AMAKURU

UKWEZI
Canal+ christmax

Ubukwe budasanzwe bwa Eugene ufite uburwayi bw’amayobera bwahuruje imbaga - AMASHUSHO

Ubukwe budasanzwe bwa Eugene ufite uburwayi bw’amayobera bwahuruje imbaga - AMASHUSHO
26-10-2020 saa 09:22' | By Chief Editor | Yasomwe n'abantu 9338 | Ibitekerezo

Mu minsi ishize ikinyamakuru Ukwezi cyabagejejeho inkuru ivuga ku burwayi bwa Munyentwari Eugene n’umuvandimwe we Karekezi Bernard, ndetse n’inkuru y’urukundo rwa Eugene na Mukandayisenga Claudine wemeye kumukunda abandi bose baragiye bamubenga kubera uburwayi bwe. Kuri iki Cyumweru tariki 25, Eugene na Claudine bakoze ubukwe bwahuruje imbaga cyane ko benshi batiyumvishaga iby’inkuru y’urukundo rwabo rudasanzwe.

Munyentwari Eugene niwe ufite uburwayi bukabije ugereranyije na murumuna we Karekezi Bernard. Bombi ntabwo babashije kubona ubuvuzi kandi byabateye ubukene bukabije kuko n’imyuga bize batayiboneye akazi kuko aho batuye bagiye babanena bakanabitaza cyane.

N’ubwo Eugene yakuze azi ko atazabona umufasha, yaje kumenyana na Mukandayisenga Claudine wamubereye inshuti nziza bakajya bahuzwa n’amasengesho, ubucuti bwabo buza kuvamo urukundo rutangaje kuko uyu mukunzi we yagiye abuzwa kenshi n’abantu batandukanye barimo n’abayobozi b’inzego z’ibanze batifuzaga ko yashakana na Munyentwari, bavuga ko batifuza kubona uwo muntu urwaye ibyo bita ibibembe.

Ubu Eugene afite umugore umukunda, gusobanura urwo amukunda biramurenga akarira

Kuwa Gatatu tariki 23 Nzeri 2020, intego y’urukundo rwabo bayigezeho kuko barahiye imbere y’amategeko mu murenge wa Gatore, basezerana kwibanira ubudatana. Munyentwari yageze aho asobanura iby’ubuzima bwe n’urukundo akundwa na Claudine wamwakiriye uko ari, kwihangana biranga amarira arashoka, bizamura amarangamutima y’ikiniga ku batashye ubu bukwe.

REBA VIDEO UKO BYAGENZE ICYO GIHE HANO :

Nyuma y’uko abantu batandukanye bakozwe ku mutima n’ubuzima aba bantu babayemo, binyuze ku buyobozi bw’ikinyamakuru Ukwezi hashyizweho ihuriro rya Whatsapp (Group) abantu batandukanye bo hirya no hino bakusanya amafaranga Bernard na Eugene batangira kuvuzwa, banashyigikira Eugene na Claudine mu bukwe bwabo bwo gusaba no gukwa ndetse no gusezerana imbere y’Imana, ubukwe bukaba bwabaye kuri iki Cyumweru.

Ni ubukwe bwahuruje benshi, abantu bagaragaza kwishimira bidasanzwe uburyo Eugene na Claudine birangiye bibaniye nyuma y’ibihe bikomeye banyuzemo bishingiye ku kuba abantu benshi bararwanyije urukundo rwabo aho Claudine yabuzwaga gukundana n’umusore ufite uburwayi bitaga ibibembe.

REBA VIDEO Y’UBU BUKWE HANO :

REBA VIDEO Y’UBU BUKWE HANO :


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA