Laurence ubu ni inshuti ikomeye na Nkundiye wamwiciye umuryango wose muri Jenoside - VIDEO

Nyuma y’imyaka 25 mu Rwanda habaye Jenoside yakorewe Abatutsi mu mwaka w’1994, Abanyarwanda bateye intambwe ikomeye mu kubaka ubumwe n’ubwiyunge hagati y’abiciwe ababo ndetse n’abagize uruhare mu bwicanyi, kuburyo hari n’abatanga ubuhamya bw’uko ubu bafitanye ubucuti n’ababiciye umuryango. Urugero ni uyu Laurence n’abandi benshi baduhaye ubuhamya bwabo

Iby’intambwe idasanzwe y’ubumwe n’ubwiyunge mu Rwanda, biragaragazwa na benshi barimo n’umubyeyi Laurence Niyongira n’umuturanyi we Thacien Nkundiye bo muri Mbyo mu karere ka Bugesera, babaye inshuti zikomeye nyuma y’imyaka mu Rwanda habaye Jenoside yakorewe Abatutsi, kandi Nkundiye yarishe umuryango wose wa Niyongira akaba ari we urokoka wenyine mu muryango we wose.

Laurence Niyongira wiciwe umuryango we wose na Thacien, avuga ko we yamaze kumuha imbabazi ubu akaba ari mu nshuti ze za hafi, ndetse ngo ubu bakaba babanye neza batitaye ku byabaye muri Mata 1994.

Thacien Nkundiye ati : “Natangajwe bikomeye n’uburyo yambabariye, byaranshimishije. Iteka ubwo namwandikiraga ibaruwa igihe nari ndi muri gereza musaba ko yazambabarira, nta na rimwe yigeze anyita umwicanyi. Ubu musigira abana banjye iyo ngize aho njya kandi abitaho nk’abe atitaye ku mabi namukoreye. Yatumye ngira amahoro yo mu mutima.”

Aba bantu bombi bari mu itsinda ry’imiryango 54 igizwe n’abagize uruhare muri Jenoside yakorewe abatutsi bo muri Mbyo, bakaba bariyunze binyujijwe mu muryango wa gikirisitu udaharanira inyungu ugamije kwigisha abantu ubumwe n’ubwiyunge. Ikinyamakuru Ukwezi cyaganiriye na bamwe muri aba batujwe muri iyi miryango, baduha ubuhamya budasanzwe bw’uko basigaye babanye kandi imiryango yabo yaragiye ihemukirana mu gihe cya Jenoside.

REBA VIDEO Y’IKIGANIRO TWAGIRANYE NA BAMWE MURI BO HANO :

Nkunzurwanda Kuya 10-08-2019

BYIZA CYANEEE !!!! arikose ? Ubu ntaburyarya bubirimo ? Kumubabarirabyo , byarakozwe, kwishima Kuko yababariwe nabyo, nibyiyumvo by’umutima, ark se nanone ibyinshuti magara bivuyehehe !??? Ntibyakunda, uyu uvugako Genocide itamugizeho ingaruka , ubu yaba arumunyarwanda !? Abayewe, namwita( injijimbi) kuko haba, uwapfushije, Cqa uwishe, ndetse nabarokotse, murirusange , umunyarwanda wese, byamugizeho ingaruka.

Nkunzurwanda Kuya 10-08-2019

Eddie Kuya 4-08-2019

Ko numva kwita uwo mujenosideri inshuti bibogamye ?
Kumubabarira byo ni intambwe ikomeye kuko byurura umutima ariko nta nshuti yakumariye umuryango njye mbona. Reka, reka .

gakuba Kuya 2-08-2019

Isi ibanga Kuya 2-08-2019

Nu Rwanda ibihabera ntibiba ahandi kwisi. Ibi bintu birenze ubwenge bwa muntu. Abazungu bamwe iyo bumvise ibi bintu babiburira ibisobanuro, iyo batabyise ubugoryi babyita ubusazi. Kuli jye sinzi uko mbyumva birandenga kubera ko genocide itangizeho ingaruka.

AMAKURU

Laurence ubu ni inshuti ikomeye na Nkundiye wamwiciye umuryango wose muri Jenoside - VIDEO