konka coffee
KONKA

AMAKURU

UKWEZI
Minijust

Rulindo: Urujijo ku by’umuforomo ufunze azira icyuma cy’ibitaro basanze ku kiraro cy’inka ze

Rulindo: Urujijo ku by’umuforomo ufunze azira icyuma cy’ibitaro basanze ku kiraro cy’inka ze
6-03-2019 saa 13:27' | By Chief Editor | Yasomwe n'abantu 11259 | Ibitekerezo 24

Tariki 26 Gashyantare 2019, nibwo icyuma gikoreshwa mu gukangura umurwayi wagiye muri koma kizwi nka Defibrillator cyabonetse ku kiraro cy’inka z’umuforomo wo ku bitaro bya Kinihira mu karere ka Rulindo, uwo muforomo ahita atabwa muri yombi ariko hari abantu batandukanye barimo abakoranaga nawe bashimangira ko ibyo ashinjwa byaba ari ubugambanyi yakorewe n’abantu barimo umugore we n’ubuyobozi bw’ibitaro.

Mu masaha ya saa sita n’igice z’amanywa ya tariki 26 Gashyantare 2019, nibwo iruhande rw’ikiraro cy’inka za Habineza Jean Claude, habonetse iki cyuma cyitwa Defibrillator. Cyari gipfunyitse mu ipantaro, umukozi wo mu rugo rwa Habineza Jean Claude niwe wakibonye. Ku bitaro bya Kinihira aho uwo Habineza Jean Claude akora, ntabwo byari byigeze bimenyekana ko icyo gikoresho cyibwe cyane ko ngo kitakundaga gukoreshwa kenshi.

Nyuma y’uko ibyo bibaye Habineza Jean Claude yahise atabwa muri yombi, ubu akaba afunzwe ariko iby’ifungwa rye birimo urujijo kuko abaturanyi b’uyu muryango n’abakoranaga n’uwo muforomo bavuga ko yagambaniwe, bagashyira mu majwi ubuyobozi bw’ibitaro bya Kinihira ndetse n’umugore w’uwo muforomo.

Iki nicyo cyuma umukozi wo mu rugo rw’umuforomo yasanze ku kiraro cy’inka zabo

Umwe mu bakozi b’ibi bitaro utashatse ko amazina ye atangazwa, yabwiye ikinyamakuru Ukwezi ko Habineza Jean Claude basanzwe bamuzi nk’inyangamugayo ariko ngo kuko yari afite ubumuga yagiriye mu kazi (Paralysis) hari serivisi atabashaga gutanga neza bityo ubuyobozi bw’ibitaro ntibumwishimire.

Yagize ati: "Ntabwo twigeze tubyumva kandi tubona bitanashoboka, uriya mugabo yaragambaniwe. Yari afite ubumuga yagiriye mu kazi, kuko yari yarabaye pararize nyine hari ibyo atashoboraga gukora, ugasanga ubuyobozi buramwinuba, dukeka ko byaba ari byo byatumye babimugerekaho. Nonese yari kwiba igikoresho mu bitaro akakijyana ku kiraro cy’inka ze ntanagishyire ahandi hantu ngo agihisheyo? Ntabwo byumvikana rwose."

Hari undi mukozi w’ibi bitaro wabwiye ikinyamakuru Ukwezi ko umuyobozi w’ibitaro (Medecin Directeur) Dr Fulgence Nkikabahizi asanzwe akunda gushaka kwikiza umukozi wese adashaka, ndetse ngo ninabyo byatumye akurwa mu bitaro bya Rwinkwavu yahoze ayobora, aho nko mu mpera za 2015 MINISANTE yabonye ko kutumvikana n’abo ayobora byatumye hari abahabwa serivisi mbi, bikaza kuzamba ubwo umubyeyi yabagwaga hifashishijwe urumuri rwa telefone bikamuviramo gupfa mu gihe ubuyobozi bwari bwimanye mazutu ya moteri itanga amashanyarazi (generator) ngo uwo mubyeyi abagwe habona.

Umuturanyi wa Habineza Jean Claude utashatse ko amazina ye atangazwa, avuga ko nabo iby’akagambane yaba yarakorewe n’ubuyobozi bw’ibitaro bakumva ariko bakaba batanashira amakenga umugore we Uyisaba Claudine kuko ngo bari babanye nabi ndetse umugabo yigeze no kumuhunga amara iminsi ataba mu rugo, bityo bakumva bishoboka ko nawe yaba yarafatanyije n’ubuyobozi bw’ibitaro bakamugambanira. Avuga ko ubwo Habineza Jean Claude yafatwaga, yavuze ko ntakindi yavuga kuko uwamuhigaga amubonye.

Kavamahanga Vincent ni Umunyamabanga Nshingwabikorwa w’akagari ka Butunzi muri uyu murenge wa Kinihira aho Habineza Jean Claude n’umuryango we batuye. Uyu muyobozi yabwiye ikinyamakuru Ukwezi ko nta kibazo cy’amakimbirane uyu muryango wagejeje mu buyobozi ariko agashimangira ko nawe iby’uko yagambaniwe n’umugore kuko batari babanye neza abyumva mu baturage babivuga.

Ikinyamakuru Ukwezi cyavuganye na Dr Dr Fulgence Nkikabahizi avuga ko nta kibazo azi ku mibanire ya Habineza Jean Claude n’abo bakorana cyangwa ubuyobozi bw’ibitaro, avuga ko ibindi bizagaragazwa n’inzego zishinzwe kumukurikirana.

Uyisaba Claudine, umugore wa Habineza Jean Claude, we mu kiganiro twagiranye n’ikinyamakuru Ukwezi yavuze ko abamushinja kugambanira umugabo we bamubeshyera, kuko ngo iyo umuntu yahuye n’ikibazo buri wese abivuga uko abishatse. Gusa nawe yemera ko ibyabaye ku mugabo we ntawabura kubikekamo akagambane ariko mu bamugambanira ngo we ntashobora kubamo.


INKURU ZA :
Tanga Igitekerezo
Ibitekerezo 24
karongosix Kuya 26-03-2019

Hakwiriye kubaho ubutabera buhana uwageretseho undi icyaha nyuma ntikimuhame noneho kuburyo yajya ahabwa igihano uwabeshyewe yari guhabwa ibi tubona byazatanga agahenge.

karongosix Kuya 26-03-2019

Hakwiriye kubaho ubutabera buhana uwageretseho undi icyaha nyuma ntikimuhame noneho kuburyo yajya ahabwa igihano uwabeshyewe yari guhabwa ibi tubona byazatanga agahenge.

gatera Kuya 16-03-2019

Uwo nkika ark yatanze iki wana! yakirukanwe nk’abandi bose ….pu.

intamati Marie Kuya 15-03-2019

wowe wita karongo six uravuga amatiku yakubase kuko uri umuryi ushaka kunyereza ibyareta kdi reta yacu ntishyigikiye ibyo uyu Fulgence uvuga ko yirukanye abantu aho iwanyu Rwinkwavu ntabwo aho ari mugihugu kuburyo umuntu yakora ibi wavuze ntibigararagarire abayobozi b’igihugu cyacu n’ubushishozi tubaziho hanyuma bakarenga bakamugororera kuza kuyobora ibitaro by’intara ? ahubwo wowe bakurebe neza ushobora kuba muri bamwe bahora bagambirira gusenya ibyiza twagezeho batifuza gusigasira ibyiza bashaka gushyira munda zabo no guhishira ikibi .abo uvuga bagiye birukanwa kumpanvu zizwi zigaragarira buri wese nundi wese uzifuza gukora ibidaciye mumucyo azabibazwe Fulgence courage ntuzahishire ikibi naho uwo muforomo ukekwaho icyaha inzego zibishinzwe zibikurikirane naba umwere azataha Niko iperereza rikorwa kdi nibimuhama azabihanirwe kuko icyo cyumwa cyaguriwe gufasha abanyarwanda ntabwo aricyo kwiriramo Amafaranga nkuko uwo ariwe wese wagisohoye mubitaro yari agambiriye kukinyereza ahubwo abayobozi ba Kinihira barebe neza buriya hibwe byinshi .

