AMAKURU

UKWEZI
Canal+ christmax

Kirehe : Umuturage wari ufite imyaka 88 yishwe na Coronavirus

Kirehe : Umuturage wari ufite imyaka 88 yishwe na Coronavirus
28-10-2020 saa 00:48' | By UKWEZI | Yasomwe n'abantu 821 | Ibitekerezo

Minisiteri y’Ubuzima mu Rwanda yatangaje ko umuturage wo mu Karere ka Kirehe yishwe na COVID-19 mu Rwanda, bituma umubare w’abamaze guhitanwa n’iki cyorezo ugera kuri 35, mu gihe abarwayi bashya babonetse ari 11.

Amakuru yatanzwe n’iyi Minisiteri kuri uyu wa 27 Ukwakira 2020, agaragaza ko uwitabye Imana kuri uyu wa Kabiri ari umubyeyi w’imyaka 88 w’i Kirehe.

Kuri uyu wa 27 Ukwakira 2020, abantu 11 basanzwemo ubwandu bwa COVID-19 iterwa na Coronavirus mu bipimo 1594 byafashwe, bituma umubare w’abamaze kwandura uba 5084 mu gihe batatu bakize, abamaze gusezererwa nyuma yo gupimwa bagasangwa nta bwandu bagifite baba 4851.

Abarwayi bashya bagaragaye muri Kigali ahasanzwe umunani, mu gihe mu Turere twa Kirehe, Musanze na Nyamagabe buri hose hakuwe umwe.

Mu Rwanda hamaze gufatwa ibipimo bya Coronavirus 550 532, byasanzwemo 5084 banduye. Muri bo 4851 barakize, 198 baracyari kwitabwaho bavurwa ibimenyetso mu gihe abo iki cyorezo kimaze guhitana ari 35.

Abanyarwanda bagirwa inama yo gukomeza kubahiriza amabwiriza yashyizweho, bibuka kwambara agapfukamunwa buri gihe bavuye mu ngo, bakaraba intoki kenshi, birinda amakoraniro n’ibindi bintu byose bishobora guhuriza hamwe abantu benshi.

Uwiyumvamo ibimenyetso bya Coronavirus birimo inkorora, guhumeka nabi, gucika intege n’ibindi, agahamagara umurongo utishyurwa wa 114 cyangwa akiyambaza umujyanama w’ubuzima kugira ngo ahabwe ubufasha.


INKURU ZA :
Tanga Igitekerezo
Ibitekerezo
canal Rwanda
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA