AMAKURU

UKWEZI

VIDEO: Udushya utabonye mu bukwe bwa Gasongo na Sweety bwateje impagarara muri Kigali

VIDEO: Udushya utabonye mu bukwe bwa Gasongo na Sweety bwateje impagarara muri Kigali
2-07-2018 saa 06:59' | By Chief Editor | Yasomwe n'abantu 23260 | Ibitekerezo 6

Kuri uyu wa Gatandatu tariki 30 Kamena 2018, nibwo habaye ubukwe bw’agatangaza bwarangaje benshi, bushimisha abatari bacye ndetse bunatangaza buri wese wabubonye, ubwo bukaba bwari ubwa Ntirenganya Jean de Dieu uzwi ku izina rya Gasongo na Nibagwire Veneranda uzwi ku kazina ka Sweety. Aba bombi bamamaye cyane mu mujyi wa Kigali kubera indeshyo yabo.

Tumwe mu dushya twaranze ubu bukwe, turimo ibijyanye n’imitegurire aho abambariye abageni bari biganjemo abagabo n’abagore nabo bagufi bareshya n’aba bageni, hakabamo abaririmbye bakanacinya akadiho nyamara bafite ubumuga, kimwe mu byatumye benshi bakorwa ku mutima ndetse ab’imitima yoroshye amarira agashoka.

Ni ibirori byari bibereye ijisho kuburyo abasanzwe bazi aba bageni n’abatabazi bose bahuruye bakihera ijisho, haba ahabereye ibirori byo gusaba no gukwa mu murenge wa Nyamirama, akagari ka Musumba, umududugudu wa Nyagasambu iwabo wa Sweety, ndetse no mu mujyi wa Kigali cyane cyane mu bice bya Nyabugogo aho abageni bakoreye akarasisi bagahuririrwa n’abantu. Aba bageni kandi bagendaga basuhuza abantu barimo inshuti zabo, cyane muri gare ya Nyabugogo aho bakunze gukorera akazi kabo ka buri munsi.

REBA VIDEO Y’UBUKWE BWOSE HANO:

Aba bombi nk’uko babyivugiye mbere yo gukora ubukwe, babanje kugerageza kureba ko babyara, maze biha akabyizi, ubu buri wese akaba afite umwana yagiye abyara ku wo babanje gukundana mbere, bivuga ko babanye buri umwe afite umwana yabyaye ku ruhande ariko bakazabarera nk’abana babo bashyize hamwe.

Nibagwire (Sweety) n’umukunzi we Ntirenganya (Gasongo), banamenyekanye cyane mu mafilimi bagiye bakinamo, ndetse uyu mukobwa we akaba azwi cyane n’abakunda kujya gutegera imodoka muri gare ya Nyabugogo bagiye mu ngendo zitandukanye, kuko ariho asanzwe akorera akazi ke amazemo imyaka myinshi ko gushakira abagenzi imodoka zijya mu ntara.

Amakuru ikinyamakuru Ukwezi.com gikesha abantu ba hafi y’uyu muryango, yemeza ko kubera urukundo bakundwa n’abantu batandukanye, hari abantu bakomeye babatwerereye amafaranga menshi ngo ubukwe bwabo bugende neza, muri abo hakaba harimo Olivier, nyiri Volcano, Twahirwa Dodo wamenyekanye cyane nk’umuyobozi wa Koperative ishinzwe ibyo gutwara abantu muri Kigali no mu ntara ndetse n’abandi benshi.


INKURU ZA :
Tanga Igitekerezo
Ibitekerezo 6
Jado Kuya 22-07-2018

Birashimishije cyane. Aba ba star bacu tubifurije urugo ruhire. Ubundi ubumuga nya bumuga ni ubwo mu mutwe. Aba rero ni bazima, uretse ubugufi, ni abantu bazima bafite umutima n’amarangamutima. Bafite ubwenge nk’abandi bose. Ndabashimiye ko bigiriye icyizere. Imana izababe hafi, yuzuze ibyifuzo byabo. Nshimiye ukwezi mwatugejejeho ubu bukwe. Kandi nabo ndabashimiye ko bakoze nk’aba star bakemera ko mutugezaho iyi video. Imana ibahe umugisha.

yyyy Kuya 8-07-2018

Imana ni umugabo kweli!! ubu bukwe nabubonye hake kabone n’abafite amafaranga. mbese iyo Imana ibyikoreye bigenda bien.

urugo ruhire maama! muzabyare hungu na koobwa

Joynes Irishura Kuya 3-07-2018

Uwiteka abajye Imbere mur abambere

Mimi Kuya 2-07-2018

Murakoze Ukwezi kuri Iyi video!! Aba bageni nange Mbifurije kubaka neza Kdi Imana izabane nabo muri byose!!

ishimwe haldi Kuya 2-07-2018

Imana ikomeze ibahe umugisha knd bafashe icyemezo kitakorohera buri wese courage nukur pe..!

Gerard kubwimana Kuya 2-07-2018

Imana izashyugikire uyu muryango!
Bazabyare hungu na kobwa rwose!
Uyu muryango turawuzi I Kigali sana!

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...