AMAKURU

UKWEZI
ubumwe

Huye: Ubuzima bubabaje bw’ umwana w’ imyaka 3 ufite ubumuga nyina asiga akanyagirwa n’ imvura kuko adashobora kugenda

Huye: Ubuzima bubabaje bw’ umwana w’ imyaka 3 ufite ubumuga nyina asiga akanyagirwa n’ imvura kuko adashobora kugenda
2-09-2019 saa 20:39' | By Nsanzimana Ernest | Yasomwe n'abantu 4792 | Ibitekerezo 5

Umwana w’ imyaka 3 ufite ubumuga bw’ amaguru abayeho mu buzima buteye impungenge ndetse abaturanyi bafite ubwoba ko uyu mwana ashobora kuzapfa azize icyo bita uburangare bwa nyina.

Uyu mwana tutari butangaze amazina ni uwo mu mudugudu wa Rwabuye, Akagari ka Gatobotobo , Umurenge wa Mbazi mu karere ka Huye.

Nyina w’ uyu mwana afite imyaka 25 yitwa Nyiransengimana Rachel. Abaturanyi ba Rachel bavuga ko akora uburaya gusa we avuga ko akora ibiraka.

Kuri iki Cyumweru tariki 1 Nzeli 2019, ubwo umunyamakuru wa UKWEZI yageraga mu rugo yasanze uyu mwana atabashije kwikura aho nyina yari yamusize bituma imvura ihamunyagirira.

Abaturanyi b’ uyu mwana na nyina batubwiye ko batari bazi ko uyu mwana atabonye umujyana mu nzu kugama. Ngo bamuherukaga ari kumwe n’ abandi bana mu mbuga imvura itaragwa.

Uyu mwana iyo umubajije aho nyina yagiye akubwira ko nyina yagiye mu kabari ku muzanira biswi.

Umwe mu baturanyi yatubwiye ko batewe impungenge n’ ubuzima uyu mwana w’ umukobwa w’ imyaka itatu abayemo ati “None se nk’ ubu nyina ko aba yamusize aba amusiga aziko hari umuntu mukuru wirirwa aha?”.

Undi muntu uba muri uru rugo uyu mwana abamo yagize ati “Impungenge ni uko uyu mwana yazapfira hano kandi twamubazwa”.

Nyiransengiyumva avuga ko umwana we afite ubumuga bushobora kuvurwa bugakira, ngo abaganga bamuhaye transfert ngo age kumugoroza amaguru I Gatagara ariko yabuze ubushobozi.

Akomeza agira ati “Ntabwo kuriya ari ukumutererana nubwo mba musiga nange mba mfite impungenge kuko nzi ikibazo afite kandi ntabwo nabona amafaranga yo guha umukozi ngo age amusigaragara”

Uyu mubyeyi asaba abagiraneza ko bamufasha akabona amafaranga yo kuvuza umwana we.

Agira ati “Avuwe ntacyo ubuzima bwose twabubanamo ikibazo ni uko mba musiga nka kuriya buri munsi nta n’ umuntu nizeye namusigiye”.


Iyi nzu niyo Nyiransengimana Rachel nyina w’ uyu mwana akodesha

Abaturanyi bavuga ko uyu mubyeyi ajya asiga umwana wenyine mu nzu akajya gukora akazi nijoro, ari naho bashingira bavuga ko akora uburaya.

Uyu mwana yabanje kujya arara arira nyina yasize amukingiranye ariko abaturanyi bavuga ko yageze aho akamenyera, ngo ubu ntabwo akirara arira nubwo nyina aba yagiye.

Uyu mwana aho yiriwe ntabwo aba afite umuntu ushobora kumuhindurira imyenda iyo ayitumyemo akanayihagarikamo nyina niwe umuhindurira imyenda nimugoroba atashye.

Ngo iyo amaze kumuhindurira imyenda aramutekera akamugaburira, ubundi akamuryamisha akagenda akagaruka mu gicuku.

Mu gitondo uyu mubyeyi bivugwa ko akora uburaya atekera umwana we igikoma akanamugaburira ubundi akamusiga akajya gukora akazi kugira ngo abone ikimutunga we n’ umwana we.

Umuyobozi wungirije w’ Akarere ka Huye ushinzwe imibereho myiza yabwiye UKWEZI ko bagiye kureba uyu mwana bashake uko bamufasha.


INKURU ZA :
Tanga Igitekerezo
Ibitekerezo 5
jado Kuya 5-09-2019

ndumva uyu mwana ambabaje pee. gusa na nyina namabura kindi nonese ko wumva Aho atahiye amwitaho noneho yagumaho akareka gushàka ikibatunga?

akimana Kuya 4-09-2019

mwiriwe neza!ubuyobozi bwaho atuye ndetse nabahagarariye abafite ubumuga nibatabare mwokanya arababaje kandi na nyina wabona ataruburangare amusiga yabuze uko agira.murako

Yyy Kuya 3-09-2019

Uyu mwana arababaje pe. Hari uwo mbonye watse nimero yababonaho ngo amufashe. Nundi wese wabona hari inkunga yatera mukuvuza uyu mwana cg nubundi bufasha, nyandikira kuri 0782002883 ubundi mbahuze na nyina.

J.Pierre Kuya 3-09-2019

Mwatwoherereza number twabonaho icyo kibondo tukakifashiriza kuko nawe akeneye kubaho.

Beni Kuya 3-09-2019

Ariko Mana tabara iki kibondo Nukuri isi iratunaniza,ubuse uyu mwana koko Arazira iki?

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...