AMAKURU

UKWEZI
ubumwe

Umuyobozi muri Bralirwa wapfiriye muri Sports yaba yarazahajwe n’uko bari bagiye kumwirukana?

Umuyobozi muri Bralirwa wapfiriye muri Sports yaba yarazahajwe n’uko bari bagiye kumwirukana?
27-05-2019 saa 11:55' | By Chief Editor | Yasomwe n'abantu 7103 | Ibitekerezo 1

Nyirinkindi Emmanuel wari umukozi akaba n’umuyobozi muri kompanyi ikora ibinyobwa bisembuye n’ibidasembuye izwi nka BRALIRWA, yikubise hasi mu gitondo cyo kuri iki Cyumweru ubwo yakoraga imyitozo ngororamubiri, agwa mu muhanda ahita ashiramo umwuka apfa urupfu rutunguranye cyane. Nyuma y’urupfu rwe, amakuru yizewe agera ku kinyamakuru Ukwezi ni uko hari ibibazo byo kwiheba gukabije yari amaze igihe atewe n’uko yari agiye kwirukanwa.

Nyuma y’urupfu rwa Nyirinkindi Emmanuel wari umuyobozi ushinzwe iby’imicungire y’ububiko bwa BRALIRWA (Depot Manager) mu karere ka Gicumbi, hari amakuru yatangiye gucicikana ku mbuga nkoranyambaga ashimangira ko uyu mukozi yendaga kwirukanwa na Bralirwa, ndetse ko bishoboka ko yapfuye habura igihe kitageze ku cyumweru ngo ahabwe ibaruwa imuzerera, kuko ukwezi kwa Kamena kwagombaga gutangira atakiri umukozi wa Bralirwa kuri uriya mwanya.

Ibi byatumye ikinyamakuru Ukwezi gicumbukura iby’aya makuru, tuvugana n’umwe mu bakozi ba Bralirwa mu Ntara y’Amajyaruguru utashatse ko amazina ye atangazwa, atugaragariza ibyo benshi mu bakozi bakeka ko byahungabanyije Nyirinkindi Emmanuel wari umaze igihe bigaragara ko yihebye bikabije.

Mu mpera za 2018, nibwo Bralirwa yabonye umuyobozi mukuru mushya, umunya Ethiopia Merid Demissie wasimbuye Victor Madiela wari umaze imyaka ibiri ayobora iki kigo, akaza kujya muri Repubulika ya Demokarasi ya Kongo kuyobora Heineken. Uyu Merid Demissie yatangiye imirimo ye muri uyu mwaka wa 2019, hahita haba impinduka nyinshi mu mikorere y’iki kigo no mu nzego (structure) kuburyo n’umuyobozi w’ishami rishinzwe abakozi yahindutse akanahindura byinshi.

Umuyobozi mushya wa Bralirwa, Bwana Merid Demissie hamwe n’ukuriye ishami rishinzwe abakozi, Uwera Leatitia, bafatanyije banakoze impinduka zatumye benshi mu bayobozi bakuru ba Bralirwa barirukanywe mu mezi macye ashize, kuburyo habaye impinduka zitari zisanzwe nyinshi.

Mu byemezo umuyobozi wa mbere wa Bralirwa yari yafashe ariko ntigishyirwe mu bikorwa uko yari yagitangiye, harimo gukuraho ububiko bwa BRALIRWA mu turere dutandukanye (Depots), hanyuma inzoga zikazajya ziva ku ruganda zihita zijyanwa ku baziranguza (Distributers) nabo bakazigeza ku bakiliya. Hari ububiko bwa Bralirwa bwari bwaramaze gufungwa, burimo ubwa Nyagatare, Musanze na Kibungo, ariko abakozi bakoragamo bahawe akandi kazi muri Bralirwa ku gihe cy’ubuyobozi bwa mbere.

Ahari hakurikiyeho gufungwa harimo Cyangugu (Rusizi) na Byumba (Gicumbi), aha i Gicumbi hakaba ari naho Nyirinkindi Emmanuel yari asanzwe akorera. Hari amakuru yemeza ko Nyirinkindi yari aherutse kumenyeshwa ko agiye gutakaza akazi kuko ububiko bwa Gicumbi bugiye gufungwa, kandi ngo yari yarigeze kwizezwa n’ubuyobozi bwabanje ko nibahafunga azashakirwa akandi kazi ariko ubuyobozi bushya bwarabihinduye, buvuga ko n’imyanya yabonekamo habaho gukora ibizamini bakayihatanira nk’abakozi bashya.

Umwe mu bantu bazi neza Nyirinkindi kandi bari basanzwe babana nawe kenshi, avuga ko ayo makuru yamuhungabanyije cyane kuburyo yari amaze igihe agaragara nk’uwihebye, ndetse abo bakoranaga bari babizi ko kuba agiye gutakaza akazi byamuhungabanyije cyane, dore ko yari akuze yizeye ko yazajya mu kiruhuko agikora ako kazi. Hari n’amakuru yemeza ko yapfuye habura igihe gito cyane ngo we n’abandi bagomba gusezererwa babahe amabaruwa abishimangira ko bahagaritswe kubera ivugururwa ry’imikorere n’imiterere mishya y’ikigo.

Mu gushaka kumva icyo uruhande rwa Bralirwa rubivugaho, ikinyamakuru Ukwezi cyavuganye na Barbara ukora mu ishami rishinzwe abakozi (Human Resources) tumubaza ukuri kw’ibivugwa ariko ntiyemeye kugira icyo adutangariza. Yabwiye umunyamakuru ko hari undi umukuriye ushobora kugira icyo abivugaho, anamwizeza ko uwo muyobozi we aza guhamagara umunyamakuru ariko kugeza ubwo twatangazaga iyi nkuru ntacyo yari yemeye kumutangariza.

Ikinyamakuru Ukwezi kandi cyagerageje kuvugisha Samputu Patrick; umwe mu bayobozi bakuru muri Bralirwa, ariko inshuro zose twamuhamagaye kuri telefone ye igendanwa ntiyabashije kwitaba.

Nyirinkindi yasize umugore n’abana bane. Yari amaze igihe kirekire akorera Bralirwa


INKURU ZA :
Tanga Igitekerezo
Ibitekerezo 1
toto Kuya 28-05-2019

ariko inkuru ziragwira noneho bralirwa nivuze impundu ko EMMY apfuye.uyu mugabo nimwigeza aho yari ageze muzaba muri abagabo ni ishyari kuko yari umunyamurava Imana yamukijishe abanzi be.

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...