AMAKURU

UKWEZI
Canal+ christmax

Kigali : Umugabo wafashwe n’uburwayi budasanzwe aratabaza

Kigali : Umugabo wafashwe n’uburwayi budasanzwe aratabaza
24-11-2020 saa 15:03' | By UKWEZI | Yasomwe n'abantu 4703 | Ibitekerezo

Umugabo witwa Munyaneza Jean Damascene utuye mu Murenge wa Gisozi mu Karere ka Gasabo, Umujyi wa Kigali, amaze imyaka itanu arwaye indwara idasanzwe yamufashe mu maguru ikaba idashobora gutuma agira icyo akora mu gihe ubuyobozi bwanze kumufasha ngo yivuze.

Munyaneza avuga ko bijya gutangira haje uburwayi budasanzwe bumufata mu maguru bizamuka mu mavi no mu matako, noneho amaguru araremera ku buryo aba ameze nk’apima ibiro ijana.

Uyu mugabo ufite umugore n’abana bane yaganiriye na UKWEZI, avuga ko ubu burwayi bwe butuma atabasha guhaguruka kuko iyo abigerageje aba yenda kwitura hasi kuko aba yumva mu mavi no mu matako hameze nk’ahaboze.

Reba Munyaneza asobanura iby’uburwayi bwe

Mbere yo kugira ubu burwayi yari asanzwe akora uturimo tworoheje two gushakisha, gukora ubuyede [gufasha abafundi mu mirimo yo kubaka], ariko kuri ubu muri iyo myaka yose ayimaze yicaye mu rugo atabasha gukora.

Munyaneza afite umugore niwe ukora uturimo two gufurira abantu ndetse no gukora ubuyede kugira ngo abone ibihumbi 10Frw byo kwishyura inzu babamo ndetse yagira amahirwe akabona n’icyo bararira.

Uyu mugabo avuga ko “Kugeza ubu ntabwo mbasha kugenda, amavi ntabwo akora no mu matako. Byabanje kumfata ngira ngo bizakira, nanga kwivuza kubera ko ntari mfite mituweri kandi ndi mu cyiciro cya kabiri.”

Munyaneza yavuze ko yageregeje kujya muri CHUK kwivuza ariko bikaba byarakomeje kwanga ndetse ngo n’ubuyobozi bwanze kumuha ubufasha anasabye gushyirwa mu cyiciro cya mbere buramwangira.

Munyaneza aboneka kuri numero ya telefone 0789 600 680, ku muntu waramuka ashaka kumuha ubufasha ubwo aribwo bwose.

Reba Munyaneza asobanura iby’uburwayi bwe


INKURU ZA :
Tanga Igitekerezo
Ibitekerezo
canal Rwanda
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA