konka coffee
KONKA

AMAKURU

UKWEZI
ubumwe

Igitera abantu kumera imvi n’ uko wakongera ugahindura umusatsi wawe umukara

Igitera abantu kumera imvi n’ uko wakongera ugahindura umusatsi wawe umukara
21-06-2019 saa 09:14' | By Nsanzimana Ernest | Yasomwe n'abantu 6046 | Ibitekerezo

Kuba umusatsi wari umukara wahinduka umweru ni ibintu bisanzwe bitewe n’ imyaka ufite uko ingana. Gusa hari n’ igihe umusatsi wari umukara uhinduka umweru nyamara nyirawo akiri ingimbi cyangwa umwangavu. Birashoboka ko umusatsi wamaze kuba imvi wakongera ugahinduka umukara ukurikije izi nama zatanzwe n’ abaganga b’ inzobere mu bijyanye n’ imisatsi.

Mu misatsi y’ umuntu habamo ibyitwa follicles bihuza umusatsi n’ uruhu, mu ruhu niho haba imisemburo yitwa melanine ituma ruba umukara. Abahanga bavumbuye ko uko umuntu agenda akura follicles zatumaga melanine iva mu ruhu ijya mu misatsi zigenda zicika intege bigatuma umusatsi uhinduka imvi kubera kubura melanine.

UKWEZI , twifashije inkuru yatangajwe n’ ikinyamakuru cyandika ku buvuzi medicalnewstoday tugiye kubagezaho impamvu zituma hari abamera imvi bakiri bato n’ icyakorwa kugira ngo umusatsi wandutse imvi wongeye ube umukara.

Uretse izabukuru hari izindi mpamvu nyinshi zishobora gutuma umuntu amera imvi akiri muto. Kubura vitamini B6, B12 na Vitamini E na D bishobora gutuma umuntu amera imvi akiri muto.

Ubushakashatsi bwakozwe muri 2013, bwagaragaje ko kumera imvi ukiri muto hari igihe biterwa n’ abo ukomokaho. Abazungu imisatsi yabo itangira guhinduka umweru ku myaka 20 mu gihe abirabura bo muri Amerika imisatsi yabo itangira kuba umweru ku myaka 30.

Iyo ibinyabutabire byifitemo oxygen bibaye byinshi muri cellule zo mu ruhu havuka imyivumbagatanyo yitwa ‘Oxidative Stress’ ituma melanine zo mu ruhu zangirika rugahindura ibara. Icyo gihe n’ umusatsi uhinduka umweru umuntu akamera imvi niyo yaba akiri muto.

Ubushakashatsi bwatangajwe mu kinyamakuru Dermatology Online Journal cyo mu Butaliyani buvuga ko abantu banywa itabi bamera imvi bakiri bato ugereranyije n’ abatarinywa.

Abahanga bavuga ko gushyira produits nyinshi mu misatsi nabyo bituma uhinduka umweru. Iyo ushyize mu musatsi produit zirimo ibyitwa Hydrogen peroxide melanine zirapfa umusatsi ugahinduka umweru.

Ibyo wakora kugira ngo utamera imvi n’ uko wabigenza kugira ngo umusatsi wahindutse imvi wongere ube umukarara

Abahanga bavuga ko iyo umusatsi wahindutse imvi kubera ko nyirawo ashaje ngo ntacyo yakora ngo wongere ube umukara keretse iyo umusatsi wahindutse imvi kubera ibibazo byo mu mibereho.

Igihe umusatsi wawe wahindutse umweru ukiri muto uramutse wihase ibiribwa birimo imbuto n’ imboga bikiri bishya, amafi, amavuta ya olive, n’ icyayi cy’ icyatsi umusatsi wawe wakongera ukaba umukara.

Kuko hari igihe umusatsi uhinduka umweru kubera kubura Vitamin B12 na D kurya ibisimba byo mu mazi , inyama n’ amagi byagufasha kubona B12, naho Amata, salomon na cheese byagufasha kunguka bitamini D.

Ubundi buryo bwarinda umuntu kumera imvi akiri muto ni ukureka itabi ahubwo akajya anywa icyayi cya mukaru.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...