karongo six Kuya 12-03-2019

NKIKABAHIZI ni umuganga wize hanze akaba mbere yo kujya kwiga hanze yari umwalimu muri APAPEC ya hariya iwabo i Mugambazi muri Rulindo umurenge wa Murambi avuka hepfo yaho gato.
yigeze kuyobora ibitaro bya Gakoma mu Majyepfo aza kuyobora ibitaro bya Rwinkwavu aho yavuye nabi kubera imicungire mibi y"abakozi yimirirwa Kinihira hafi yiwabo wenda ngo barebe ko nibura iwabo ho yahashobora kuko ari bene wabo yaba aha service.
ibya Gakoma byo simbizi neza ariko icyo nzi cyo nuko hari umubukira waho watubwiye ko biruhukije babonye ahimuwe ndetse basabira aho agiye kuko bagushije ishyano ko ari nka Satani ibamanukiye
ubwo nitwe aba Rwinkwavu.
Nkikas ni umugabo uvuga byinshi ariko agakora bike cyane kandi akarangwa nitra bwoba ndetse no kurwana no kwikiza abantu akekea ko batavuga rumwe niyo baba bavugisha ukuri

Nkikas naganiriye numuntu umwe biganye primary ndetse banabanye muri chorale i Rutongo muri catolique ambwira ko ajya yumva amafuti ye yabimubaza akamusubiza ko bose bamwanga ariko ntasobanure
impamvu zabyo ariko akamubwira ko atajya atinya gufata umwanzuro waba mwiza cyangwa mubi atitaye kungaruka izo arizozose zakurikiraho kabone niyo habonekamo uhasiga ubuzima we ngo ntacyo bimubwiye
Nkikas ageze hano Rwinkwavu yabanje kutwishushanyaho ariko agezaho kamere iramunanira atangira kuvangura abakozi ivangura rye akenshi rishingira kuri ancienete uburambe nukuvuga iyo agusanze aho aba yifuza ko mutakomeza gukorana uwo waba uri we wese inzego zose

Akigera Rwinkwavu yabanje kwibasira Admin aba aramwirukanishije haza undi nawe biba uko ariko bashobora kuba baramubuzaga kwiba cyane ko akunda kwikubira no kwigwizaho imitungo nkabatindi
nyuma yaje kwinjiraira uwahoze ayobora MOH wa mukecuru ukuze cyane usigaye aba Butaro kuri kaminuza yaho amusaba kumwirukanira kanira bamwe mubakozi yasanze Rwinkwavu amufasha kubaha za mutation ziteza ibihombo umukozi ngaho za Kabaye Kaduha Nyamasheke uvuye East bakakwimurira Western South...

1) Hari umuforomo yashatse kwimura asanga ari muri Repos medical yigihe kirekire agarutse amwima akazi nubu aracyasiragira mu nkiko asaba ko bamwishyura amezi 19 yose yamuhagaritse bitemewe.
2) Yirukanishije Admin Juliene wakundaga kwituriza amubeshyeyengo yatutse MINISTER wawundi navuze haruguru.

3) Yanze kwishura amadeni yabakoze ibikorwa mu bitaro ngo nuko banze kumutwerera munbukwe bwe ibihumbi 50 kiu muntu none nubu bamwe ntibarayabona

4) yashatse kwitendeka kuri Procurement Innocent amunaniza mun kazi ngo azasezere asanga si umusivile mugenzi we biramunanira kugeza ubwo bamwimuye bitarakunda

5) Reka mbabwire noneho agashya yakose twese turumirwa ingoma ye igeze mu marembera yashatse impamvu yatuma koko bigaragara ko bamwanga niko kumena ikirahuri cyo kwidirishya ryo ku bureau bye agirango Police imarire abantu muri Prison mwumve namwe uko byagenze iperereza ryakozwe basanze koko cyaramenwe ariko inimene byacyo bigwa hanze we yemezaga ko bamuteye ibuye kuko niho agatwe ke yakerekezaga iyo yabaga yicaye mu ri office umva yaramwaye bamubaza ukuntu byagenze ngo ibimene bigwe aho ibuye ryatewe rituruka arya iminwa Police iramugaya irikomereza.

