AMAKURU

UKWEZI
ubumwe

‘Iyo imvura ikubye nijoro turicara dutegereje ngo niriduka turwanye dusohoka’ Drocella w’ i Huye

‘Iyo imvura ikubye nijoro turicara dutegereje ngo niriduka turwanye dusohoka’ Drocella w’ i Huye
30-08-2019 saa 22:54' | By Nsanzimana Ernest | Yasomwe n'abantu 3109 | Ibitekerezo

Umubyeyi witwa Mukangamije Drocelle wo mu karere ka Huye, umurenge wa Gishamvu abayeho mu buzima bubabaje kuko inzu abamo isaha n’ isaha ishobora kuriduka ikamwicana n’ umwana we w’ inkumi babana.

Batuye mu mudugudu wa Gitwa mu kagari ka Ryakibogo. Igice kimwe cy’ inzu babamo cyararidutse, ariko baracyaba mu byumba byasigaye.

Uyu mubyeyi washyizwe mu kiciro cya 3 cy’ ubudehe avuga ko atazi impamvu atubakirwa kandi abandi baturage badafite amikoro bubakirwa. Meya agaragaza ko kubakira abatishoboye bikomeje.

Umuyobozi w’ Akarere ka Huye Ange Sebutege avuga ko bakoze urutonde rw’ abaturage bose badafite amazu yo kubamo ngo bazubakirwe muri uyu mwaka w’ ingengo y’ imari.

Uru rutonde rwakozwe ruvuye ku rwego rw’ umudugudu kuzamuka kugera ku karere. Urwo rutonde ngo rugaragaza ko mu karere kose imiryango 200 ariyo ikeneye kubakirwa, mu gihe ingo 1900 zikeneye gufashwa gusana.

Uyu mubyeyi w’ abana batanu ariko bamwe bakaba batabana nawe ku mpamvu avuga ko ari uguterwa ipfunwe n’ ubuzima bubi, avuga ko iyo we n’ umukobwa w’ imyaka nka 12 babana babonye imvura ishaka kurara igwa bacungira hafi y’ umuryango ngo inzu idahirima basinziriye bagapfiramo.

Yagize ati “Iyo tubonye imvura ishaka kurara igwa nijoro ntabwo turyama, turicara dutegereje ngo nigikaka ngo gisunduke turwanye dusohoka”.

Mukangamije avuga ko ikibazo cye ubuyobozi bukizi kuko umuyobozi w’ umurenge yamusuye mu ntangiriro z’ uku kwezi kwa 8, gusa ngo nta kintu yamusezeranyije.

Agira ati “Njyewe ikintu bamfasha bankuye aha byaba ari byiza. Urabona ubu buzima ndimo kutagira aho uba ni ikibazo cya mbere. Burya iyo ufite aho uba nibura umenya n’ uburyo ushakisha”

Umwaka ushize w’ ingengo y’ imari(2018-2019) akarere ka Huye kagombaga kubakira imiryango 547, muri iyi miryango iyasigaye itarubakira ni imiryango 15.

Mu rwego rwo gukemura ikibazo cy’ amazu mu buryo burambye akarere ka Huye kakoze igenzura bundi bushya, gasanga imiryango irengaho gato 200 nayo ikeneye kubakirwa.

Meya ati “Mu igenzura ejo bundi twakoze twaje gusanga hari abaturage 200 basagaho gatoya tuzubakira”

Abaturage mu nteko rusange zabo basanze mu bazubakirwa hari abagomba gutanga umusanzu wabo, abafite imbaraga bakibumbira amatafari hanyuma bakubakirwa binyuze mu miganda rusange.

Ubuyobozi bw’ akarere ka Huye buvuga ko bitarenze tariki 30 Kamena 2020 iyi miryango isaga 200 izaba yaramaze kubakirwa.


Meya Sebutege Ange avuga ko tariki 30 Kamena 2020 imiryango irenga 200 izaba yaramaze kubakirwa


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...