AMAKURU

UKWEZI
ubumwe

Uko wakwirinda kurumwa n’ inzoka n’ icyo wakora ngo ubumara bwayo butakwica

Uko wakwirinda kurumwa n’ inzoka n’ icyo wakora ngo ubumara bwayo butakwica
19-03-2019 saa 15:39' | By Nsanzimana Ernest | Yasomwe n'abantu 8865 | Ibitekerezo 1

Ishami ry’ Umuryango w’ Abibumbye ryita ku buzima OMS, riherutse gutangaza ko buri mwaka abantu miliyoni 5,4 barumwa n’ inzoka, abarenga ibihumbi 81 bagahitanwa n’ ubumara bwazo.

Niba utuye mu gihugu kibamo inzoka zikaze cyangwa ukunda gutemberera ahantu ukeka ko haba inzoka dore icyo wakora inzoka ntikurume n’ icyo wakora imaze kukuruma ngo ubumara bwayo butakwica.

– Wiyendereza –

Inzoka ntabwo izigera ikugabaho igitero itagize ubwoba. Niba uri kugenda mu bihuru nibyiza kwambara inkweto. Nubona inzoka mugahuza amaso ukabibona ko yakubonye iyo nzoka izakureka yigendere nudakora hasi cyangwa ngo ushake inkoni yo kuyirwanya.

Akenshi inzoka ziruma abantu zitabara kuko baziteye ubwoba cyangwa bazikandagiyeho batazibonye.

–Gira amakenga–

Igihe ugenda mu mashyamba nibyiza kugira amakenga kuko inzoka ishobora kuba inagana mu mashami y’ ibiti cyangwa iri koga mu mazi. Kenga igihe wegura ibuye cyangwa ikindi kintu kuko zikunze kuba munsi y’ ikintu kizitwikiriye. Ibuka ko inzoka ziba ahantu hose mu mazi, mu ishyamba, mu bihuru, no ku gasi. Nibyiza kwambara uturinda ntoki igihe uri gukora isuku mu busitani cyangwa utema ibihuru. Itwaze itoroshi nijoro.

Inyoni nazo zagufasha. Inyoni zifite uko zisakuza ziburira izindi nyamaswa ngo zihishe ikintu gishobora gushyira mu kaga ubuzima bwazo.

Mu nzu yawe genzura neza mu buriri, mu mfuruka cyane ahatari urumuri. Inzoka iza mu nzu ishakamo icyo irya, ubushyuhe n’ amazi. Niba utuye mu gace kabamo inzoka kurara mu nzitiramubu itebeje neza byakurinda kurumwa n’ inzoka nijoro uryamye.

– Igihe yakurumye –

Inzoka ikikuruma ikintu cya mbere ugomba kumenya ni ishusho yayo n’ ibara ryayo ubundi ukihutira kugera ku bitaro cyangwa ku ivuriro rikwegereye.

Ihutire gukuramo ibikomo, isaha, n’ impeta kuko bikongerera ibibazo iyo ubyimbiwe. Irinde gufata iyo nzoka, kwizirika na bande cyangwa ibitambaro, guca igisebe ngo unyunyuze ubumara, kunywa inzoga n’ ikawa.

Sibyiza guhita ujya kugura inshinge zihangana n’ ubumara ngo utangire uzitere utabigiriwemo inama na muganga.


Afurika y’ Epfo mu Ntara ya KwaZulu-Natal 200 bamaze kwivuza kurumwa n’ inzoka mu mezi ane ashyize

Src: Doctors Without Borders, Centers for Disease Control and Prevention, Health Action International, Bio-Ken research centre.


INKURU ZA :
Tanga Igitekerezo
Ibitekerezo 1
binel Kuya 19-03-2019

ibintu byose bikenera kwitabwaho n inzoka rero iy utayikanze ntuyihungabanye ntacyo igutwara iba yirwanaho ntakundi

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...