AMAKURU

UKWEZI
cheno 2020

Kirehe niyo yabonetsemo benshi banduye coronavirus, Dore utundi turere twabonetsemo abarwayi

Kirehe niyo yabonetsemo benshi banduye coronavirus, Dore utundi turere twabonetsemo abarwayi
6-05-2020 saa 06:00' | By Nsanzimana Ernest | Yasomwe n'abantu 8848 | Ibitekerezo 2

Akarere ka Kirehe niko kabonetsemo abantu benshi (abantu 101) banduye Coronavirus, hagakurikiraho Akarere ka Bugesera gafite 47, Gasabo ifite abarwayi 39, Kicukiro na 38 na Nyarugenge ifite 25.

Mu Rwanda hose hamaze kuboneka abantu 261 banduye covid-19 kuba iki cyorezo cyaboneka mu Rwanda tariki 14 Werurwe.

Muri aba 261, abagera 169 bagiturukanye hanze y’u Rwanda, naho 92 bahuye n’abavuye hanze baranduye Coronavirus. Mu banduye bose hamwe, abagabo ni 206 bangana na 78.93%, abagore ni 55, bangana na 21.07%.

Rusizi, Nyamasheke, Rubavu, Gakenke, Burera, Nyagatare, Gatsibo, Nyabihu, Ngororero, Rutsiro, Gisagara, Nyanza, Ruhango, Nyaruguru, Rwamagana, Kayonza na Nyamagabe nitwo turere tutarabonekamo umuntu ufite coronavirus.

Umuyobozi Mukuru w’Ikigo cy’Igihugu cy’Ubuzima, RBC, Dr Nsanzimana Sabin, yabwiye IGIHE ko uturere nka Kirehe, imibare yaho iri hejuru kuko hari ikigo gishyirwamo abantu bava mu mahanga, by’umwihariko muri Tanzania, hamaze kugaragara ubwandu bwinshi.

Ati “Ni uko aho tuvurira ahantu henshi ni mu Bugesera niyo mpamvu bigaragara ko ako karere kibasiwe ni uko hari ikigo cy’ubuvuzi, kuri Kirehe ni uko abashoferi bava hanze, muzi ikibazo cy’abashoferi bamaze iminsi bagaragaraho ubwandu, abenshi tubafata bageze ku mupaka (Rusumo) muri Kirehe.”

Muri Kirehe mu bantu 101 batahuweho Coronavirus, 89 bari baturutse hanze, naho 12 banduriye mu gihugu, mu gihe muri Bugesera, 43 bayiturukanye hanze naho bane bandurira mu gihugu. Bitandukanye n’uturere dutatu tw’Umujyi wa Kigali kuko abenshi ari abanduriye mu gihugu; muri Gasabo ni 31/8, Kicukiro ni 22/16 naho Nyarugenge ni 18/7-umubare munini ni uwabanduriye imbere mu gihugu.

Guverinoma y’u Rwanda iheruka kugaragaza ko nyuma yo gusanga nta bwandu buri hagati mu baturage, hashobora gushyirwaho amabwiriza mashya yasimbuye kuguma mu rugo, maze hafungurwa ibikorwa bimwe.

Ni umwanzuro wafashwe nyuma yo gupima abantu 4573, batoranyijwe mu igenzura ku mavuriro asaga 30% y’aboneka mu gihugu.

Minisitiri w’Ubuzima, Dr Ngamije Daniel, yatangaje ko nyuma y’ubwo bushakashatsi, ibipimo byerekanye ko “iriya ndwara itari mu baturage ari nayo ngaruka nziza y’icyemezo cyafashwe.”


INKURU ZA :
Tanga Igitekerezo
Ibitekerezo 2
Ngayabateranya J.Baptiste Kuya 7-05-2020

Abantu bakomeze kubahiriza ingamba za gvm.ibinda inzego zibishinzwe zizabikurikirana

denys Kuya 7-05-2020

NUKWIRINDA

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...