AMAKURU

UKWEZI
ubumwe

Minisitiri Gashumba yasabye Abanyarwanda kwirinda ingendo zitari ngombwa I Goma kubera ebola

Minisitiri Gashumba yasabye  Abanyarwanda kwirinda ingendo zitari ngombwa I Goma kubera ebola
16-07-2019 saa 08:39' | By Nsanzimana Ernest | Yasomwe n'abantu 881 | Ibitekerezo 1

Minisitiri w’ Ubuzima Dr Diane Gashumba yasabyea abaturarwanda kwirinda gukorera mu mujyi wa Goma ingendo zitari ngombwa mu rwego rwo kwirinda ko bakwandurayo ebola.

Mu mpera z’ icyumweru gishize nibwo mu mujyi wa Goma uri hafi y’ akarere ka Rubavu hagaragaye umurwayi wa Ebola. Ni umupasiteri wari uvuye I Butembo nk’ uko byatangajwe na Minisiteri y’ Ubuzima muri Repubulika ya Demukarasi ya Kongo.

Minisitiri w’ Ubuzima Dr Diane Gashumba yasuye imipaka iri I Rubavu ihuza u Rwanda na Goma, asaba Abanyarwanda kwitwararika.

Yagize ati “Ntabwo wabwira abantu ngo ntimwongere kwambuka umupaka, ariko buri wese agomba kuganira n’umutimanama we akumva ko ubusugire bw’igihugu bumureba, niba ibyo yahahiraga hariya yashobora kubibona hano, yareka kujyayo kugeza iki cyorezo kirangiye.’’


Mu rwego rwo kwirinda ko Ebola yinjira mu Rwanda abaturutse hanze y’ imipaka bapimwa umuriro.

Itangazo ryashyizweho umukono na Minisitiri w’ Ubuzima Dr Diane Gashumba kuri uyu wa 15 Nyakanga 2019, rihumuriza Abanyarwanda ribabwira ko nta ebola iragaragara mu Rwanda.

Muri iri tangazo Minisitiri Gashumba yasabye abanyarwanda kwirinda ingendo zitari ngombwa ahagaragagaye Ebola, Kwirinda kwakira abaturutse ahagaragaye ebola no gutanga amakuru y’ aho bari mu gihugu hose, Kwihutira kwipimisha umuriro igihe uturutse ahagaragaye ebola, Kumenyesha polisi uhamagaye ku 112, na Minisiteri y’ ubuzima ku 114 (imirongo itishyurwa) igihe ubonye umuntu uturutse ahari ebola.

Minisitiri Gashumba akomeza asaba abaturage ko uwakumva afite ibimenyetso bya ebola yakwihutira kujya kwa muganga, Kwirinda gukora ku matembabuzi cyangwa ibikoresho byakoreshejwe n’ umurwayi wa Ebola, kwirinda gukora ku muntu wishwe na ebola cyangwa gukora no kurya inyamaswa zo mu ishyamba zipfushije no gukomeza umuco wo gukaraba intoki hakoreshejwe amazi meza n’ isabune.

Amakuru aturuka I Goma aravuga ko abagenzi bagendanye muri taxi n’ uyu mupasiteri wagaragayeho ebola bamaze gukingirwa ndetse ngo uyu mupasiteri yasubijwe I Butembo kuko ariho hari ivuriro rya Ebola rifite imbaraga.

U Rwanda rumaze igihe rwarafashe ingamba zikomeye zo kwirinda ebola zirimo gupima abinjira mu Rwanda baturutse mu bice birimo Ebola.


Kamera zipima abantu mu kivunge zikamenya niba harimo ufite umuriro mwinshi.

Ku mupaka uzi nka petite Barriere uhuza uhuza u Rwanda na Kongo hashyizwe kamera ebyiri zipima abantu binjiye mukivuge haba harimo ufite umuriro mwinshi zigata impuruza.

Uretse ubu buryo kandi hari na gahunda ibaho yo gukirangira ebola abantu bahawe amahungurwa yo guhanga na ebola ndetse n’ abajyanama b’ ubuzima bo mu turere twegereye imipaka.


INKURU ZA :
Tanga Igitekerezo
Ibitekerezo 1
Isimbi Kuya 29-07-2019

Kokoabanyarwandabagombakwirindaebola

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...