6) Ajya kwimika yimanye imfuguzo za office azima Michel wacu wari umusimbuye bagombye kumena urugi naho munsu yabagamo yasize agunguye Gaz yo guteka kugirango uzazamo nacana azahiremo mu kwimuka kwe cyakaze yabwiye umuntu umwe ntavuze izina yagize umu sou statut ari umuzamu niwe wamwimuye twe twari twibereye hafi aho twitegereza ukundtu aga film kagenda.

karangwa jean Mair Kuya 12-03-2019

Imana imufashe niba arengana nukuri bizagaragara naho Nkikas we ibye bitinde bitebuke bizamenyekana dufite umukru w’igihugu ureba kure cyane.

karangwa jean Mair Kuya 12-03-2019

Imana imufashe niba arengana nukuri bizagaragara naho Nkikas we ibye bitinde bitebuke bizamenyekana dufite umukru w’igihugu ureba kure cyane.

Hitayezu Kuya 9-03-2019

MANA WE NUBWO NYWAHAMIRIZA UMUNTU ARKO IBI BINTU BABIKURIKIRANE NEZA KUKO CLAUDINE NANJYE TWARIGANYE MUZI NK’INYANGAMUGAYO RWOSE

HAKIZIMANA Lambert Kuya 9-03-2019

Oya rwose ibi nugukabya. Ababishinzwe babikurikirane. kuba icyuma cyarabonetse ku kiraro cy’umuntu bivuze ko ariwe wakihashyize? kuki undi muntu atagishyiraho? Twizeye ko ubutabera buzakora akazi kabwo.

nzirorera Jean Kuya 8-03-2019

jye iki kibazo ndakibona nkakagambane, kuki mbere hose ibi bitigeze bibaho uyu muyobozi witwa Fulgence ataraza, uyu doctor aho yabanje za Gakoma na Rwinkwavu yahasigaga ari umuriro, none aje kuwatsa na Kinihira . ariko uyu sumuntu. numunyamatiku kabuhariwe uzwi muri systeme ya sante.kugushamo abandi nibyo bye. ngirango case zagiye ziba aho yakoze zirazwi, ndetse yavuye Rwinkwavu ho ari burare afunzwe. ngirango ni ministeri yamuhungishije imuzana kinihira. none naho atangiye kamere ye. ubu abakozi bagera muri 23 bi kinihira bose bamaze gusezera kubera kubatoteza nimikorere mibi yuyu muyobozi. ministeri nikore ibishoboka imukize ibitaro nahubundi ntaho bizagera

Franko Kuya 8-03-2019

Aha niho Labo ya Kacyiru ikwiye kugaragariza ubuhanga bwayo yerekana abantu bose bakoze kuri ieiya appareil urengana akarenganurwa kandi ugaragaye ko yashakaga kubeshyera no kurenganya mugenzi we aho yashakaga ko bamushyira akaba ariwe uhajya.

HAKIZIMANA Lambert Kuya 8-03-2019

Claude ndamuzi neza twariganye Kandi twabanye igihe kirekire. Inzego zibishinzwe zikurikirane ikibazo cye Kuko abakorana nawe bemeje ko abayobozi be batamukundaga kubera ubumuga yagiriye mu kazi, abo bayobozi bakurikiranwe kandi bahanwe . Naho umugore we, nakazi ke niba ariwe wabikoze, yaba yibeshya yabonye Claude akuze igikuru nuko agihumeka Imana izamushumbusha. Ni Gute umuntu yakwiba icyuma nka defibrillator akagihisha ku kiraro? Ahubwo c yagisohokanye ate mu bitaro? aba securite barihe? abasecurite Bose babashyire kugitamaduni bafloninge ninkoni ibagereho murebe ko batavuga uko iyo mashini bayisohoye nuwabatumye kuyishyira ku kiraro cya Claude.Uruzi iyo bamushinja kwiba imiti ntibamushinje imashini? Yayisohokanye muri service ate? Umuyobozi wa service iyo mashini yabagamo nawe ntibamusige,kuki atagaragaje ko igikoresho cyabuze muri service ayobora mbere yuko iboneka kwa Claude??? Uwo mugore wa Claude nawe bamucisheho inkoni arahita avuga ukuri kose? Guhururizwa n’umugore wawe ??? Ni kuki yahise ahamagara inzego zose zibaho z’umutekano atabanje guhamagara ibitaro Kandi igikoresho Ari ikibitaro ?? kuki atahamagaye umugabo ngo icyo gikoresho bagishikirize ibitaro batabanje guhuruza inzego z’umutekano harimo na police??? Ni iki cyari cyananiranye kugirango bahamagaze Police??? Aho hari Tena kwanza? Ese mbabaze! kuba igikoresho cyarabonetse kukiraro cya Claude bivuga ko ari Claude wakihashyize? ahubwo bamuhe impozamarira yiminsi bamufungishije maze Leta imurenganure afungurwe cyane ko Leta yacu abanyarwanda yanga akarengane n’ikandamizwa ry’abakozi bayo. Mu mategeko Company ishinzwe security kuribi bitaro niyo igomba kubazwa ibyabuze mukigo irinda Kuko mu masezerano bakora mbere yo guhabwa akazi iryo kubazwa ibyabuze niryo rya mbere. Bicaze hasi abasekurite ntibatinye kubakubita arko birinde kubakubita cyane da!!! Ubundi murebe ko byose batabivuga. Iriya mashini Ni Nini ntiyasohoka aba securite batabigizemo uruhare Kandi ntiyava mubitaro abayobozi ba service yabagamo batabigizemo uruhare. Gusa mwibuke ko abasecurite cg undi muntu uwariwe wese bashobora no kubeshyera Claude kukagambane n’abo bayobozi b’ibitaro bakajya kumushinja kugirango abambwe. Inzego zibishinzwe nizihagurukire akarengane nkako Claude arimo gukorerwa.

HAKIZIMANA Lambert Kuya 8-03-2019

Arko abantu nk’uyu Kundwa Aline ubanza ari abakozi ba satani. umuntu yamugaye avura abanyarwanda, amugarira mu kazi, bageretse ho kumufunga none uyu mugore ngo Ni Kundwa Aline arimo kumwishima hejuru? ahubwo bagukurikirane wa mugore we ubanza uri mubo Claude azira. witereye mu nkuru uruka amagambo y’agashinyaguro ku muntu wakoreye leta imyaka amaze yose wagize ngo ni imbwa ahari. Ni umugabo sha. Uravuga Leta wamurushije kuyikorera? Kandi Claude ntakibazo afitanye na Leta, Na Leta ntakibazo ifitanye na Claude. Urumva wamugore we? baravuga ko yakoreye impanuka mukazi avura abanyarwanda warangiza ngo birirwa mu magambo? Uri muri bamwe bishyizemo abaganga kuburyo uhita uvuga ngo nabambwe utarasoma n’icyo azira. Nubwo wabanga gute ntuzabura kubagana sha. wasanga waranabyajwe nabo !!! cg uzabyazwa nabo!!! Tuza isi ntisakaye. Claude Imana iramuzu ahubwo turagukurikirana uri mubagambaniye Claude.

Isidole Kuya 8-03-2019

Ntibyumvikana ,uwo muforomo ararengana ,igihisha kukiraro se ntanzu afite , abantu bareke urwango nakagambane

Isidole Kuya 8-03-2019

Ntibyumvikana ,uwo muforomo ararengana ,igihisha kukiraro se ntanzu afite , abantu bareke urwango nakagambane

Irambona Kuya 7-03-2019

Ese wakwiba ugahisha iwawe ra? En plus kukiraro?! Imana niyo nkuru.

John Kuya 7-03-2019

Umwanzi agucira akobo Imana ikagucira akanzu twezeye ko Imana izamurenganura niba arengana.

John Kuya 7-03-2019

Umwanzi agucira akobo Imana ikagucira akanzu twezeye ko Imana izamurenganura niba arengana.

Hatunguramye Eustache Kuya 6-03-2019

Uwo Muforomo Ibye Birababaje Kandi Biteye Agahinda Bityo Inzego Z’ubutabera Nazo Zikwiye Kumva Ijwi Rya Rubanda Zigatanga Ubutabera Buboneye Uwo Mwana W’umunyarwanda Akarenganurwa.

Espersnce Kuya 6-03-2019

Uwo muganga ikibazo cye gikurikiranwe mubushishozi hato atarengana kuko ntawamenya ibyo aribyo Gusa hamwe nogusenga ahagarare kigabo ubundi Uhoraho abane nawe nkuko ajya abana nabandi mumanza.

Umuturage wa Kinihira Kuya 6-03-2019

Rwose twababajwe n’ifungwa rya Claude. Yari yifitiye ubumuga,......Mana we! Kandi buri gihe yataha bamureba. Ikigo gifite abazamu bahagije impande zose kuburyo abaye ariwe yakagombye kuba yarafashwe agisohokanye. Kuki uwo mugore we ngo ni Claudine yahise ahamagara inzego zose police, Ibitaro na ba mudugudu nkaho ari interigence? Infact, Claude azize ubuyobozi butagize icyo bukora ku bagabo bakomeye yahoraga afatira iwe bamwinjiriye urugo bigatera amakimbirane muri uwo muryango n’umugore we washyigikiraga gusenya ajya mu burtayi. Ubu bwo bagiye kurwinjirira nta ntugunda. Rwose abayobozi bagakwiye kumvaamakimbirane nkayo bakihutira kugira icyobayakoraho kuko bigira ingaruka mbi mu buryo ubu n’ubundi. Ubu ibitaro nti bibuze umuganga ufite experience? Murakoze.

Rose nyirahabimana Kuya 6-03-2019

Baca umugani ngo inkubisi yamabyi irayitarukiriza, Reka barebe uko Imana ikora. Uwo muforomo Imana izamutabara, kd ukuri kuratsinda!

Kundwa Aline Kuya 6-03-2019

Ariko mu byukuri ubwo hatabayeho iharabika rikorerwa abayobozi bacu nta mpamvu ahubwo biterwa Wenda n’iterambere ry’itanga Nakuru,wambwira ukuntu umuyobozi buyobora abakozi Nazi ni ngaruka zituruka Ku burwayi ari n’abaganga bahora umukozi byongeho wagiriye ikibazo mu kazi.ahubwo abo birirwa mu magambo urwanda ni igihugu kiti kumuvuduko WO hejuru mu iterambere kuburyo nkabo baganga aho kugirango bavure birirwa mu bitangaza makuru basebanya gusa.

Kundwa Aline Kuya 6-03-2019

Ariko mu byukuri ubwo hatabayeho iharabika rikorerwa abayobozi bacu nta mpamvu ahubwo biterwa Wenda n’iterambere ry’itanga Nakuru,wambwira ukuntu umuyobozi buyobora abakozi Nazi ni ngaruka zituruka Ku burwayi ari n’abaganga bahora umukozi byongeho wagiriye ikibazo mu kazi.ahubwo abo birirwa mu magambo urwanda ni igihugu kiti kumuvuduko WO hejuru mu iterambere kuburyo nkabo baganga aho kugirango bavure birirwa mu bitangaza makuru basebanya gusa.

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...