira icyangugu kuko batahafataga nkomurwanda ari naho kigeri yavukiye,abanyarwanda bamukurikirayo baramuyoboka bref ubwami buva inyanza bwimukirayo abazungu birabarakaza babonako ntacyo bakoze bahita bamwirukana bamujyana iMoba muri Zaire/rdc yubu agwayo umurambo we:umugogo we barawiba bawujyana munzu ndangamurage yabo muBubiligi ubu niho wibereye,aha iMoba hari abanyarwanda bamukurikiyeyo kd benshi nanubu baracyariyo.Abapadiri bahise bazana Kigeri baramwigisha ababera umukarani nkuko na Rudahigwa yari umukarani wabo kd na Rudahigwa yishwe naba bishe se,bararenga birukana na Kigeli.Ngayo nguko,amateka yarapfundikiwe

turatsinze Kuya 16-01-2017

RIP mwami

RWABUGIRI Kuya 16-01-2017

Erega rwabugiri niwe mwami wanyuma w’urwanda nahose musinga yibye ingoma nawe ntiyamuhira agwa ishyanga abazungu baramumenesha abana be nabo byarabakurikiranye kugeza reba kumara amezi 3 utaratabarizwa!!!!!!!!!!!

fundi Kuya 16-01-2017

Ruhukira mu mahoro mwami w’urwanda

Tumusiime Patrick Kuya 15-01-2017

Ndabakunda cyane nshuti zimana reka twifatanye mukababaro kkubwuko umwami wacu yapfiriye mubuhunjyiro ariko ngo ntamvura igwa ngo nti. ....................

Tumusiime Patrick Kuya 15-01-2017

Ndabakunda cyane nshuti zimana reka twifatanye mukababaro kkubwuko umwami wacu yapfiriye mubuhunjyiro ariko ngo ntamvura igwa ngo nti. ....................

emmanuel Singizumikiza Kuya 15-01-2017

RIP mwami w’u Rwanda.

ivunimpuruza Kuya 15-01-2017

Abanyarwanda duheruka umwami murwanda kugihe cya Rwabugiri ninawe ufite amateka nibigwi byabami nkokwagura urwanda nibindi,nyuma yaho ntamwami twongeye kugira ntanuwo tuzagira kuko abo bose batatiye igihango,umuco,imigenzo,imiziro nimiziririzo,niyo mpamvu nyuma ya Rwabugiri nuwamusimbuye Umwami Rutarindwa,abandi bose bagiyeho nabi bishyizeho abandi bashyirwaho nabazungu baba avagaragu babo,kdi bose bagwa ishyanga mumahanga.Abiyise abami batatu bose bakurikiye Rwabugiri na Rutarindwa si abami burwanda cg babanyareanda,ni ababazungu aho kuba abacu,arinayo mpamvu bose bapfira ishyanga,si ugutanga kuko batigeze baba abami,ubwami bwarazimye.Bijya gucika byacikiye ku Rucuncu,Rutarindwa baramwirenza ubwami buba burazimye.Musinga yashyizweho nanyina naba nyirarume bakora kudeta bica mukuru wa Musinga ariwe Rutarindwa,abazungu bamuhemba kumucira ishyanga iCyangugu,agera iMoba muri Zaire apfirayo.Rudahigwa yashyizweho nabazungu aba umugaragu wabo bigera ubwo bamushuka akora namahano yiyambura ikamba ryubwami aryambika ibishushanyo nibibumbano ngo ni Bikira Mariya numuhungu we Yezu ngo nibo bami,urwanda aba ararutanze,bamuhemba kumukindura bamuteye urwingusho nawe apfira ishyanga iBurundi.Kigeri Ndahindurwa nawe yashyizweho nabazungu ntiyatera kabiri Kayibanda Gregoire amutera Kudeta,acirwa ishyanga azerera ibihugu none apfiriye ishyanga rya Amerika.None ngo barashyingura Umwami barashaka gushyiraho undi,ni umwami wande?

Inyange Kuya 15-01-2017

Abami barakoze cyane.ariko nizeyeko umwami wanyu ma. Abaye uwo.nibamushingure neza mucyubahiro. Kandi dusabe imana imwacyire mubayo. Ibigara sha byaratsinzwe. Kuko byagombagakumuheza ishyanga. Harakabaho presedant Kagame we urebakure. Tu muri nyuma itekaryose. Murakoze.

Brian Kuya 15-01-2017

RIP mwami Wu rwanda

sage Kuya 15-01-2017

yeee umwami w’urwanda nashyingurwe neza mucubahiro.iyo niyo nkomerero(the end)iby’abami birangirire aha kereka abo mumuryango wa kigeli baba bashaka gutora umukuru w’umuryango wabo ,naho the abanyarda ntago tugishaka kuyoborwa n’umwami.abami baraturambiye kigeli niwe wanyuma,ibyabami birangirire aha ntago dushaka ingoma ya cyami,reka kigeli apfe kuko yari yaraturuhije avuga NGO arashaka kugaruka murwanda nk’umwami ntibyamuhiriye rero agarutse ari umurambo.burya koko NGO uguhiga ubutwari muratabarana

sage Kuya 15-01-2017

isi Niko iri umwami wanyuma w’urwanda nazikwe neza mu cyubahiro.ingoma ya cyami yarangiranye na kigeli v mumenye ko tutagishaka kuyoborwa n’abami keretse abo mumuryango wa kigeli baba bashaka gutora umukuru w’umuryango wabo naho ibyabami byo byaraturambiye ntabyo dushaka .murakoze

Nadine Kuya 15-01-2017

Umwami wanyuma wurwanda nashingurweneza mucyubahiro aliko ibyubwami birangiriraho ntawundi keretse abomumuryangowe nibatora umutware wumuruango nkukobisanzwe bikorwa nahandihose. Ubundi amateka abafungiyaho bandikeho "the end" nkakumwe film yamaseries irangira fini terminé kwishamaneno

kaka Kuya 15-01-2017

Mwatubwira ubwokobwakagame? Haryanukuvungako abenga bataryaguhambaumwami?

kaka Kuya 15-01-2017

Mwatubwira ubwokobwakagame? Haryanukuvungako abenga bataryaguhambaumwami?

English
IGURIRE
Reba Ibindi Byinshi
netlink
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...