AMAKURU

UKWEZI
Canal+ christmax

Umuntu wa 31 yishwe na Coronavirus mu Rwanda

Umuntu wa 31 yishwe na Coronavirus mu Rwanda
12-10-2020 saa 03:36' | By UKWEZI | Yasomwe n'abantu 1291 | Ibitekerezo

Umuntu umwe yahitanywe na COVID-19 i Kigali, aba uwa 31 uzize iki cyorezo kuva cyagera ku butaka bw’u Rwanda ku wa 14 Werurwe 2020.

Itangazo rya Minisiteri y’Ubuzima ryo kuri iki Cyumweru ryerekana ko uwitabye Imana ari umugabo w’imyaka 41 w’i Kigali.

Kuri uyu wa 11 Ukwakira kandi abantu bane nibo basanzwemo COVID-19 iterwa na Coronavirus mu bipimo 2239 byafashwe, bituma umubare w’abamaze kwandura uba 4896 mu gihe 40 ari bo bayikize, abamaze gukira bose baba 3606.

Abarwayi bashya bagaragaye mu Mujyi wa Kigali ahasanzwe umwe, Kirehe habonetse babiri mu gihe i Musanze handuye umwe.

Mu Rwanda hamaze gufatwa ibipimo bya Coronavirus 518 988, hasanzwemo abantu 4896 banduye. Muri bo 3606 basezerewe mu bitaro nyuma yo gupimwa bagasangwa nta bwandu bagifite mu gihe 1259 bakiri kwitabwaho.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Mu gukomeza kwirinda ikwirakwira rya Coronavirus, abaturarwanda basabwa gukomeza kwitwararika no kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune, kwirinda imihuro itari ngombwa no kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi.


INKURU ZA :
Tanga Igitekerezo
Ibitekerezo
canal Rwanda
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA