AMAKURU

UKWEZI
RPF

Mu mafoto:Umuryango ‘Madiba Foundation’ basuye Urwibutso rwa Karembure banafasha abarokotse

Mu mafoto:Umuryango ‘Madiba Foundation’ basuye Urwibutso rwa Karembure banafasha  abarokotse
12-04-2018 saa 17:27' | By Akayezu Jean de Dieu | Yasomwe n'abantu 3120 | Ibitekerezo

Abayobozi, inshuti n’abagize Umuryango ‘Madiba Foundation’ udaharanira inyungu basuye urwibutso rwa Jenoside rwa Karembure ruri mu murenge wa Gahanga, akarere ka Kicukiro, Umujyi wa Kigali, aho banatanze ibikoresho kuri imwe mu miryango y’abacitse ku icumu rya Jenoside yakorewe Abatutsi batishoboye muri aka kagari.

Uyu muryango washinzwe n’Umuhani Safi Madiba ndetse ukanamwitirirwa dore ko witwa ‘Madiba Foundation’ wakoze ibi bikorwa by’urukundo kuri uyu wa Kane tariki 12 Mata 2018, mu rwego rwo kwifatanya n’Abanyarwanda mu kwibuka ku nshuro ya 24 Jenoside yakorewe Abatutsi muri Mata 1994.

Iki gikorwa cyari kigamije gufata mu mugongo no guhumuriza abasizwe iheruheru na Jenoside yakorewe Abatutsu cyakoze ku miryango irindwi yatoranyijwe n’ubuyobozi bw’akagari ka Karembure bufatanyije na IBUKA, aho mu bahawe ibikoresho birimo ibyo kurya ndetse n’ibindi byo kwifashisha mu rugo.

Mu byahawe aba baturage harimo abahawe imifuka y’umuceri,akawunga, amasabune,amavuta, amasabune, n’ibindi bitandukanye.

Jean de Dieu, Umuvugizi w’Umuryango ‘Madiba Foundation’ yavuze ko iki gikorwa bagiteguye mu rwego rwo kwifatanya n’abanyarwanda mu kwibuka ku nshuro ya 24 Jenoside yakorewe Abatutsi, aho baje gufasha mu rwego rwo kugoboka no gufasha mu kwiyubaka aba bacitse ku icumu rya Jenoside yakorewe Abatutsi nk’uko insanganyamatsiko y’uyu mwaka ibivuga ngo ‘Twibuke Twiyubaka’.

Perezida w’Umuryango uharanira Inyungu z’abarokotse Jenoside, IBUKA, mu kagari ka Karembure, Nshimiyimana Valens yashimiye byimazeyo, uyu muhanzi avuga ko igikorwa nk’iki cy’urukundo ari bake baba bafite uyu mutima.

Umuyobozi wa IBUKA muri Karembure kandi yakomeje avuga ko ibi byakozwe n’umuhanzi Safi Madiba bigaragaza ko mu Rwanda abantu basigaye bari mu murongo umwe wo gufasha bagenzi babo by’umwihariko abafite ibibazo.

Niyibikora Safi Madiba yavuze ko ibihe nk’ibi byo kwibuka abazize Jenoside yakorewe Abatutsi ari ibihe bikomeye cyane ari nayo mpamvu nawe aba yafashe umwanya ngo yifatanye n’abasizwe iheruheru na Jenoside akagira icyo yabakorera gifite akamaro mu bushobozi aba afite.

Madiba Foundation watangiye gukorera mu Rwanda, mu mwaka ushize wa 2017, kuri ubu uyu muryango ukaba ukomeje gukora ibikorwa byo gufasha abatishoboye mu ngeri zose aho bagenda babagenera ubufasha butandukanye. Mbere yo gukora igikorwa cyo gufasha babanje gukora urugendo rwo kwibuka (Walk to Remember) abazize Jenoside muri Karembure Nyuma y’urugendo rwo kwibuka, Safi Madiba n’itsinda baturukanye muri ’Madiba Foundation’ bifatanyije n’ab’i Karembure kunamira inzirakarengane ziruhukiye mu rwibutso rwa Karembure
Safi Madiba, umuyobozi ndetse akaba ari nawe washinze umuryango ‘Madiba Foundation’ Safi Madiba yakunze gushimangira ko iki gitekerezo yagihawe n’umugore we, ufite umutima wo gufasha muri we
Jean de Dieu, Umuvugizi wa’Umuryango ufasha ukanatera inkunga abatishoboye hano mu Rwanda ‘Madiba Foundation’,
Bafashije abacitse ku icumu rya Jenoside yakorewe Abatutsi batishoboye Abafashijwe bishimiye cyane igikorwa cy’urukundo bakorewe na Safi Madiba abinyujije muri uyu muryango we ‘Madiba Foundation’ Umuyobozi wa IBUKA muri Karembure, Nshimiyimana Vincent yashimiye ‘Madiba Foundation’
Umukuru w’Umudugudu w’Amahoro, Ntambara Emmanuel wari uhagarariye inzego bwite za Leta Umuhanzikazi Marina nawe yari yaje gushyigikira mugenzi we Safi Madiba babana muri The Mane

Bamwe mu nshuti n’ababarizwa muri uyu muryango wa ‘Madiba Foundation’

AMAFOTO: Bunani Janvier


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
netlink
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...